ನವದೆಹಲಿ, ಮೇ 24,ದೇಶದಲ್ಲಿ  ಸತತ ಮೂರನೆ ದಿನವೂ  ಕರೋನ ಸೋಂಕು ಪ್ರಕರಣಗಳ ಸಂಖ್ಯೆ ಗಣನೀಯವಾಗಿ ಏರುತ್ತಲೇ ಸಾಗಿದ್ದು,  ಪರಿಣಾಮ  ಸೋಂಕಿತರ ಸಂಖ್ಯೆ ಈಗ 1, 31,868 ಕ್ಕೆ ಏರಿಕೆಯಾಗಿದೆ. ಕಳೆದ 24 ಗಂಟೆಗಳಲ್ಲಿ 6767 ಹೊಸ ಪ್ರಕರಣಗಳು ವರದಿಯಾಗಿವೆ ಎಂದು ಆರೋಗ್ಯ ಸಚಿವಾಲಯದ ಹೊಸದಾಗಿ ಮಾಹಿತಿ  ನೀಡಿದೆ. ಸರ್ಕಾರದ ಹೊಸ ಅಂಕಿ  ಅಂಶಗಳ ಪ್ರಕಾರ  ಕಳೆದ 24 ಗಂಟೆಗಳ ಅವಧಿಯಲ್ಲಿ   147 ರೋಗಿಗಳು ಮಾರಕ ಸೋಂಕಿಗೆ ಬಲಿಯಾಗಿದ್ದು, ಈವರೆಗೆ  ಮೃತಪಟ್ಟವರ ಸಂಖ್ಯೆ  3867 ಕ್ಕೆ ತಲುಪಿದೆ. ಸಕ್ರಿಯ ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿರುವ ಪ್ರಕರಣಗಳ ಸಂಖ್ಯೆ 73,560 ಕ್ಕೆ ತಲುಪಿದ್ದು,   ಕಳೆದ 24 ಗಂಟೆಗಳಲ್ಲಿ 2657 ಜನರು ಮಾರಕ ಸೋಂಕಿನಿಂದ  ಗುಣಮುಖರಾಗಿ ಮನೆಗಳಿಗೆ  ಹಿಂತಿರುಗಿದ್ದಾರೆ ಎಂದೂ  ಸಚಿವಾಲಯ ಮಾಹಿತಿ ನೀಡಿದೆ.