ರಾಣಿಬೆನ್ನೂರು:30 ಭವಿಷ್ಯದ ಜನಾಂಗಕ್ಕೆ ಇಂದಿನಿಂದಲೇ ಪರಿಪೂರ್ಣ ಹಸಿರಿನಿಂದ ಕೂಡಿರುವ ಉತ್ತಮ ಪರಿಸರವನ್ನು ನಿರ್ಮಿಸಬೇಕಾದ ಹೊಣೆ ಪ್ರತಿಯೊಬ್ಬರ ಮೇಲಿದೆ ಎಂದು ನಗರಸಭೆ  ಪೌರಾಯುಕ್ತ  ಫಕ್ಕೀರ​‍್ಪ ಇಂಗಳಗಿ ಹೇಳಿದರು. 

ಮಾರುತಿ ನಗರ ವಲಯ ಕಾರ್ಯಕ್ಷೇತ್ರದಲ್ಲಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿಸಿ ಟ್ರಸ್ಟ್‌ ಆಯೋಜಿಸಿದ್ದ ಪರಿಸರ ಜಾಗೃತಿ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು. ನಗರ ದಿನದಿಂದ ದಿನಕ್ಕೆ ವೇಗವಾಗಿ ಬೆಳೆಯುತ್ತದೆ. ರಾಜ್ಯದಲ್ಲಿಯೇ ಮಾದರಿ ನಗರ ಇದಾಗಿದ್ದು, ಮುಂದಿನ ದಿನಮಾನಗಳಲ್ಲಿ ಉತ್ತಮ ಮತ್ತು ಸುಂದರ ಪರಿಸರ ನಿರ್ಮಿಸುವ ಗುರಿ ಹೊಂದಲಾಗಿದೆ ಪ್ರತಿಯೊಬ್ಬ ನಾಗರಿಕರು, ನಗರಸಭೆ ಮತ್ತು ಎಸ್‌. ಕೆ. ಡಿ. ಆರ್‌. ಡಿ. ಪಿ, ಜೊತೆಗೆ ಕೈಜೋಡಿಸಬೇಕು ಎಂದು ಕೋರಿದರು.  

ಬಿಸಿ ಟ್ರಸ್ಟ್‌ 1 ರ ಯೋಜನಾಧಿಕಾರಿ, ಮಂಜುನಾಥಗೌಡ ಮಾತನಾಡಿ,  ತಮ್ಮ ಯೋಜನೆ ವತಿಯಿಂದ ಈಗಾಗಲೇ 1000 ಸಾವಿರ  ಸಸಿಗಳನ್ನು ನಾಟಿ ಮಾಡುವ ಗುರಿ ಹೊಂದಲಾಗಿದೆ. ಒಟ್ಟು 10 ವಿಭಾಗಗಳಲ್ಲಿ ಸಸಿಗಳನ್ನು ನೆಡುವುದರ ಮೂಲಕ, ಆಯಾ ಪ್ರದೇಶಗಳಲ್ಲಿ ಪಾಲನೆ ಪೋಷಣೆ, ಮತ್ತು ಸಮಾಜದ ಜವಾಬ್ದಾರಿ ಕುರಿತಂತೆ ಪರಿಸರ ಅರಿವು ಜಾಗೃತಿ ಮೂಡಿಸಲಾಗುತ್ತಿದೆ ಎಂದರು.  

ನಗರಸಭೆ ಸದಸ್ಯ ಪುಟ್ಟಪ್ಪ ಮರಿಯಮ್ಮನವರ ಮಾತನಾಡಿ, ಪರಿಸರ ಅರಿವು ಇಂದಿನ ಅಗತ್ಯವಾಗಿದ್ದು, ಸಸಿಗಳನ್ನು ನೆಟ್ಟ ಮಾತ್ರಕ್ಕೆ ಘೋಷಣೆ ಸಾಧ್ಯವಿಲ್ಲ. ಇದರ ರಕ್ಷಣೆಗೆ ಆಯಾ ಪ್ರದೇಶದಲ್ಲಿರುವ ನಾಗರಿಕರು, ನಿತ್ಯ ಗಮನಿಸಿ, ತಮ್ಮ ಮಕ್ಕಳಂತೆ ಪೋಷಿಸಬೇಕು ಎಂದು ಕರೆ ನೀಡಿದರು.     

ಕಾರ್ಯಕ್ರಮದಲಿ ಇಸ್ಮಾಯಿಲ್ ಸಾಬ್ ಮಕಾಂದಾರ, ಲೀಯಾ ಖತ್ ಕಿಲ್ಲೇದಾರ, ಶಕುಂತಲಾ ಬಡಿಗೇರ, ಕೃಷಿ ಮೇಲ್ವಿಚಾರಕ ಮಹಾಂತೇಶ್ ಎಂ. ಡಿ. ವಲಯ ಮೇಲ್ವಿಚಾರಕಿ ಲಕ್ಷ್ಮಿ ವಿ, ಶಿವಲೀಲಾ, ಭೂಮಿಕಾ ಸೇರಿದಂತೆ ಮತ್ತಿತರರು ಇದ್ದರು.