ನವದೆಹಲಿ, ಜ 31 ,ಕರೋನಾ ವೈರಸ್ ಪೀಡಿತ ಚೀನಾದ ಹುಬೈ ಪ್ರಾಂತ್ಯದಲ್ಲಿ ವಾಸಿಸುತ್ತಿರುವ 600 ಭಾರತೀಯರೊಂದಿಗೆ ಭಾರತ ಸರ್ಕಾರ ಸಂಪರ್ಕ ಸಾಧಿಸಿದ ಒಂದು ದಿನದ ನಂತರ ಅವರನ್ನು ಸ್ಥಳಾಂತರಿಸಲು ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾದ 423 ಆಸನಗಳ  ಬಿ 747 ವಿಮಾನ ದೆಹಲಿ ವಿಮಾನ ನಿಲ್ದಾಣದಿಂದ ಶುಕ್ರವಾರ  1230 ಗಂಟೆಗೆ ಹೊರಟಿದೆ.  ‘ ಸರ್ಕಾರಿ ಸ್ವಾಮ್ಯದ ಏರ್ ಇಂಡಿಯಾ  ಮತ್ತೊಮ್ಮೆ ರಕ್ಷಣೆಗೆ ಧಾವಿಸಿದೆ. ಈ ಬಾರಿ ಕರೋನಾ ವೈರಸ್ ಪೀಡಿತ ವುಹಾನ್ ನಿಂದ ಭಾರತೀಯರನ್ನು ಸ್ಥಳಾಂತರಿಸಲು ದೆಹಲಿ ಮತ್ತು ವುಹಾನ್ ನಡುವೆ ಜಂಬೊ 747 ವಿಮಾನ ಕಾರ್ಯಾಚರಣೆ ಇಂದು ಪ್ರಾರಂಭವಾಗುತ್ತಿದೆ.’ ಎಂದು ಏರ್ ಇಂಡಿಯಾ ವಕ್ತಾರ ಅಶ್ವನಿ ಲೋಹಾನಿ ಟ್ವೀಟರ್ ನಲ್ಲಿ ತಿಳಿಸಿದ್ದಾರೆ.

ಸುಮಾರು 400 ಭಾರತೀಯರೊಂದಿಗೆ ಇಂದು ಮಧ್ಯರಾತ್ರಿ ಈ ವಿಮಾನ ಭಾರತಕ್ಕೆ ವಾಪಸ್ಸಾಗುವ ನಿರೀಕ್ಷೆಯಿದೆ ಎಂದು ಅವರು ಹೇಳಿದರು.ಈ ಮಧ್ಯೆ, ಚೀನಾದಲ್ಲಿ  ಕರೋನಾ ವೈರಸ್ ನಿಂದ ಸಾವನ್ನಪ್ಪಿದವರ ಸಂಖ್ಯೆ 213 ಕ್ಕೆ ಏರಿದೆ.ಏಕಾಏಕಿ ಕೇಂದ್ರಬಿಂದುವಾಗಿರುವ ಚೀನಾದ ಹುಬೈ ಪ್ರಾಂತ್ಯದಲ್ಲಿ 204 ಸಾವು ಸೇರಿದಂತೆ 5800 ಕ್ಕೂ ಹೆಚ್ಚು ಪ್ರಕರಣಗಳು ದೃಢಪಟ್ಟಿವೆ.ಭಾರತದಲ್ಲಿ ಕರೋನಾ ವೈರಸ್ ನಿಂದ ಒಂದು ನ್ಯುಮೋನಿಯಾ ಪ್ರಕರಣ ದೃಢಪಟ್ಟ ಬಗ್ಗೆ ಹೆಚ್ಚು ಗಮನ ಹರಿಸುತ್ತೇವೆ ಎಂದು ಚೀನಾ ಸರ್ಕಾರ ಗುರುವಾರ ಹೇಳಿದೆ. ಸಾಂಕ್ರಾಮಿಕ ತಡೆಗಟ್ಟುವಿಕೆ ಮತ್ತು ನಿಯಂತ್ರಣವನ್ನು ಜಂಟಿಯಾಗಿ ಬಲಪಡಿಸಲು ಭಾರತದೊಂದಿಗೆ ಸಹಕರಿಸುವುದಾಗಿ ಚೀನಾ ಹೇಳಿದೆ.  ಕೇರಳದಲ್ಲಿ ವೈರಸ್ ಪ್ರಕರಣ ದೃಢಪಟ್ಟ ನಂತರ ಚೀನಾ ಈ ಹೇಳಿಕೆ ನೀಡಿದೆ.