ನವದೆಹಲಿ, ಮೇ 2, ಜಾಗತಿಕ ಸಾಂಕ್ರಾಮಿಕ ಕೊರೊನಾ ವೈರಸ್ (ಕೋವಿಡ್ 19) ನಿಂದ ಇದುವರೆಗೆ ವಿಶ್ವದಾದ್ಯಂತ 62.66 ಲಕ್ಷ ಜನರು ಪೀಡಿತರಾಗಿದ್ದು, 3.75 ಲಕ್ಷ ಜನರು ಸಾವನ್ನಪ್ಪಿದ್ದಾರೆ.ಜಾನ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ವಿಜ್ಞಾನ ಮತ್ತು ಎಂಜಿನಿಯರಿಂಗ್ ಕೇಂದ್ರ (ಸಿಎಸ್‌ಎಸ್‌ಇ) ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಕೊರೊನಾ ವೈರಸ್ ವಿಶ್ವಾದ್ಯಂತ 62,66,192 ಜನರಿಗೆ ಸೋಂಕು ತಗುಲಿದ್ದು, 3,75,559 ಜನರು ಸಾವನ್ನಪ್ಪಿದ್ದಾರೆ.ಭಾರತದಲ್ಲಿ ಕಳೆದ 24 ಗಂಟೆಗಳ ಅವಧಿಯಲ್ಲಿ, ಕೊರೊನಾ ಸೋಂಕಿನ ಹೊಸ 8171 ಪ್ರಕರಣಗಳು ದಾಖಲಾಗಿದ್ದು, ಒಟ್ಟು ಕೊರೊನಾ ಸೋಂಕಿತರ ಸಂಖ್ಯೆ 1,98,706 ಕ್ಕೆ ಏರಿದೆ. ಅದೇ ಸಮಯದಲ್ಲಿ, 204 ಜನರ ಸಾವನ್ನಪ್ಪಿದ್ದು, ಒಟ್ಟು ಮೃತರ ಸಂಖ್ಯೆ 5,598 ಕ್ಕೆ ಏರಿದೆ. ದೇಶದಲ್ಲಿ ಪ್ರಸ್ತುತ 97,581 ಸಕ್ರಿಯ ಕೊರೊನಾ ಪ್ರಕರಣಗಳಿದ್ದು, 95,527 ಜನರು ಈ ಸಾಂಕ್ರಾಮಿಕ ರೋಗದಿಂದ ಹೊರಬರಲು ಯಶಸ್ವಿಯಾಗಿದ್ದಾರೆ.

ಅಮೆರಿಕದಲ್ಲಿ ಈವರೆಗೆ 18,11,370 ಜನರು ಬಾಧಿತರಾಗಿದ್ದಾರೆ ಮತ್ತು 1,05165 ಸಾವನ್ನಪ್ಪಿದ್ದಾರೆ. ಬ್ರೆಜಿಲ್ ನಲ್ಲಿ ಈವರೆಗೆ 5,26,447 ಜನರು ಸೋಂಕಿತರಿದ್ದು, 29,937 ಜನರು ಸಾವನ್ನಪ್ಪಿದ್ದಾರೆ.ರಷ್ಯಾದಲ್ಲೂ, ಕೋವಿಡ್ -19 ಪ್ರಕರಣಗಳ ಸಂಖ್ಯೆ 4,14,338 ತಲುಪಿದೆ. ಮತ್ತು 4849 ಜನರು ಸೋಂಕಿನಿಂದ ಪ್ರಾಣ ಕಳೆದುಕೊಂಡಿದ್ದಾರೆ. ಇಂಗ್ಲೆಂಡ್ ನಲ್ಲಿ ರೋಗದಿಂದ 39,127 ಜನರು ಸಾವನ್ನಪ್ಪಿದ್ದಾರೆ.ಯುರೋಪಿಯನ್ ದೇಶ ಇಟಲಿಯಲ್ಲಿ, ಈ ಸಾಂಕ್ರಾಮಿಕ ರೋಗವು ಸಾಕಷ್ಟು ಹಾನಿಯನ್ನುಂಟುಮಾಡಿದೆ. ಈ ರೋಗದಿಂದಾಗಿ 33,475 ಜನರು ಸಾವನ್ನಪ್ಪಿದ್ದು, 2,33,197 ಜನರು ಸೋಂಕಿಗೆ ಒಳಗಾಗಿದ್ದಾರೆ. ಸ್ಪೇನ್‌ನಲ್ಲಿ ಈವರೆಗೆ 2,39,638 ಜನರು ಸೋಂಕಿಗೆ ಒಳಗಾಗಿದ್ದರೆ, 27,127 ಜನರು ಸಾವನ್ನಪ್ಪಿದ್ದಾರೆ.ಜಾಗತಿಕ ಸಾಂಕ್ರಾಮಿಕ ಕರೋನದ ಮೂಲವಾದ ಚೀನಾದಲ್ಲಿ ಈವರೆಗೆ 84,151 ಜನರು ಸೋಂಕಿಗೆ ಒಳಗಾಗಿದ್ದಾರೆ ಮತ್ತು 4638 ಮಂದಿ ಸಾವನ್ನಪ್ಪಿದ್ದಾರೆ.ಫ್ರಾನ್ಸ್‌ನಲ್ಲಿ 28,836, ಜರ್ಮನಿಯಲ್ಲಿ 8,555, ಟರ್ಕಿಯಲ್ಲಿ 4,563, ಇರಾನ್‌ನಲ್ಲಿ 7,878, ಮೆಕ್ಸಿಕೊದಲ್ಲಿ 10,167, ಬೆಲ್ಜಿಯಂನಲ್ಲಿ 9,486, ಕೆನಡಾದಲ್ಲಿ 7,404, ನೆದರ್ಲ್ಯಾಂಡ್ಸ್ ನಲ್ಲಿ 5,991, ಪೆರುವಿನಲ್ಲಿ 4,634, ಸ್ವೀಡನ್ ನಲ್ಲಿ 4,403, ಈಕ್ವೆಡಾರ್ ನಲ್ಲಿ 3,358, ಸ್ವಿಟ್ಜರ್ಲೆಂಡ್ ನಲ್ಲಿ 1,920, ಐರ್ಲೆಂಡ್ ನಲ್ಲಿ 1,650 ಮತ್ತು ಪೋರ್ಚುಗಲ್ ನಲ್ಲಿ 1,424 ಜನರು ಸಾವನ್ನಪ್ಪಿದ್ದಾರೆ.