ನವದೆಹಲಿ, ಏ 4, ಕಳೆದ ೨೪ ಗಂಟೆಗಳಲ್ಲಿ ಕೊರೊನಾ ವೈರಸ್ ನಿಂದಾಗಿ  ದೇಶಾದ್ಯಂತ  ಕನಿಷ್ಠ ೧೨  ಮಂದಿ  ಮೃತಪಟ್ಟಿದ್ದಾರೆ  ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ  ಜಂಟಿ  ಕಾರ್ಯದರ್ಶಿ ಲವ್ ಅಗರ್ವಾಲ್ ಶನಿವಾರ  ತಿಳಿಸಿದ್ದಾರೆ.ದೇಶದಲ್ಲಿ ಈವರೆಗೆ  ಒಟ್ಟು  ೨,೯೯೨  ಮಂದಿಯಲ್ಲಿ   ಕೊರೊನಾ ಸೋಂಕು ದೃಢಪಟ್ಟಿದೆ.  ಕಳೆದ ೨೪ ಗಂಟೆಗಳಲ್ಲಿ ೬೦೧ ಸೋಂಕು ದೃಢ ಪ್ರಕರಣಗಳು ವರದಿಯಾಗಿವೆ.  ಕೊರೊನಾ  ಪ್ರಕರಣಗಳಲ್ಲಿ  ಶೇ ೧೭ ರಷ್ಟು ೬೦ ವರ್ಷಕ್ಕಿಂತ ಮೇಲ್ಪಟ್ಟವರಲ್ಲಿ, ಶೇಕಡಾ ೯ರಷ್ಟು ೨೦ ವರ್ಷದೊಳಗಿನವರಲ್ಲಿ ಕಂಡುಬಂದಿದೆ. ಕೇರಳ, ದೆಹಲಿ ಮತ್ತು ಮಧ್ಯಪ್ರದೇಶದಲ್ಲಿ ಅತಿ ಹೆಚ್ಚು ಪ್ರಕರಣಗಳು ದಾಖಲಾಗಿವೆ.ಕೊರೊನಾ ವೈರಸ್  ಸಂಬಂಧ   ರಾಜ್ಯ ಸರ್ಕಾರಗಳು   ಅನುಸರಿಸಬೇಕಾದ ಸೂಚನೆಗಳನ್ನು ವೆಬ್‌ಸೈಟ್ ನಲ್ಲಿ  ಪ್ರಕಟಿಸಲಾಗಿದೆ. ಮುಖಗವಸು, ಕೈಗವಸುಗಳ ಬಳಕೆಯ ಬಗ್ಗೆ   ಸೂಕ್ತ  ಸಲಹೆ  ನೀಡಲಾಗಿದೆ  ಎಂದು  ಜಂಟಿ ಕಾರ್ಯದರ್ಶಿ  ಲವ್ ಅಗರ್ವಾಲ್ ಹೇಳಿದ್ದಾರೆ.