ಸಿರುಗುಪ್ಪ 17: ಪರಿಸರ ಸಂರಕ್ಷಣೆಗೆ ತಮ್ಮ ಇಡೀ ಜೀವನವನ್ನೇ ಮುಡಿಪಾಗಿಟ್ಟು ’ವೃಕ್ಷಮಾತೆ’ ಎಂದೇ ವಿಶ್ವದಾದ್ಯಂತ ಖ್ಯಾತಿಗಳಿಸಿದ್ದ, ಪದ್ಮಶ್ರೀ ಪುರಸ್ಕೃತಡಾ. ಸಾಲು ಮರದ ತಿಮ್ಮಕ್ಕ ಅವರ ಅಗಲಿಕೆಗೆ ಸಿರುಗುಪ್ಪ ಪಟ್ಟಣದಲ್ಲಿಂದು ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಲಾಯಿತು.ಪಟ್ಟಣದ ಸರ್ಕಾರಿ ಪ್ರೌಢಶಾಲಾ ಮೈದಾನದಲಿ ್ಲಆಯೋಜಿಸಲಾಗಿದ್ದ ಈ ಶ್ರದ್ಧಾಂಜಲಿ ಕಾರ್ಯಕ್ರಮದಲ್ಲಿ ಶಾಲೆಯ ಮುಖ್ಯ ಗುರುಗಳಾದ ವೆಂಕಟೇಶ್‌ಯಾದವ್‌ಅವರು ತಿಮ್ಮಕ್ಕ ಅವರ ಅಸಾಮಾನ್ಯ ಬದುಕು ಮತ್ತು ಪರಿಸರಕ್ಕೆ ನೀಡಿದ ಮಹೋನ್ನತಕೊಡುಗೆಯನ್ನು ಸ್ಮರಿಸಿ ಮಾತನಾಡಿದರು.

           ಗಿಡ-ಮರಗಳೇ ತಮ್ಮ ಮಕ್ಕಳು: ತಿಮ್ಮಕ ್ಕನವರ ಕೊಡುಗೆ ಅಜರಾಮರಮುಖ್ಯಗುರು ವೆಂಕಟೇಶ್ ಯಾದವ್ ಅವರು ಮಾತನಾಡುತ್ತಾ, "ಸಾಲುಮರದತಿಮ್ಮಕ್ಕನವರು ಮಕ್ಕಳಿರದ ನೋವನ್ನು ಮರೆತು, ರಸ್ತೆ ಬದಿಯಲ್ಲಿ ಸಾವಿರಾರು ಆಲದ ಸಸಿಗಳನ್ನು ನೆಟ್ಟು ಅವುಗಳನ್ನು ತಮ್ಮ ಮಕ್ಕಳಂತೆ ಸಾಕಿ ಸಲುಹಿದ ಮಹಾಮಾತೆ.ಅವರು ನೆಟ್ಟ ಮರಗಳೇ ಇಂದು ನಾಡಿಗೆ ಅಮೂಲ್ಯವಾದ ಸಂಪತ್ತು. ಅವರ ಈ ಪರಿಸರ ಪ್ರೀತಿ, ಜೀವಪರ ಕಾಳಜಿ ಮತ್ತು ನಿಸ್ವಾರ್ಥ ಸೇವೆ ಇಡೀ ಜಗತ್ತಿಗೆ ಮಾದರಿಯಾಗಿದೆ," ಎಂದು ಭಾವುಕರಾದರು.ಶ್ರದ್ಧಾಂಜಲಿ ಸಭೆಯಲ್ಲಿ ಶಾಲಾ ಶಿಕ್ಷಕರು, ವಿದ್ಯಾರ್ಥಿಗಳು ಮತ್ತು ಪಟ್ಟಣದ ಗಣ್ಯರು ಭಾಗವಹಿಸಿ, ವೃಕ್ಷ ಮಾತೆಯ ಭಾವ ಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿ ಮೌನಾಚರಣೆ ಮೂಲಕ ಗೌರವ ಸಲ್ಲಿಸಿದರು.