ತಾಳಿಕೋಟಿ  25: ಪಟ್ಟಣದ ಪೊಲೀಸ್ ಠಾಣೆಗೆ ನೂತನ ಪಿಎಸ್‌ಐ ಆಗಿ ಆಗಮಿಸಿದ ಜ್ಯೋತಿ ಖೋತ ಇವರಿಗೆ ತಾಲೂಕ ಬೇಡ ಜಂಗಮ ಸಮಾಜದ ವತಿಯಿಂದ ತಾಲೂಕ ಗೌರವ ಅಧ್ಯಕ್ಷರು, ಜ್ಯೋತಿಷ್ಯ ರತ್ನ ಪೂಜ್ಯ ರಾಮಲಿಂಗಯ್ಯ ಮಹಾಸ್ವಾಮಿಗಳ ನೇತೃತ್ವದಲ್ಲಿ ಸನ್ಮಾನಿಸಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಪೂಜ್ಯ ರಾಮಲಿಂಗಯ್ಯ ಮಹಾಸ್ವಾಮಿಗಳು ಮಾತನಾಡಿ ಪಟ್ಟಣ ಸೇರಿ ತಾಲೂಕಿನಲ್ಲಿ ಶಾಂತಿ ಕಾನೂನು ಸುವ್ಯವಸ್ಥೆ ಕಾಪಾಡುವ ಜವಾಬ್ದಾರಿ ಹುದ್ದೆಗೆ ನೀವು ವರ್ಗಾವಣೆಗೊಂಡು ಬಂದಿದ್ದೀರಿ ನಿಮ್ಮ ಈ ಸೇವಾ ಅವಧಿಯಲ್ಲಿ ಯಾವ ನಿರಪರಾಧಿಗೂ ತೊಂದರೆ ಆಗದಂತೆ ನೋಡಿಕೊಂಡು ಸರ್ವ ಸಮಾಜದ ಜನರ ಮಧ್ಯೆ ಸಾಮರಸ್ಯವನ್ನು ಬೆಳೆಸುವ ಪ್ರಯತ್ನವನ್ನು ತಾವು ಮಾಡಬೇಕು. 

 ಇದಕ್ಕೆ ನಮ್ಮ ಸಮಾಜವು ಸಂಪೂರ್ಣವಾಗಿ ನಿಮಗೆ ಸಹಕಾರ ನೀಡುತ್ತದೆ ಎಂದರು. ಸನ್ಮಾನ ಸ್ವೀಕರಿಸಿ ಮಾತನಾಡಿದ ನೂತನ ಪಿಎಸ್‌ಐ ಜ್ಯೋತಿ ಖೋತ ಅವರು ಗುರುಗಳ ನೇತೃತ್ವದಲ್ಲಿ ತಾವುಗಳು ಸಮಾಜದ ವತಿಯಿಂದ ನನಗೆ ನೀಡಿದ ಈ ಸನ್ಮಾನ ನನ್ನ ಪಾಲಿಗೆ ಆಶೀರ್ವಾದವಾಗಿದೆ ನಿಮ್ಮೆಲ್ಲರ ಈ ಸಲಹೆ ಸೂಚನೆಗಳನ್ನು ಪಾಲಿಸುತ್ತೇನೆ. ತಾಲೂಕಿನ ಶಾಂತಿ ಕಾನೂನು ಸುವ್ಯವಸ್ಥೆ ಕೆಡದಂತೆ ನೋಡಿಕೊಳ್ಳಲು ಶಕ್ತಿ ಮೀರಿ ಪ್ರಯತ್ನಿಸುತ್ತೇನೆ, ನಿಮ್ಮ ಮಾರ್ಗದರ್ಶನ ಹಾಗೂ ಸಹಕಾರ ಸದಾ ಇರಲಿ ಎಂದರು.

ಈ ಸಮಯದಲ್ಲಿ ಬೇಡ ಜಂಗಮ ಸಮಾಜದ ತಾಲೂಕ ಅಧ್ಯಕ್ಷ ಶರಣಯ್ಯ ಹಿರೇಮಠ, ಉಪಾಧ್ಯಕ್ಷ ಶ್ರೀ ಗುರು ಹಿರೇಮಠ, ಕಾರ್ಯದರ್ಶಿಗಳಾದ ಈರಯ್ಯ ಹಿರೇಮಠ, ಗಜದಂಡಯ್ಯ ಹಿರೇಮಠ, ಕೋಶಾಧಿಕಾರಿ ಕಾಶಿನಾಥ ಹಿರೇಮಠ ಮಂಜುನಾಥಗೌಡ ಕವಡಿಮಟ್ಟಿ ಚಬನೂರ ಮತ್ತಿತರರು ಇದ್ದರು.