ನವದೆಹಲಿ, ಆಗಸ್ಟ್ 16       ಅಖಿಲ ಭಾರತ  ವೈದ್ಯಕೀಯ ವಿಜ್ಞಾನ ಸಂಸ್ಥೆ- ಏಮ್ಸ್  ಆಸ್ಪತ್ರೆಯಲ್ಲಿ  ದಾಖಲಾಗಿ  ಚಿಕಿತ್ಸೆ ಪಡೆಯುತ್ತಿರುವ,  ಹಿರಿಯ ಬಿಜೆಪಿ ನಾಯಕ ಹಾಗೂ  ಮಾಜಿ ಕೇಂದ್ರ ಹಣಕಾಸು  ಸಚಿವ ಅರುಣ್ ಜೇಟ್ಲಿ ಅವರ ಆರೋಗ್ಯ ಸ್ಥಿತಿ ಇನ್ನೂ ಗಂಭೀರವಾಗಿಯೇ ಮಂದುವರಿದಿದೆ.  

ತಜ್ಞ ವೈದ್ಯರ  ತಂಡ  ಜೇಟ್ಲಿ ಅವರಿಗೆ  ಚಿಕಿತ್ಸೆ ಕಲ್ಪಿಸುತ್ತಿದೆ.  ರಾಷ್ಟ್ರಪತಿ ರಾಮನಾಥ್ ಕೋವಿಂದ್  ಇಂದು  ಏಮ್ಸ್ ಗೆ ಭೇಟಿ ನೀಡಿ  ಜೇಟ್ಲಿ ಅವರ ಆರೋಗ್ಯ  ವಿಚಾರಿಸಲಿದ್ದಾರೆ ಎಂದು ಉನ್ನತಮೂಲಗಳು ಹೇಳಿವೆ.  ಆಗಸ್ಟ್ 9 ರಂದು  ಅರುಣ್ ಜೇಟ್ಲಿ  ಅವರನ್ನು  ಏಮ್ಸ್ ಗೆ ದಾಖಲಿಸಲಾಗಿತ್ತು.  

ಹೃದ್ರೋಗ ವಿಭಾಗದ ನಾಲ್ವರು ವೈದ್ಯರ ತಂಡ  ಅವರಿಗೆ  ಚಿಕಿತ್ಸೆ  ಕಲ್ಪಿಸುತ್ತಿದೆ.  ಕಾಲಕಾಲಕ್ಕೆ, ಅವರ  ಆರೋಗ್ಯದ ಬಗ್ಗೆ ವೈದ್ಯರು ಮಾಹಿತಿ ನೀಡುತ್ತಿದ್ದಾರೆ.  

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ  ಎನ್ ಡಿಎ ಮೊದಲ ಅವಧಿಯ ಸರ್ಕಾರದಲ್ಲಿ ಹಣಕಾಸು ಸಚಿವರಾಗಿದ್ದಾಗ  ಜೇಟ್ಲಿ  ಮೂತ್ರಪಿಂಡ ಸಮಸ್ಯೆ ಬಳಲುತ್ತಿದ್ದರು ಎಂದು ಸಕರ್ಾರಿ ಅಧಿಕಾರಿಗಳು ಬಹಿರಂಗಪಡಿಸಿದ್ದರು.  

ಆ ಸಮಯದಲ್ಲಿ ಅವರು ಅಮೆರಿಕಕ್ಕೆ ತೆರಳಿ, ಸುಮಾರು ಒಂದು ತಿಂಗಳ ಕಾಲ ಚಿಕಿತ್ಸೆ ಪಡೆದು ವಾಪಸ್ಸಾಗಿದ್ದರು. ಮತ್ತೆ ಅದೇ ಚಿಕಿತ್ಸೆಯನ್ನು ಮುಂದುವರಿಸಿದ್ದರು.