ಧಾರವಾಡ 29: ದಿನಾಂಕ: 31.01.2026ರಂದು ಮುಂಜಾನೆ 7.00 ಗಂಟೆಗೆ ಧಾರವಾಡದ ಹೊಸ ಯಲ್ಲಾಪೂರದ ಪೋತ್ನಿಸ್ ಓಣಿಯ ಗುಣಾರಿಯವರ ಮನೆ ವರಕವಿ ಬೇಂದ್ರೆಯವರ ಹುಟ್ಟಿದ ಮನೆಯ ಮುಂಭಾಗದಲ್ಲಿ ಭಾರತ ಮಾತಾ ಪೂಜಾ, ಭರತ ಮುನಿ ಜಯಂತಿ ಹಾಗೂ ಡಾ.ದ.ರಾ.ಬೇಂದ್ರೆಯವರ 130ನೇ ಜನ್ಮದಿನಾಚರಣೆ ಕಾರ್ಯಕ್ರಮವನ್ನು ಏರಿ​‍್ಡಸಲಾಗಿದೆ.   

ಪೂಜ್ಯ ಮಹಾಪೌರರಾದ ಜ್ಯೋತಿ ಪಾಟೀಲ ಅವರು ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಗಳಾಗಿ ಆಗಮಿಸಿ ದೀಪ ಬೆಳಗಿ ಚಾಲನೆ ನೀಡುವರು.  ಹು-ಧಾ ಮಹಾನಗರ ಪಾಲಿಕೆ ಸಭಾನಾಯಕರಾದ ಈರೇಶ ಅಂಚಟಗೇರಿ, ಮಹಾನಗರ ಪಾಲಿಕೆ ಸದಸ್ಯರಾದ ದೀಪಾ ನೀರಲಕಟ್ಟಿ, ಶಂಕರ ಶೆಳಕೆ, ಮಾಜಿ ಸದಸ್ಯರಾದ ನಿರ್ಮಲಾ ಜವಳಿ ಮುಖ್ಯ ಅತಿಥಿಗಳಾಗಿ ಆಗಮಿಸುವರು. ವಿಶೇಷ ಆಹ್ವಾನಿತರಾಗಿ ಸಂಸ್ಕಾರ ಭಾರತಿ, ಕರ್ನಾಟಕ ಉತ್ತರ ಪ್ರಧಾನ ಕಾರ್ಯದರ್ಶಿಗಳಾದ ಡಾ. ಶಶಿಧರ ನರೇಂದ್ರ ಆಗಮಿಸುವರು.  ಅಧ್ಯಕ್ಷತೆಯನ್ನು ಸಂಸ್ಕಾರ ಭಾರತಿ ಧಾರವಾಡ ಅಧ್ಯಕ್ಷೆ ಡಾ.ಸೌಭಾಗ್ಯ ಕುಲಕರ್ಣಿ ವಹಿಸುವರು.   

ರವೀಂದ್ರ ಆಕಳವಾಡಿ, ಡಾ.ಡಿ.ಎಂ.ಹಿರೇಮಠ, ಡಾ.ಕೃಷ್ಣ ಕಟ್ಟಿ, ರವಿ ಯಲಿಗಾರ, ವಿಜಯಾ ಲಿಂಬಣ್ಣ ದೇವರಮಠ, ಉದಯ ಯಂಡಿಗೇರಿ, ರಮೇಶ ನಾಡಗೀರ, ಡಾ.ದೀಪಕ ಆಲೂರ, ಅನಂತ ದೇಶಪಾಂಡೆ, ಜಗದೀಶ ಘಾಣೇಕರ, ಪದ್ಮಾವತಿ ಹುಬ್ಬಳ್ಳಿ, ವಿದುಷಿ ರೋಹಿಣಿ ಇಮಾರತಿ, ಡಾ. ಬಿ.ಎಂ.ಶರಭೇಂದ್ರಸ್ವಾಮಿ, ಪ್ರಕಾಶ ಬಾಳಿಕಾಯಿ, ಡಾ. ಶ್ರೀಧರ ಕುಲಕರ್ಣಿ, ಸಮೀರ ಜೋಶಿ ಮುಂತಾದವರು ಪಾಲ್ಗೊಳ್ಳುವರು ಎಂದು ಸಂಸ್ಕಾರ ಭಾರತಿ ಪ್ರಧಾನ ಕಾರ್ಯದರ್ಶಿ ಪ್ರಸಾದ ಮಡಿವಾಳರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.