ಹೈದ್ರಾಬಾದ್ 12:  ಆಡಿದ ಚೊಚ್ಚಲ  ಟೆಸ್ಟ್  ಪಂದ್ಯದಲ್ಲೆ  ಯುವ ವೇಗಿ  ಶಾರ್ದೂಲ್ ಠಾಕೂರ್ ಗಾಯದ ಸಮಸ್ಯೆಗೆ  ಗುರಿಯಾಗಿ  ಮೈದಾನದಿಂದ ಹೊರ ನಡೆದಿದ್ದಾರೆ.

ಹೈದ್ರಾಬಾದ್​ನಲ್ಲಿ  ಆರಂಭವಾದ ಟೀಂ ಇಂಡಿಯಾ  ಮತ್ತು  ವೆಸ್ಟ್ ಇಂಡೀಸ್  ನಡುವಿನ  ಎರಡನೇ ಟೆಸ್ಟ್  ಆರಂಭಕ್ಕೂ  ಮುನ್ನ  ಯುವ ವೇಗಿ  ಶಾರ್ದೂಲ್ ಠಾಕೂರ್  ತಂಡದ ಕೋಚ್  ರವಿ ಶಾಸ್ತ್ರಿ ಅವರಿಂದ ಟೆಸ್ಟ್  ಕ್ಯಾಪ್  ಪಡೆದು  ಟೆಸ್ಟ್ ಕ್ರಿಕೆಟ್​ಗೆ  ಪದಾರ್ಪಣೆ  ಮಾಡಿದ್ರು. 

ಖುಷಿಯಿಂದಲೆ  ಕಣಕ್ಕಿಳಿದ  ಶಾರ್ದೂಲ್  ಠಾಕೂರ್  ಸಂತಸ  ಹೆಚ್ಚು  ಹೊತ್ತು ಇರಲಿಲ್ಲ.  ನಾಲ್ಕನೆ  ಓವರ್​ನಲ್ಲಿ  ಕಿರಾನ್  ಪೊವೆಲ್​ಗೆ  ಬೌಲಿಂಗ್ ಮಾಡುವಾಗ  ಶಾರ್ದೂಲ್  ಗಾಯದಿಂದ ಬಳಲಿದವರಂತೆ  ಕಂಡು ಬಂದರು. 

ತಂಡದ ಫಿಸಿಯೊ  ಪಾಟ್ರಿಕ್ ಫಾರ್ಹರ್ಥ್​ ತಕ್ಷಣ ಮೈದಾನಕ್ಕೆ ಬಂದು  ಚಿಕಿತ್ಸೆ  ನೀಡಿ ಮೈದಾನದಿಂದ  ಹೊರಗೆ ಕರೆದಕೊಂಡು  ಹೋದರು.  ಸ್ಕ್ಯಾನಿಂಗ್​ಗೆ  ಒಳಪಟ್ಟಿರುವ  ಶಾದೂರ್ಲ್ ಠಾಕೂರ್ ಮೊದಲ ದಿನ ಕಣಕ್ಕಿಳಿಯುವುದಿಲ್ಲ. ಗಾಯದ ತೀವ್ರತೆ  ಕಂಡು ತಂಡದ ಮಂಡಳಿ ಮುಂದಿನ  ಕ್ರಮ ಕೈಗೊಳ್ಳುತ್ತದೆ ಎಂದು  ತಿಳಿದು ಬಂದಿದೆ.