ಸಂಬರಗಿ, 28 : ಗ್ರಾಮೀಣ ಪ್ರದೇಶದಲ್ಲಿ ಮಾಟ-ಮಂತ್ರ ಹೆಚ್ಚಾಗಿದ್ದು, ಮಾಟ-ಮಂತ್ರ ಸ್ಥಳದಿಂದ ಜನರು ಹೋಗಲು ಹಿಂದೆಟು ಹಾಕುತ್ತಿದ್ದಾರೆ. ಜಂಬಗಿ ಗ್ರಾಮದ ಅಥಣಿ ಮುಖ್ಯ ರಸ್ತೆಗೆ ಹೆಡಿಗೆಯಲ್ಲಿ ಲಿಂಬೆಹಣ್ಣು, ಕುಂಕುಮ, ಅರಿಶಿಣ, ತೆಂಗಿನಕಾಯಿ ಇನ್ನೀತರ ವಸ್ತುಗಳು ಕಂಡು ಬಂದಿವೆ. 

ಜಂಬಗಿ ಗ್ರಾಮದಿಂದ ಅಥಣಿ ಪಟ್ಟಣಕ್ಕೆ ಹೋಗಲು ಮುಖ್ಯ ರಸ್ತೆ ಇದ್ದು, ಗ್ರಾಮದ ಹತ್ತಿರ ಆ ರಸ್ತೆಯ ಬದಿಗೆ ಮಾಟ-ಮಂತ್ರ ಮಾಡುತ್ತಾರೆ. ಈ ರಸ್ತೆಯಲ್ಲಿ ಹಲವಾರು ದಿನದಿಂದ ಅಪಘಾತದ ಪ್ರಮಾಣ ಹೆಚ್ಚಾಗಿದ್ದು, ಹಲವಾರು ಜನರು ಮೃತಪಟ್ಟಿದ್ದಾರೆ. ಆ ಭಯದಿಂದ ಯಾವ ವ್ಯಕ್ತಿಗಳು ಈ ಮಾಟ-ಮಂತ್ರ ಮಾಡುತ್ತಿದ್ದಾರೆ. ಜನರಲ್ಲಿ ಭಯ ಮೂಡುತ್ತಿದೆ. ಈ ರಸ್ತೆಯ ಬದಿಯಲ್ಲಿ ಮೇಲಿಂದ ಮೇಲೆ ಇಂತಹ ಕೃತ್ಯಗಳು ನಡೆಯುತ್ತಿವೆ. ಈ ಕೃತ್ಯ ಮಾಡುವವರ ಮೇಲೆ ಗಮನವಿಟ್ಟು ಕಾನೂನು ಕ್ರಮ ಕೈಗೊಂಡರೆ ಮಾಟ-ಮಂತ್ರ ತಡೆಗಟ್ಟುವ ಸಾಧ್ಯತೆ ಇದೆ.