ಮುಂಬೈ, ಏ ೧೯, ಎಲ್ಗಾರ್  ಪರಿಷತ್ ಪ್ರಕರಣದಲ್ಲಿ ಭಾಗಿಯಾಗಿರುವ  ಆರೋಪ  ಎದುರಿಸುತ್ತಿರುವ   ದಲಿತ ಕವಿ ಹಾಗೂ  ಮಾನವಹಕ್ಕುಗಳ ಹೋರಾಟಗಾರ   ಆನಂದ್ ತೇಲ್ತುಂಬ್ಡೆ ಅವರ  ಪೊಲೀಸ್ ಕಸ್ಟಡಿಯನ್ನು ವಿಶೇಷ ನ್ಯಾಯಾಲಯ ಈ ತಿಂಗಳ ೨೫ ರವರೆಗೆ ವಿಸ್ತರಿಸಿದೆ. ಸುಪ್ರೀಂ ಕೋರ್ಟ್   ಆದೇಶದ ಮೇರೆಗೆ ಅವರು ಈ ತಿಂಗಳ ೧೪ ರಂದು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಮುಂದೆ ಶರಣಾಗಿದ್ದರು.    ಆದೇ ದಿನ  ಅವರನ್ನು   ವಿಶೇಷ  ನ್ಯಾಯಾಲಯದ  ಮುಂದೆ  ಹಾಜರುಪಡಿಸಿದ್ದಾಗ,   ಈ ತಿಂಗಳ ೧೮ ರವರೆಗೆ    ಎನ್ ಐ ಎ  ಕಸ್ಟಡಿಗೆ  ವಹಿಸಿ  ಆದೇಶಿಸಿತ್ತು. ಈ ಗಡುವು ಮುಗಿದ ಹಿನ್ನಲೆಯಲ್ಲಿ ಶನಿವಾರ  ಮತ್ತೆ   ಅವರನ್ನು  ವಿಶೇಷ ನ್ಯಾಯಾಲಯದ ಮುಂದೆ  ಹಾಜರುಪಡಿಸಲಾಗಿತ್ತು.    ಆನಂದ್  ತೇಲ್ತುಂಬ್ಡೆ  ಸಂವಿಧಾನ   ಶಿಲ್ಪಿ   ಡಾ. ಬಿ.ಆರ್.  ಅಂಬೇಡ್ಕರ್ ಅವರ ಮೊಮ್ಮಗ.