ನಾಗ್ಪುರ, ಫೆ 3  ಅಜಯ್ ದೇವಗನ್ ಅಭಿನಯದ 2015ರ ‘ದೃಶ್ಯಂ’ ಚಿತ್ರದಿಂದ ಸ್ಫೂರ್ತಿ ಪಡೆದು 32 ವರ್ಷದ ವ್ಯಕ್ತಿಯನ್ನು ನಾಗ್ಪುರದ ಕಪ್ಸಿ ಪ್ರದೇಶದಲ್ಲಿ "ಡಾಬಾ" ಮಾಲೀಕರು ಕೊಲೆ ಮಾಡಿ ಉಪಾಹಾರ ಗೃಹದ ಹಿತ್ತಲಿನಲ್ಲಿ ಹೂಳಿರುವ ಘಟನೆ ಬೆಳಕಿಗೆ ಬಂದಿದೆ ಮೃತನನ್ನು ಹಲ್ದಿರಾಮ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಎಲೆಕ್ಟ್ರೀಷಿಯನ್ ಪಂಕಜ್ ದಿಲೀಪ್ ಗಿರಾಮ್ಕರ್ ಎಂದು ಗುರುತಿಸಲಾಗಿದೆ. ಮುಖ್ಯ ಆರೋಪಿ ಅಮರಸಿಂಗ್ ಅಲಿಯಾಸ್ ಲಲ್ಲು ಜೋಗೇಂದ್ರಸಿಂಗ್ ಠಾಕೂರ್ ಗೆ ಸೇರಿದ ಆಹಾರ ಮಳಿಗೆ ಬಳಿ  ಶವ ಪತ್ತೆಯಾಗಿದೆ. ಅಪರಾಧವನ್ನು ಮರೆಮಾಡಲು 2019 ರ ಡಿಸೆಂಬರ್‌ನಲ್ಲಿ ಆತನನ್ನು ಕೊಂದು ಶವವನ್ನು ಹೂಳಿದ್ದ ಆರೋಪದ ಮೇಲೆ ಮೂವರನ್ನು ನಾಗ್ಪುರ ನಗರದಲ್ಲಿ ಬಂಧಿಸಲಾಗಿದೆ. ಪೊಲೀಸರ ಪ್ರಕಾರ, ಡಾಬಾ ಮಾಲೀಕರು ಗಿರಾಮ್‌ಕರ್ ಅವರ ಪತ್ನಿಯೊಂದಿಗೆ ಸಂಬಂಧ ಹೊಂದಿದ್ದರೆಂದು ಆರೋಪಿಸಲಾಗಿದೆ. ಡಿಸೆಂಬರ್ 28 ರಂದು ಗಿರಾಮ್ಕರ್ ಅವರು ‘ಡಾಬಾ’ಕ್ಕೆ ತೆರಳಿ ಅನೈತಿಕ ಪ್ರೇಮ ಸಂಬಂಧದ ಬಗ್ಗೆ ಆರೋಪಿಗಳನ್ನು ಪ್ರಶ್ನಿಸಿದ್ದು, ಇದು ಇಬ್ಬರ ನಡುವೆ ಜಗಳಕ್ಕೆ ಕಾರಣವಾಗಿದೆ.  ನಂತರ ಠಾಕೂರ್ ಅವರು ಗಿರಂಕರ್ ಅವರ ತಲೆಯನ್ನು ಸುತ್ತಿಗೆಯಿಂದ ಹೊಡೆದಿದ್ದರಿಂದ ಕುಸಿದುಬಿದ್ದು, ಸ್ಥಳದಲ್ಲೇ ಮೃತಪಟ್ಟಿದ್ದಾನೆ. ಠಾಕೂರ್, ಅಡುಗೆಯವ ಮತ್ತು ಮಾಣಿ ಸಹಾಯದಿಂದ ದೇಹವನ್ನು ಉಕ್ಕಿನ ಡ್ರಮ್‌ನಲ್ಲಿ ಇರಿಸಿ ಅದನ್ನು ಹೂಳಲು ನಿರ್ಧರಿಸಿದನು. 

ಅದೇ ಉದ್ದೇಶಕ್ಕಾಗಿ ಹಿತ್ತಲಿನಲ್ಲಿ 10 ಅಡಿ ಆಳದ ಹಳ್ಳವನ್ನು ಅಗೆದರು. ಅವರು ಪಿಟ್ ಅನ್ನು ಸುಮಾರು 50 ಕೆಜಿ ಉಪ್ಪಿನಿಂದ ತುಂಬಿಸಿ ದೇಹವನ್ನು ಅದರ ಮೇಲೆ ಇಟ್ಟುಕೊಂಡು ಹಳ್ಳವನ್ನು ಮಣ್ಣಿನಿಂದ ತುಂಬಿಸಿದ್ದರು. ಮೃತ ವ್ಯಕ್ತಿಯ ಮೋಟಾರ್ ಸೈಕಲ್ ಅನ್ನು ಕೂಡ ಶವದ ಮೇಲೆ ಹೂಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಆರೋಪಿಯು ರಾಜಸ್ಥಾನಕ್ಕೆ ಪ್ರಯಾಣಿಸುತ್ತಿದ್ದ ಟ್ರಕ್‌ಗೆ ಮೃತನ ಮೊಬೈಲ್ ಫೋನ್ ಅನ್ನು ಎಸೆದಿದ್ದಾನೆ ಎಂದು ಪೊಲೀಸರು ಖಚಿತಪಡಿಸಿದ್ದಾರೆ. ಬಲಿಪಶು ಮನೆಗೆ ಹಿಂತಿರುಗದಿದ್ದಾಗ ಕುಟುಂಬವು ಕಾಣೆಯಾದ ವ್ಯಕ್ತಿಯ ದೂರನ್ನು ಪೊಲೀಸರಿಗೆ ಸಲ್ಲಿಸಿದೆ. ತನಿಖೆಯ ಸಮಯದಲ್ಲಿ, ಅಪರಾಧ ವಿಭಾಗದ ಅಧಿಕಾರಿಗಳಿಗೆ "ಡಾಬಾ" ಬಗ್ಗೆ ಮಾಹಿತಿ ಪಡೆದು, ಸ್ಥಳಕ್ಕೆ ಭೇಟಿ ನೀಡಿ ಸಾಕ್ಷ್ಯಗಳನ್ನು ಪಡೆದರು.ತರುವಾಯ ಪೊಲೀಸರು ಠಾಕೂರ್, ಆತನ ಅಡುಗೆ ಮತ್ತು ಇನ್ನೊಬ್ಬ ಸಹಚರನನ್ನು ವಿಚಾರಣೆ ನಡೆಸಿದ್ದು, ಈ ವೇಳೆ ಆರೋಪಿ ಅಪರಾಧವನ್ನು ಒಪ್ಪಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ನಂತರ ಪೊಲೀಸರು ಆಹಾರ ಮಳಿಗೆ ಬಳಿ ಹಳ್ಳವನ್ನು ಅಗೆದು ಶವದ ಅವಶೇಷಗಳು ಮತ್ತು ಆತನ ಮೋಟಾರ್ಸೈಕಲ್ ಅನ್ನು ಭಾನುವಾರ ವಶಪಡಿಸಿಕೊಂಡಿದ್ದಾರೆ. ಉಪಾಹಾರ ಗೃಹದಲ್ಲಿ ಮಾಣಿಯಾಗಿ ಕೆಲಸ ಮಾಡುತ್ತಿದ್ದ ಮತ್ತೊಬ್ಬ ಆರೋಪಿಗಳಿಗಾಗಿ ಶೋಧ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.