ಪಾಟ್ನಾ, ಅ 4:   ಬಿಹಾರದಲ್ಲಿ  ಕಳೆದೊಂದು ವಾರದಿಂದ  ಸುರಿಯತ್ತಿರುವ  ಭಾರಿ ಮಳೆಗೆ  ಜನಜೀವನ ಕಂಗಾಲಾಗಿದ್ದು, ಬಹುತೇಕ  ನದಿಗಳು  ಅಪಾಯ ಮಟ್ಟ ಮೀರಿ ಹರಿಯುತ್ತಿದೆ.  ಮಳೆ ಸಂಬಂಧಿತ  ಅವಗಡಗಳಲ್ಲಿ  ಈವರೆಗೆ ಮೃತಪಟ್ಟವರ ಸಂಖ್ಯೆ  75ಕ್ಕೆ ತಲುಪಿದೆ  ಎಂದು  ಅಧಿಕೃತ ಮೂಲಗಳು ತಿಳಿಸಿವೆ. 

ಪಾಟ್ನಾ, ಭಾಗಲ್ಪುರ  ಹಾಗೂ ಕೈಮೂರ್ ಜಿಲ್ಲೆಗಳಲ್ಲಿ ಕಳೆದ  ಎರಡು ದಿನಗಳಿಂದ  ನಿರಂತರ ಮಳೆ ಸುರಿಯುತ್ತಿದ್ದು,  ಜನಜೀವನ ಅಸ್ತವ್ಯಸ್ತಗೊಂಡಿದೆ.  ರೈಲು ರಸ್ತೆ ಸಾರಿಗೆ  ಸಂಪೂರ್ಣ ಸ್ಥಗಿತವಾಗಿದೆ ಎಂದು ವರದಿಯಾಗಿದೆ. 

 ಪ್ರವಾಹ ಪರಿಸ್ಥಿತಿ ಸಂಪೂರ್ಣ ಅನಿರೀಕ್ಷಿತ ಎಂದು  ವಿಪತ್ತು ನಿರ್ವಹಣಾ ವಿಭಾಗ ಹೇಳಿದೆ. 

ಮುಖ್ಯಮಂತ್ರಿ ನಿತೀಶ್ ಕುಮಾರ್  ಪ್ರವಾಹ ಪರಿಸ್ಥಿತಿ  ಕುರಿತು ಜಿಲ್ಲಾಧಿಕಾರಿಗಳ ಜೊತೆಗೆ ವಿಡಿಯೋ ಕಾನ್ಫರೆನ್ಸ್  ನಡೆಸಿದ್ದು, ಪರಿಸ್ಥಿತಿ ನಿಭಾಯಿಸಲು ರಾಜ್ಯ  ಸರ್ಕಾರ ಸಾಧ್ಯವಿರುವ ಎಲ್ಲಾ ಪ್ರಯತ್ನಗಳನ್ನೂ ನಡೆಸುತ್ತಿದೆ. ಇಂತಹ ಸಂದರ್ಭದಲ್ಲಿ ಜನ ಸಾಮಾನ್ಯರು ಯಾವುದೇ ರೀತಿಯಲ್ಲಿ ಅಧೈರ್ಯಗೊಳ್ಳಬಾರದು  ಎಂದು ಮನವಿ ಮಾಡಿದ್ದಾರೆ. 

ಪ್ರವಾಹ ಪೀಡಿತ ಪ್ರದೇಶಗಳಲ್ಲಿ ಪರಿಹಾರ ಕಾರ್ಯಕ್ಕಾಗಿ ಹೆಚ್ಚುವರಿ ಎನ್ಡಿಆರ್ಎಫ್ ತಂಡವನ್ನು ರಾಜ್ಯಕ್ಕೆ ಕಳುಹಿಸುವಂತೆ ಕೇಂದ್ರಕ್ಕೆ ಮನವಿ ಮಾಡಿಕೊಂಡಿದೆ. ಅಲ್ಲದೆ, ಬಿಹಾರದಲ್ಲಿ ಮುಂದಿನ  48  ಗಂಟೆಗಳ ಕಾಲ ಈ ಮಳೆ ಮುಂದುವರೆಯಲಿದೆ ಎಂದು ಹವಾಮಾನ ಇಲಾಖೆ ನೀಡಿರುವ ಎಚ್ಚರಿಕೆ ನೀಡಿರುವುದು  ಜನರ ಚಿಂತೆಗೆ ಕಾರಣವಾಗಿದೆ.