ಗಡಿ ಭಾಗದ ಜಮೀನುಗಳಿಗೆ ನೀರು: ರೈತರಲ್ಲಿ ಹರ್ಷ 

ಸಂಬರಗಿ 27: ಗಡಿ ಭಾಗದ ರೈತರ ಕನಸಾಗಿರುವ ಖಿಳೆಗಾವ ಬಸವೇಶ್ವರ ಯಾತ ನೀರಾವರಿ ಯೋಜನೆ ರಾಜ್ಯದ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಉಪ ಮುಖ್ಯಮಂತ್ರಿ ಡಿ,ಕೆ ಶಿವಕುಮಾರ ಸಚಿವ ಎಂ.ಬಿ ಪಾಟೀಲ ಇವರ ಆಶೀರ್ವಾದದಿಂದ, ಬೆಳಗಾವಿ ಜಿಲ್ಲಾ ಉಸ್ತುವಾರಿ ಸಚಿವ ಸತೀಶ ಜಾರಕಿಹೊಳಿ, ಮಾಜಿ ಉಪ ಮುಖ್ಯಮಂತ್ರಿ ಲಕ್ಷ್ಮಣ ಸವದಿ ಹಾಗೂ ಶಾಸಕ ರಾಜು ಕಾಗೆ ಇವರ ಸತತ ಪ್ರಯತ್ನದಿಂದ ಕೊನೆಯ ಹಂತದಲ್ಲಿ ಈ ಯೋಜನೆಗೆ ನೀರು ಹರಿದು ಬಂತು ಎಂದು ಚಿಕ್ಕೋಡಿ ಲೋಕ ಸಭಾ ಕ್ಷೇತ್ರದ ಮಾದ್ಯಮ ಪ್ರತಿನಿಧಿ ಹೇಳಿದರು.  

ಖಿಳೆಗಾವ ಬಸವೇಶ್ವರ ಏತ ನೀರಾವರಿ ಯೋಜನೆ ನೀರನ್ನು ಕೃಷ್ಣಾ ನದಿಯಿಂದ ವಿಷ್ಣುವಾಡಿ ಗ್ರಾಮದಲ್ಲಿ ತಲುಪಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿ ಅವರು ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ರಾಜು ಕಾಗೆ ನೀಡಿದಂತ ಭರವಸೆ ಈಡೇರಿಸಿದರು.ಈ ಭಾಗದಲ್ಲಿ 22 ಗ್ರಾಮದಲ್ಲಿ 22 ಸಾವಿರ ಹೆಕ್ಟರ ಜಮೀನಿಗೆ ನೀರು ತಲುಪಿ ಸತತವಾಗಿ ಈ ಗ್ರಾಮಗಳು ಬರಗಾಲ ಮುಕ್ತವಾಗುತ್ತವೆ. ಇವರು ನೀಡಿದಂತ ಯಾವುದೆ ಭರವಸೆ ಪೂರ್ಣಗೊಳಿಸಲು ಬೀದಿಗೆ ಇಳಿದು ಹೋರಾಟ ಮಾಡಲು ಸಿದ್ಧರಾಗುತ್ತಿದ್ದರು. ಮೊದಲನೆ ಹಂತದ ನೀರನ್ನು ಮಧಭಾವಿ, ವಿಷ್ಣುವಾಡಿ, ಜಕಾರಟ್ಟಿ, ಅರಳಿಹಟ್ಟಿ, ಬೊಮ್ಮನಾಳ, ಜಂಬಗಿ, ಹನಮಾಪುರ, ಸಂಬರಗಿ, ಸಿದ್ದೆವಾಡಿ ಈ ಗ್ರಾಮಕ್ಕೆ ರೈತರಿಗೆ ನೀರಿನ ಅನುಕೂಲ ಆಗುತ್ತದೆ. ಎರಡನೆ ಹಂತದಲ್ಲಿ ಖಿಳೆಗಾವ ಪಾಂಡೆಗಾವ ಹಾಗೂ ಇನ್ನಿತರ ಗ್ರಾಮ ತಲುಪುತ್ತದೆ ಎಂದು ಹೇಳಿದರು.ಮಲ್ಲಿಕಾರ್ಜುನ ದಳವಾಯಿ, ಅಶೋಕ ಬಾಬು ಮಾನೆ, ಅಮೃತ ಮಿಸಾಳ, ಅನ್ನಪ್ಪಾ ಮಿಸಾಳ ಮಹಾದೇವ ತಾನಗೆ ಉಪಸ್ಥಿತರಿದ್ದರು.