ವಿಶಾಖಪಟ್ಟಣಂ, ಜೂ 30 ; ಆಂಧ್ರ ಪ್ರದೇಶದ ವಿಶಾಖಪಟ್ಟಣಂನಲ್ಲಿ ಮತ್ತೊಂದು ಅನಿಲ ದುರಂತ ಸಂಭವಿಸಿದ್ದು, ಇಬ್ಬರು ಮೃತಪಟ್ಟು,ನಾಲ್ವರು ಅಸ್ವಸ್ಥರಾಗಿದ್ದಾರೆ. ಇತ್ತೀಚೆಗೆ ಸಂಭವಿಸಿದ ಅನಿಲ ದುರಂತದಿಂದ ಜನತೆ ಇನ್ನೂ ಆತಂಕದಲ್ಲಿರುವಾಗಲೇ ಇಲ್ಲಿನ ಪರವಾಡ ಫಾರ್ಮಸಿಟಿ ಔಷಧ ಕಾರ್ಖಾನೆಯಲ್ಲಿ  ಅನಿಲ ಸೋರಿಕೆಯಾಗಿದೆ. ವಿಶಾಖಪಟ್ಟಣದಲ್ಲಿ ಈ ಔಷಧ ಕಾರ್ಖಾನೆಯಿದ್ದು, ಈ ಅನಿಲ ದುರಂತದಲ್ಲಿ ನಾಲ್ಕು ಮಂದಿ ಅಸ್ವಸ್ಥರಾಗಿದ್ದಾರೆ. ಘಟನಾ ಸ್ಥಳಕ್ಕೆ ರಕ್ಷಣಾ ತಂಡಗಳು ಭೇಟಿ ನೀಡಿದ್ದು, ಪರಿಹಾರ ಕಾರ್ಯ ತೀವ್ರಗತಿಯಲ್ಲಿ ಸಾಗಿದೆ ಎಂದು ಪ್ರಾಥಮಿಕ ವರದಿಗಳು ತಿಳಿಸಿವೆ.