ಹಾವೇರಿ  15: ಕನ್ನಡ ಮಾತೆಯ ಸೇವೆ ಮಾಡಲು ರಾಜ್ಯ ಕನ್ನಡ ಜಾಗೃತಿ ಹಿತರಕ್ಷಣಾ ವೇದಿಕೆಯನ್ನು ಜಿಲ್ಲೆಯಲ್ಲಿ ಬಲಿಷ್ಠವಾಗಿ ಬೆಳೆಸಲು ಎಲ್ಲರ ಸಹಕಾರ ಮುಖ್ಯ ಎಂದು ನೂತನ ಜಿಲ್ಲಾಧ್ಯಕ್ಷರಾದ ಅಣ್ಣಪ್ಪ ಕ್ಷೌರದ ಹೇಳಿದರು.    ನಗರದ  ಪ್ರವಾಸಿ ಮಂದಿರದಲ್ಲಿ ರಾಜ್ಯ ಕನ್ನಡ ಜಾಗೃತಿ ಹಿತರಕ್ಷಣಾ ವೇದಿಕೆಯ  ಪದಾಧಿಕಾರಿಗಳ ಆಯ್ಕೆ ಸಭೆಯಲ್ಲಿ ಅವರು ನೇಮಕ ಪತ್ರ - ಗೌರವ ಸನ್ಮಾನ ಸ್ವೀಕರಿಸಿ ಅವರು ಮಾತನಾಡಿದರು.

ಕನ್ನಡ ನಾಡು ನುಡಿ ಸಂಸ್ಕೃತಿಯನ್ನು ಬೆಳೆಸುವ ಕೆಲಸವನ್ನು ಎಲ್ಲರೂ ಮಾಡಬೇಕಿದೆ. ಈ ನಿಟ್ಟಿನಲ್ಲಿ ರಾಜ್ಯ ಕನ್ನಡ ಜಾಗೃತಿ ಹಿತ ರಕ್ಷಣಾ ವೇದಿಕೆಯ ರಾಜ್ಯಾಧ್ಯಕ್ಷರಾದ  ಮಂಜುನಾಥ ದುಗ್ಗತ್ತಿ ಅವರ ಮಾರ್ಗದರ್ಶನದಲ್ಲಿ ಜಿಲ್ಲೆಯಲ್ಲಿ ಸಂಘಟನೆ ಮಾಡೋಣ.ಜವಾಬ್ದಾರಿ ನೀಡಿದ ರಾಜ್ಯ ಸಮಿತಿ ಹಾಗೂ ಎಲ್ಲಾ ಪದಾಧಿಕಾರಿಗಳಿಗೆ ಧನ್ಯವಾದಗಳನ್ನು ಸಲ್ಲಿಸಿದರು.ರಾಜ್ಯಾಧ್ಯಕ್ಷರಾದ  ಮಂಜುನಾಥ ದುಗ್ಗತ್ತಿ ಅವರು ಮಾತನಾಡಿ ನಮ್ಮೆಲ್ಲರ ವೃತ್ತಿಯ ಜೊತೆಗೆ ಕನ್ನಡ ಮಾತೆಯ ಸೇವೆ ಮಾಡಲು ಸಂಘಟನೆಯನ್ನು ಜಿಲ್ಲೆಯಲ್ಲಿ ಪ್ರಬಲವಾಗಿ ಕಟ್ಟಲು ನಿರಂತರ ಪ್ರಯತ್ನ ಮಾಡಿರಿ ಎಂದು ನೂತನ ಪದಾಧಿಕಾರಿಗಳಿಗೆ ಶುಭ ಕೋರಿದರು.

ಈ ಸಂದರ್ಭದಲ್ಲಿ ಜಿಲ್ಲಾ ಕಾರ್ಯಧ್ಯಕ್ಷರಾಗಿ ಬಸನಗೌಡ್ರ ಮೇಗಿಲಮನಿ, ಜಿಲ್ಲಾ ಮಹಿಳಾ ಅಧ್ಯಕ್ಷರು ಗಂಗಮ್ಮ ಕೋರಿ, ಶಿಗ್ಗಾಂವಿ ತಾಲೂಕ ಅಧ್ಯಕ್ಷರಾದ ಯುವ ಹೋರಾಟಗಾರರಾದ   ಮಂಜುನಾಥ ಮಾ ಕ್ಷವರದ, ಸಹಕಾರ್ಯದರ್ಶಿಗಳಾಗಿ  ಮಲ್ಲಿಕಾರ್ಜುನ ಹಡಪದ,ರಾಜ್ಯ ಪದಾಧಿಕಾರಿಗಳಾಗಿ ಮಧು ಬೀಶೆಟ್ಟಿ, ನೀಲಮ್ಮ ಒನಹಳ್ಳಿ,ನಿರ್ಮಲ ಎಡೆಪ್ಪನವರ, ವಿರೇಶ ಎಚ್ , ಲಕ್ಷ್ಮಿ ಕಮ್ಮಾರ, ಶ್ರುತಿ ಪಾಟೀಲ, ಶಿವು ಸೇರಿದಂತೆ ಅನೇಕರಿದ್ದರು.