ಬೀಜಿಂಗ್, ಏ 9,ಕೋವಿಡ್-19 ಏಕಾಏಕಿ ತೀವ್ರಗೊಂಡಿರುವ  ಕಾರಣ ಏಪ್ರಿಲ್ ಮಧ್ಯದಲ್ಲಿ ನಡೆಯಬೇಕಿದ್ದ ವಾರ್ಷಿಕ ಬೀಜಿಂಗ್ ಅಂತಾರಾಷ್ಟ್ರೀಯ ರನ್ನಿಂಗ್ ಫೆಸ್ಟಿವಲ್‌ನ ಪ್ರಮುಖ ಕೂಟ ಬೀಜಿಂಗ್ ಹಾಫ್ ಮ್ಯಾರಥಾನ್ ಅನ್ನು ಮುಂದೂಡಲಾಗುವುದು ಎಂದು ಸ್ಥಳೀಯ ಸಂಘಟಕರು ಬುಧವಾರ ಪ್ರಕಟಿಸಿದ್ದಾರೆ."ಕೋವಿಡ್-19 ತಡೆಗಟ್ಟುವಿಕೆ ಮತ್ತು ನಿಯಂತ್ರಣಕ್ಕೆ ಸಂಬಂಧಿಸಿದ ನಿಯಮಗಳಿಗೆ ಅನುಸಾರವಾಗಿ, ಜನರ ಆರೋಗ್ಯದ ದೃಷ್ಟಿಯಿಂದ ಬೀಜಿಂಗ್ ಅಂತಾರಾಷ್ಟ್ರೀಯ ಓಟ ಉತ್ಸವವನ್ನು ಮುಂದೂಡುವ ನಿರ್ಧಾರವನ್ನು ನಾವು ತೆಗೆದುಕೊಂಡಿದ್ದೇವೆ" ಎಂದು ಸಂಘಟನಾ ಸಮಿತಿ ಹೇಳಿಕೆಯಲ್ಲಿ ತಿಳಿಸಿದೆ."ಈ ಕೂಟದ ಹೊಸ ದಿನಾಂಕವನ್ನು ನಂತರದ ಹಂತದಲ್ಲಿ ಪ್ರಕಟಿಸಲಾಗುವುದು," ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಬೀಜಿಂಗ್ ಅಂತಾರಾಷ್ಟ್ರೀಯ ರನ್ನಿಂಗ್ ಫೆಸ್ಟಿವಲ್ ಅನ್ನು 1956 ರಲ್ಲಿ ಪ್ರಾರಂಭಿಸಲಾಯಿತು ಮತ್ತು ಭಾಗವಹಿಸುವವರ ಸಂಖ್ಯೆ ಅಂದಿನಿಂದ ಸುಮಾರು 1,000 ದಿಂದ 20,000 ಕ್ಕಿಂತ ಹೆಚ್ಚಾಗಿದೆ.