ಚೆನ್ನೈ, ಆಗಸ್ಟ್ 20      ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ- ಇಸ್ರೋ  ಮಂಗಳವಾರ  ಮತ್ತೊಂದು ಮಹತ್ವದ  ಮೈಲಿಗಲ್ಲು ಸಾಧಿಸಿದೆ.  ಜುಲೈ 22 ರಂದು  ಶ್ರೀಹರಿಕೋಟಾ ಉಡಾವಣಾ ನೆಲೆಯಿಂದ ಉಡಾಯಿಸಲಾದ  ಚಂದ್ರಯಾನ -2 ಗಗನ ನೌಕೆ ಇಂದು ಬೆಳಗ್ಗೆ ಚಂದ್ರನ ಕಕ್ಷೆ ಪ್ರವೇಶಿಸಿದ್ದು, ಸೆಪ್ಟಂಬರ್ 7 ರಂದು  ಚಂದ್ರನ ದಕ್ಷಿಣ ದೃವ ಪ್ರವೇಶಿಸಲಿದೆ.  30  ದಿನಗಳ ನಂತರ   ನೌಕೆಯನ್ನು ಭೂಮಿಯ ಕಕ್ಷೆಯಿಂದ  ಚಂದ್ರನ ಕಕ್ಷೆಗೆ ಏರಿಸುವ ಕೆಲಸ ಬೆಳಗ್ಗೆ 09.2ಕ್ಕೆ ಯಶಸ್ವಿಯಾಗಿ  ನಡೆಸಲಾಗಿದೆ ಎಂದು  ಇಸ್ರೋ ಹೇಳಿದೆ. ವಿಕ್ರಂ ಲ್ಯಾಂಡರ್  ಸೆಪ್ಟಂಬರ್ 2 ರಂದು ನೌಕೆಯಿಂದ ಬೇರ್ಪಡಲಿದ್ದು, ಸೆಪ್ಟಂಬರ್ 7 ರಂದು ಚಂದ್ರನ ಅಂಗಳಕ್ಕೆ ಇಳಿಯಲಿದೆ.