ಹುಬ್ಬಳ್ಳಿ 26 : ಅಕ್ಷಯ್ ಕಾಲೋನಿಯ ಮಹಾಶರಣೆ ಗಂಗಾಂಬಿಕಾ ಬಳಗವು ಜಗನ್ಮಾತೆ ಅಕ್ಕಮಹಾದೇವಿ  ಹಾಗೂ ವಿಶ್ವ ಗುರು ಬಸವಣ್ಣ ನವರ ಜಯಂತಿಯನ್ನು ಸಂಭ್ರಮದಿಂದ ಆಚರಿಸಿತು. ಉದಯೋನ್ಮುಖ  ಸಂಗೀತ ಕಲಾವಿದೆ ಹಾಗೂ ಧಾರವಾಡದ ಕರ್ನಾಟಕ ಕಾಲೇಜಿನ ವಿದ್ಯಾರ್ಥಿನಿ ಕು. ಶಿವಾನಿ ಕವಟೆಕರ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ಕಿರಣಾ ಘರಾಣಾ ಪರಂಪರೆಯ ಹಿಂದೂಸ್ತಾನಿ ಸಂಗೀತ ಕಲಾವಿದೆ ಶಿವಾನಿ ಅವರು ಪೂರಿಯಾ ಧನಾಶ್ರೀ ರಾಗ ದಿಂದ ಶಾಸ್ತ್ರೀಯ ಸಂಗೀತ ವನ್ನು ಆರಂಭಿಸಿ, ಅನಂತರದಲ್ಲಿ ಬಸವಣ್ಣ, ಚೆನ್ನಬಸವಣ್ಣ, ಸಿದ್ಧರಾಮ, ಅಲ್ಲಮಪ್ರಭು, ಅಕ್ಕನ ವಚನಗಳನ್ನು ಸುಶ್ರಾವ್ಯವಾಗಿ, ರಾಗಬದ್ಧವಾಗಿ ಹಾಡಿ  ಶೋತ್ರುಗಳನ್ನು ಮನರಂಜಿಸಿದರು. ಅಧ್ಯಕ್ಷತೆಯನ್ನು ಅನುಭಾವಿ ಲೇಖಕಿ ಶಾಂತಾ ಕೆ. ಬಸವರಾಜ ವಹಿಸಿದ್ದರು. ದಾಕ್ಷಾಯಣಿ ಕೋಳಿವಾಡ ಅವರು ಸ್ವಾಗತಿಸಿ, ಅತಿಥಿಗಳನ್ನು ಪರಿಚಯಿಸಿದರು.  

ಬಳಗದ ಸಂಚಾಲಕರಾದ ಡಾ. ಸ್ನೇಹಾ ಭೂಸಾನೂರ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ, ಶರಣರು ಸಂಗೀತಕ್ಕೆ ಕೊಟ್ಟ ಪ್ರಧಾನ್ಯತೆ ಯನ್ನು ವಿವರಿಸಿದರು. ಶಶಿಕಲಾ ಕೊಡೇಕಲ್ ವಂದಿಸಿದರು. ಗೀತಾ ಸಾಲಿಮಠ ನಿರೂಪಿಸಿದರು.  ಆಶಾ ಕವಳಿ, ಗೀತಾ ತೆಂಗಿನ ಕಾಯಿ, ಸುಧಾ ಗಂಜಿ, ಶೈಲಾ ಹುಲಮನಿ, ಸುಶೀಲಮ್ಮ ಬಣಕಾರ, ಶೋಭಾ ದೇಸಾಯಿ, ಮಮತಾ ಶೆಟ್ಟರ, ಸರೋಜಾ ಮೇಟಿ, ಸುನೀತಾ ಹುಬ್ಳಿಕರ, ಬಸಮ್ಮ ಕೋಟಿ, ಸೀಮಾ, ಸುಮಾ, ಗೀತಾ, ಶಾಂತಾ, ಗಂಗಾ,ಪಾರ್ವತಿ, ಅನುಪಮಾ, ಶಾರದಾ,ರತ್ನಾ, ರೇಖಾ,ವೀಣಾ,ಲಕ್ಷ್ಮಿ, ಸುಷ್ಮಾ, ಶಿಲ್ಪಾ, ಅಶ್ವಿನಿ,ಡಾ. ಪ್ರಕಾಶ ಮುನ್ನೊಳಿ, ಶ್ರೀಶೈಲ ವಾಲಿ,ವಿರೂಪಾಕ್ಷ ಭೂಸನೂರ, ಅಪ್ಪಾಸಾಬ ಸಿಂದಗಿ,  ಶಶಿಧರ ನಾರಾ, ಡಾ. ಕುಬಸದ, ರವೀಂದ್ರ ಕವಟೇಕರ, ಗ್ರಂಥಪಾಲಕ ಡಾ. ಸುರೇಶ ಡಿ. ಹೊರಕೇರಿ, ಸುಜಯ್ ಸುರೇಶ್ ಹೊರಕೇರಿ, ಸೋಹನ್ ಸುರೇಶ್ ಹೊರಕೇರಿ, ಸಹನಾ ಸುರೇಶ್ ಹೊರಕೇರಿ, ಸುಪ್ರಿಯಾ ಸುರೇಶ್ ಹೊರಕೇರಿ,  ಮುಂತಾದವರು ಉಪಸ್ಥಿತರಿದ್ದರು. ವಚನ ಮಂಗಲದ ನಂತರ ಎಲ್ಲರೂ ಪ್ರಸಾದ ಸ್ವೀಕರಿಸಿದರು.