ಧಾರವಾಡ 05: ಈ ನಾಡಿನಲ್ಲಿ ಸಾಮರಸ್ಯ, ಸಮಾನತೆ, ವ್ಯಕ್ತಿಮೌಲ್ಯ ಸಾರಿ ಜೀವನದುದ್ದಕ್ಕೂ ಹೋರಾಡಿದ ಇಬ್ಬರು ಶ್ರೇಷ್ಠರಾದ ಬಸವಣ್ಣ ಮತ್ತು ಕನಕದಾಸರು ಗುರಿ ಒಂದೇ ಆಗಿದ್ದರೂ ಕ್ರಮಿಸಿದ ದಾರಿ ಭಿನ್ನವಾಗಿತ್ತು ಎಂದು ಉಪನ್ಯಾಸಕ ಬಸವರಾಜ ಪಾಟೀಲ ಹೇಳಿದರು. 

ಅವರು ಇಂದು ಬೆಳಿಗ್ಗೆ ನಗರದ ಆಲೂರು ವೆಂಕಟರಾವ್ ಭವನದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಮತ್ತು ಕನ್ನಡ ಹಾಗೂ ಸಂಸ್ಕೃತಿ ಇಲಾಖೆ ಸಂಯುಕ್ತವಾಗಿ ಆಯೋಜಿಸಿದ್ದ ದಾಸ ಶ್ರೇಷ್ಠ ಕನಕದಾಸರ ಜಯಂತ್ಯೋತ್ಸವದಲ್ಲಿ ಕನಕದಾಸರ ಜೀವನ ಹಾಗೂ ಚಿಂತನೆಗಳು ಕುರಿತು ವಿಶೇಷ ಉಪನ್ಯಾಸ ನೀಡಿ ಮಾತನಾಡಿದರು.

ತಳ ಸಮುದಾಯದಿಂದ  ಹುಟ್ಟಿ ಬಂದ ಕನಕದಾಸರು ಸಮಾಜದಲ್ಲಿ  ಸಮಾನತೆ, ಸಾಮರಸ್ಯ ತರಲು ಏಕಾಂಗಿಯಾಗಿ ಹೋರಾಡಿದರು. ಅದ್ಭುತವಾದ ಜೀವನ ಮೌಲ್ಯಗಳನ್ನು ಸಾರಿದ ಶ್ರೇಷ್ಠ ಧ್ವನಿಯಾಗಿ ಕನಕದಾಸರು ಇತಿಹಾಸದಲ್ಲಿ ದಾಖಲಾಗಿದ್ದಾರೆ. 

ಬಸವಣ್ಣನವರು ಮೇಲ್ವರ್ಗದಲ್ಲಿ ಹುಟ್ಟಿ, ಶರಣರೊಂದಿಗೆ ಸಮಾಜದ ಸಾಮರಸ್ಯ, ವ್ಯಕ್ತಿ ಸ್ವಾತಂತ್ರ್ಯ ಕಾಯಕ ಮಹತ್ವ ಸಾರಲು ಶ್ರಮಿಸಿದರೂ ಕನಕದಾಸರ ನಿಸ್ಪೃಹ ಮನೋಭಾವ ಮತ್ತು ಏಕಾಂಗಿ ಹೋರಾಟ ನಮಗೆ ವಿಭಿನ್ನವಾಗಿ ಕಾಣುತ್ತದೆ ಎಂದು ಅವರು ಹೇಳಿದರು.

ಹಾವೇರಿ ಜಿಲ್ಲೆ ಬಾಡ ಗ್ರಾಮದಲ್ಲಿ ಜನಪದ ಕನನದಾಸರು ದಂಡನಾಯಕರಾಗಿ, ಸಮಾಜ ಸುಧಾರಕರಾಗಿ, ದೈವಿಶಕ್ತಿಯಾಗಿ ಬದುಕಿ ಸಾರಿದ ಜೀವನ ಸಂದೇಶ ಸಮಾಜಕ್ಕೆ ಸದಾಕಾಲ ಮಾರ್ಗದಶರ್ಿಯಾಗಿದೆ ಎಂದು ಅವರು ಹೇಳಿದರು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಚೈತ್ರಾ ಶೀರೂರ ಅವರು ಕನಕದಾಸರಂತಹ ಶ್ರೇಷ್ಠ ಸಂತರ ಬದುಕು, ಬರಹ, ಗೀತೆಗಳು ಇಂದಿನ ಪೀಳಿಗೆಗೆ ಮಟ್ಟುವಂತೆ ಪಠ್ಯಪುಸ್ತಕಗಳಲ್ಲಿ ಅಳವಡಿಸಿಕೊಳ್ಳಬೇಕು. ಕನಕದಾಸರ ಹುಟ್ಟು, ಬದುಕು, ಬರಹ ಮತ್ತು ನೀಡಿದ ನೀತಿ, ತತ್ವಗಳು ಸಮಾಜದ ನೆಮ್ಮದಿಯ ಬದುಕಿಗೆ ದಾರಿದೀಪವಾಗಿವೆ ಎಂದು ಹೇಳಿದರು. 

ಅಧ್ಯಕ್ಷತೆ ವಹಿಸಿದ್ದ ವಿಧಾನ ಪರಷತ್ ಸದಸ್ಯ ಶ್ರೀನಿವಾಸ ಮಾನೆ ಅವರು ಮಾತನಾಡಿ, ಪವಾಡ ಪುರುಷ, ನಿಸ್ವಾರ್ಥ ಬದುಕಿನ ಸಮಾಜ ಸುಧಾರಕ ಕನಕದಾಸರ ಜಯಂತಿ ಆಚರಣೆ ಸಮಾಜದಲ್ಲಿ ಸಂತಪರಂಪರೆ ಬೆಳೆಸುವುದಾಗಿದೆ ಎಂದು ಹೇಳಿದರು.

ಸಂತ ಕನಕದಾಸರಂತಹ ಶ್ರೇಷ್ಠರು ನೀಡಿರುವ  ಸಂಸ್ಕಾರ, ಸಂಸ್ಕೃತಿ, ಸಂಪ್ರದಾಯಗಳನ್ನು ಗೌರವಿಸಿ ಮುಂದುವರಿಸೋಣ ಎಂದು ಮಾನೆ ತಿಳಿಸಿದರು.

ವೇದಿಕೆಯಲ್ಲಿ ಧಾರವಾಡ ತಹಶೀಲ್ದಾರ ಪ್ರಕಾಶ ಕುದರಿ, ಹಿರಿಯ ಅಧಿಕಾರಿಗಳಾದ ಮುನಿರಾಜು, ಬಸವರಾಜ ವರವಟ್ಟಿ, ಆರ್.ಎಸ್. ಮುಳ್ಳೂರ ಮತ್ತು ಹಿರಿಯ ಮುಖಂಡರಾದ ಯಲ್ಲಮ್ಮ ನಾಯ್ಕರ್,   ಡಾ. ಲೋಹಿತ್ ನಾಯ್ಕರ್, ನಾಗರಾಜ ಗುರಿಕಾರ, ದೇವರಾಜ ಕಂಬಳಿ, ಪ್ರಕಾಶ ಉಡಕೇರಿ, ರಾಜಶ್ರೀ ಸಾಲಗಟ್ಟಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.

 ದಿ.13ರಂದು ನಡೆದ ಜಿಲ್ಲಾಮಟ್ಟದ ಕನಕದಾಸರ ಜಯಂತಿಯ ಸಮಾರಂಭದಲ್ಲಿ ಜಿಲ್ಲಾಮಟ್ಟದ ಕನಕ ಸಾಹಿತ್ಯ ಲೋಕ ಪ್ರಬಂಧ ರಚನಾ ಸ್ಪಧರ್ೆಯಲ್ಲಿ ವಿಜೇತ ವಿದ್ಯಾಥರ್ಿಗಳಾದ ಯರಿಕೊಪ್ಪ  ಸಕರ್ಾರಿ ಪ್ರೌಢಶಾಲೆ ವಿದ್ಯಾಥರ್ಿನಿ ವನಿತಾ ಶಿ. ಹಿರೇಮಠ, ಹುಬ್ಬಳ್ಳಿ ನೇಕಾರನಗರದ ಸಕರ್ಾರಿ ಪ್ರೌಢಶಾಲೆಯ ವಿದ್ಯಾಥರ್ಿನಿ ಜ್ಯೋತಿ ಬಸವರಾಜ ಶಿರೋಳ, ಉಪ್ಪಿನಬೆಟಗೇರಿಯ ಎಸ್ಜೆವಿ ಪ್ರೌಢಶಾಲೆ ವಿದ್ಯಾಥರ್ಿನಿ ಗಂಗೋತ್ರಿ ವಿರೂಪಾಕ್ಷಪ್ಪ ಯಾವಗಲ್, ಕುಂದಗೋಳ ಸದ್ಗುರು ಶಿವಾನಂದ ಬಾಲಿಕಾ ಪ್ರೌಢಶಾಲೆ ವಿದ್ಯಾಥರ್ಿನಿ ಶ್ರೀದೇವಿ ತಿ. ಹಳೇಮನಿ, ಕಲಘಟಗಿ ಚಳಮಟ್ಟಿ ಸಕರ್ಾರಿ ಪ್ರೌಢಶಾಲೆಯ ವಿದ್ಯಾಥರ್ಿನಿ ಶಿಲ್ಪಾ. ನಿ. ಮೋರೆ ವಿಜೇತರಾಗಿರುತ್ತಾರೆ. 

ಎಸ್.ಕೆ. ರಂಗಣ್ಣವರ ಸ್ವಾಗತಿಸಿದರು. ಆರತಿ ದೇವಶಿಖಾಮಣಿ ಕಾರ್ಯಕ್ರಮ ನಿರೂಪಿಸಿದರು. ಡಾ. ಲೋಹಿತ್ ನಾಯ್ಕರ್ ವಂದಿಸಿದರು.