ನವದೆಹಲಿ, ಡಿ 20 ಟರ್ಕಿಯಿಂದ ಹೆಚ್ಚುವರಿ 12,500 ಮೆಟ್ರಿಕ್ ಟನ್ ಈರುಳ್ಳಿ ಖರೀದಿಸಲು ಸರ್ಕಾರ ಒಪ್ಪಂದ ಮಾಡಿಕೊಂಡಿದ್ದು ಜನವರಿಯಿಂದ ಈರುಳ್ಳಿ ಭಾರತಕ್ಕೆ ರವಾನೆಯಾಗಲಿದೆ.  ಗ್ರಾಹಕ ವ್ಯವಹಾರಗಳ ಇಲಾಖೆಯ ಬೆಲೆ ಸ್ಥಿರೀಕರಣ ನಿಧಿ ನಿರ್ವಹಣಾ ಸಮಿತಿಯ ನಿರ್ದೇಶನದನ್ವಯ ಈ ನಿರ್ಧಾರ ಕೈಗೊಳ್ಳಲಾಗಿದೆ.   ಈ ಹೆಚ್ಚುವರಿ ಆಮದು ಸೇರಿದಂತೆ ಒಟ್ಟು ಈರುಳ್ಳಿ ಆಮದಿನ ಪ್ರಮಾಣ 42,500 ಮೆಟ್ರಿಕ್ ಟನ್ ಗೆ ಹೆಚ್ಚಳವಾಗಿದೆ.  ಈ ತಿಂಗಳಾಂತ್ಯದೊಳಗೆ 12 ಸಾವಿರ ಮೆಟ್ರಿಕ್ ಟನ್ ಈರುಳ್ಳಿ ಭಾರತಕ್ಕೆ ಬರಲಿದ್ದು, ವಿವಿಧ ರಾಜ್ಯಗಳಿಗೆ ಬೇಡಿಕೆಗೆ ತಕ್ಕಂತೆ ಪೂರೈಕೆಯಾಗಲಿದೆ.   ಇದರಿಂದ ಒಟ್ಟಾರೆ ಈರುಳ್ಳಿ ಬೆಲೆ ನಿಯಂತ್ರಣಕ್ಕೆ ಬರಲಿದೆ ಮತ್ತು ಲಭ್ಯತೆ ಸುಧಾರಣೆಯಾಗಲಿದೆ ಎಂದು ಹೇಳಲಾಗಿದೆ.