ಕಾರವಾರ 17: ರೋಟರಿ ಕ್ಲಬ್ ಆಫ್ ಕಾರವಾರ ವತಿಯಿಂದ ಇತ್ತೀಚೆಗೆ ಸಿವಿಲ್ ಆಸ್ಪತ್ರೆಯ ರಕ್ತ ನಿಧಿಕೇಂದ್ರದಲ್ಲಿ ರಕ್ತದಾನ ಶಿಬಿರವನ್ನು ಆಯೋಜಿಸಿದ್ದರು.  ಈ ಶಿಬಿರದಲ್ಲಿ ರೋಟರಿ ಸಂಸ್ಥೆಯ ಸದಸ್ಯರು ಸೇರಿ 10 ಜನ ರಕ್ತದಾನ ಮಾಡಿದರು. ಹಾಗೂ 45 ಜನರು ತೂರ್ತು ಪರಿಸ್ಥಿತಿಯಲ್ಲಿ ರಕ್ತದಾನ ಮಾಡಲು ತಮ್ಮ ಹೆಸರುಗಳನ್ನು ನೊಂದಾಯಿಸಿದರು.  

ಕ್ರಿಮ್ಸ್‌ ನಿರ್ದೇಶಕರಾದ ಡಾಽಽ ಪೂರ್ಣಿಮಾ ಹಾಜರಿದ್ದು ಶಿಬಿರವನ್ನು ಉದ್ಘಾಟಿಸಿದರು ಮತ್ತು ರೋಟರಿ ಸಂಸ್ಥೆಯ ಕಾರ್ಯವನ್ನು ಶ್ಲಾಘಿಸಿದರು.  ರಕ್ತನಿಧಿ ಕೇಂದ್ರದ ಡಾಽಽ ರೂಪಾ, ದೀಪಾ ಸಿ., ನಜ್ಮಾ ಎಂ. ಮತ್ತು ಅಕ್ಷತಾ ಎಸ್‌. ನಾಯ್ಕ ಹಾಗು ಟೆಕ್ನಿಶಿಯನ್ನ ಶ್ರೀನಿವಾಸ ರವರು ಉಪಸ್ಥಿತರಿದ್ದರು.  ಈ ಸಂದರ್ಭದಲ್ಲಿ ರೋಟರಿ ಕಾರ್ಯದರ್ಶಿ ವಿನೋದ ಕೊಠಾರಕರ,  ಸದಸ್ಯರಾದ ಅನಮೋಲ ರೇವಣಕರ, ರಾಘವೇಂದ್ರ ಜಿ. ಪ್ರಭು, ಅಮರನಾಥ ಶೇಟ್ಟಿ, ಸುರಜ ಗಾಂವಕರ ಹಾಗೂ ರಕ್ತನಿಧಿ ಕೇಂದ್ರದ ಸಿಬ್ಬಂದಿಗಳು  ಉಪಸ್ಥಿತರಿದ್ದರು.