ಚೆನ್ನೈ, ಆಗಸ್ಟ್ 20      ಶ್ರೀಹರಿಕೋಟದ ಎಸ್ಎಚ್ಎಆರ್ ಶ್ರೇಣಿಯಿಂದ ಜುಲೈ 22ರಂದು ಉಡಾವಣೆಗೊಂಡ 'ಚಂದ್ರಯಾನ್ -2' ಬಾಹ್ಯಾಕಾಶ ನೌಕೆ ಚಂದ್ರನ ದಕ್ಷಿಣ ಧ್ರುವದಲ್ಲಿ ಸೆಪ್ಟೆಂಬರ್ ಏಳರಂದು ಇಳಿಯಲು, ಇಂದು ಚಂದ್ರನ ಕಕ್ಷೆಗೆ ಪ್ರವೇಶಿಸಿದ್ದು, ಈ ಮೂಲಕ ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಮಂಗಳವಾರ ಮಹತ್ವದ ಮೈಲಿಗಲ್ಲು ಸಾಧಿಸಿದೆ.  ಚಂದ್ರ ಕಕ್ಷೆ ಒಳಸೇರುವಿಕೆ (ಎಲ್ಒಐ) ಕಾರ್ಯಾಚರಣೆ ಇಂದು ಬೆಳಗ್ಗೆ 9.02ಕ್ಕೆ ಯಶಸ್ವಿಯಾಗಿ ಯೋಜನೆಯಂತೆ ಬೋರ್ಡ್ ಪೂರ್ಣಗೊಂಡಿದೆ ಎಂದು ಇಸ್ರೋ ತಿಳಿಸಿದೆ. ಜುಲೈ 22ರಂದು ಶ್ರೀಹರಿಕೋಟದ ಬಾಹ್ಯಾಕಾಶ ಕೇಂದ್ರದಿಂದ ಚಂದ್ರಯಾನ್-2 ಅನ್ನು ಉಡಾವಣೆ ಮಾಡಲಾಗಿತ್ತು, 13 ದಿನಗಳ ಕಾಲ ಚಂದ್ರನ ಕಕ್ಷೆಯಲ್ಲಿ ಸುತ್ತಲಿರುವ ನೌಕೆಯಿಂದ ಲ್ಯಾಂಡರ್ ಮತ್ತು ರೋವರ್ ಸೆಪ್ಟಂಬರ್ 7 ರಂದು ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯಲಿದೆ. ಚಂದ್ರನ ಪಥವನ್ನು ಯಶಸ್ವಿಯಾಗಿ ಪ್ರವೇಶಿಸಿದ ಚಂದ್ರಯಾನ್ -2 ಆಗಸ್ಟ್ 14ರಂದು ಭೂ ಕಕ್ಷೆಯ ಸಂಪರ್ಕ ಕಡಿದುಕೊಂಡು ಚಂದ್ರನತ್ತ ಮುಖ ಮಾಡಿದೆ. ಪ್ರಜ್ಞಾನ್ ಎಂಬ ರೋವರ್ ಒಳಗೊಂಡಿರುವ ವಿಕ್ರಮ್ ಎಂಬ ಲ್ಯಾಂಡರ್ ಚಂದ್ರಯಾನ ನೌಕೆಯ  ಮತ್ತೊಂದು ಆರ್ಬಿಟರ್ ನಿಂದ ಬಿಡುಗಡೆಯಾಗಲಿದೆ.