ನವದೆಹಲಿ, ಆಗಸ್ಟ್ 6   ಲೋಕಸಭೆಯಲ್ಲಿ ಮಂಗಳವಾರ  ಆರಂಭದಿಂದಲೇ  ಬಿಜೆಪಿ ಸದಸ್ಯರು ಹಾಗೂ ಕೇಂದ್ರ ಸಚಿವರಲ್ಲಿ   ಸಂಭ್ರಮ, ಉತ್ಸಾಹ ಮನೆ ಮಾಡಿರುವುದು ಕಂಡುಬಂತು..   ಜಮ್ಮು - ಕಾಶ್ಮೀರ  ಕುರಿತಂತೆ  ಸರ್ಕಾರದ  ಬಹುನೀರಿಕ್ಷಿತ  ಶಾಸನಬದ್ಧ ನಿರ್ಣಯ ಹಾಗೂ ವಿದೇಯಕಗಳನ್ನು ಅನುಮೋದಿಸಲು  ಅವರು ಸಿದ್ದವಾಗಿ ಬಂದಂತೆ ಕಂಡು ಬಂತು. 

ಜಮ್ಮು ಕಾಶ್ಮೀರ  ಪುನರ್ ವಿಂಗಡನೆ ವಿಧೇಯಕ,  ಸಂವಿಧಾನ ಕಲಂ 370 ಕುರಿತ ಶಾಸನ ಬದ್ದ  ನಿರ್ಣಯ  ಹಾಗೂ  ಜಮ್ಮು ಮತ್ತು ಕಾಶ್ಮೀರ  ಮೀಸಲಾತಿ ವಿಧೇಯಕಗಳಿಗೆ  ಸೋಮವಾರ ರಾಜ್ಯಸಭೆ ಅಂಗೀಕಾರ ನೀಡಿತ್ತು 

ಲೋಕಸಭೆಯನ್ನು   ಗೃಹಸಚಿವ ಅಮಿತ್ ಶಾ  ಪ್ರವೇಶಿಸುತ್ತಿದ್ದಂತೆಯೇ  ಆಡಳಿತಾರೂಡ ಬಿಜಿಪಿ ಸದಸ್ಯರು  ಜೈ ಶ್ರೀ ರಾಂ  ಎಂದು ಘೋಷಣೆ ಕೂಗುವ ಮೂಲಕ  ಮೇಜು ಕುಟ್ಟಿ ಸ್ವಾಗತಿಸಿದರು  

ಲೋಕಸಭೆ  ಇಂದು ಬೆಳಗ್ಗೆ ಸಮಾವೇಶಗೊಳ್ಳುವ   ಐದು  ನಿಮಿಷಗಳ  ಮುಂಚೆಯೇ  ಗೃಹ  ಸಚಿವ ಅಮಿತ್ ಶಾ, ಸದನಕ್ಕೆ ಆಗಮಿಸಿದರು  ಹಲವು ಬಿಜೆಪಿ ಸದಸ್ಯರು, ಕೇಂದ್ರ ಸಚಿವರು ಸಹ  ಕಲಾಪ ಆರಂಭಕ್ಕೆ ಮುನ್ನವೇ  ಸದನ ಪ್ರವೇಶಿಸಿದ್ದರು. 

ಅಮಿತ್ ಶಾ ಅವರ  ಇಬ್ಬರ ಸಹಾಯಕ ರಾಜ್ಯ  ಸಚಿವರಾದ  ಜಿ. ಕಿಶನ್ ರೆಡ್ಡಿ ಹಾಗೂ ನಿತ್ಯಾನಂದ್ ರಾಯ್  ಸದನಕ್ಕೆ ಮೊದಲು ಬಂದವರಲ್ಲಿ ಸೇರಿದ್ದರು 

ಒಂದು ಹಂತದಲ್ಲಿ  ಕೇಂದ್ರ ಪಶುಸಂಗೋಪನಾ ಸಚಿವ  ಗಿರಿರಾಜ್ ಸಿಂಗ್,  ಎಐಎಂಐಎಂ ನಾಯಕ ಅಸಾದುದ್ದೀನ್  ಓವೈಸಿ  ಅವರೊಂದಿಗೆ  ದೊಡ್ಡ ಧ್ವನಿಯಲ್ಲಿ ಮಾತುಕತೆ  ನಡೆಸುತ್ತಿದ್ದು ಕಂಡು ಬಂತು. ಇಬ್ಬರೂ ನಾಯಕರು   ಲೋಕಸಭೆಯ ಇಂದಿನ ಕಲಾಪಕ್ಕೆ  ಸೂಕ್ತ ಸಿದ್ಧತೆಮಾಢಿಕೊಳ್ಳುವಂತೆ ಖುಷಿಯಿಂದ ಹೇಳುತ್ತಿರುವುದು  ಕೇಳಿ ಬಂತು.  

ಲೋಕಸಭೆಯ ಉಪನಾಯಕರೂ ಆಗಿರುವ  ರಕ್ಷಣಾ ಸಚಿವ  ರಾಜನಾಥ್ ಸಿಂಗ್, ಹಿರಿಯ ಸದಸ್ಯರಾದ ರಾಹುಲ್ ಗಾಂಧಿ, ಸೋನಿಯಾಗಾಂಧಿ ಸಹ ಹಾಜರಿದ್ದರು.