ಕಾರವಾರ 08: ಕೈಗಾ ಅಣುಸ್ಥಾವರದ ನೌಕರರನ್ನು ಕೈಗಾ ಅಣುಸ್ಥಾವರಕ್ಕೆ ಬೆಳಗಿನ ಜಾವದ ಶಿಫ್ಟ್‌ಗೆ ಬಿಡಲು ತೆರಳುತ್ತಿದ್ದಾಗ ಖಾಸಗಿ ಬಸ್‌ಗೆ ಬೆಂಕಿ ಬಿದ್ದ ಘಟನೆ ಶುಕ್ರವಾರ ಬೆಳಗಿನ ಜಾವ ನಡೆದಿದೆ.  

ಬಸ್ ನಲ್ಲಿ ಹೊಗೆ ಕಾಣಿಸಿದ್ದರಿಂದ ಚಾಲಕ ಬಸ್ ನಿಲ್ಲಿಸಿದ್ದಾನೆ. ನೌಕರರು ತಕ್ಷಣ ಬಸ್ ನಿಂದ ಕೆಳಗೆ ಇಳಿದಿದ್ದಾರೆ . ಅಷ್ಟರಲ್ಲಿ ಇಡೀ ಬಸ್ ಗೆ ಬೆಂಕಿ ಆವರಿಸಿದೆ. ಆಗ್ನಿಶಾಮಕದಳ ಆಗಮಿಸುವ ಹೊತ್ತಿಗೆ ಬಸ್ ಸುಟ್ಟು ಕರಕಲಾಗಿದೆ. ಬಸ್ ಮಾಲೀಕರು ಇನ್ನೂ ದೂರು ನೀಡಿಲ್ಲ. ಬಸ್ ಕೈಗಾ ನೌಕರರನ್ನು ಬಿಟ್ಟು ವಾಪಾಸ್ ಬರುತ್ತಿದ್ದಾಗ ಘಟನೆ ನಡೆದಿದೆ ಎಂದು ಕೈಗಾ ವ್ಯಾಪ್ತಿಯ ಮಲ್ಲಾಪುರ ಪೊಲೀಸ್ ಠಾಣೆಯ ಪೊಲೀಸರು ಹೇಳಿದ್ದಾರೆ. ಬಸ್ ಮಾಲೀಕರು ಆಗಮಿಸಿದ ನಂತರ ಬಸ್ ಗೆ ಬೆಂಕಿ ಹೇಗೆ ಬಿತ್ತು ಎಂಬ ಬಗ್ಗೆ ಹೆಚ್ಚಿನ ವಿವರಗಳು ದೊರೆಯಲಿವೆ. ಪ್ರಥಮ ವರ್ತಮಾನ ಆಧರಿಸಿ ದೂರು ದಾಖಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.