ಧಾರವಾಡ   05: ಮಕ್ಕಳಿಲ್ಲದ ಸಾಲುಮರದ ತಿಮ್ಮಕ್ಕ ಅವರು ಮರಗಳನ್ನು ತನ್ನ ಮಕ್ಕಳೆಂದು ಭಾವಿಸಿ ಪರಿಸರಕ್ಕೆ ತನ್ನದೇ ಆದ ನಿಸ್ವಾರ್ಥ ಸೇವೆ ಸಲ್ಲಿಸಿದ್ದಾರೆ. ಅವರ ಬದುಕು  ಪ್ರತಿಯೊಬ್ಬ ವಿದ್ಯಾರ್ಥಿಗೂ ಸ್ಪೂರ್ತಿದಾಯಕ. ವಿದ್ಯಾರ್ಥಿಗಳು ಕೂಡ ಮರಗಳನ್ನು ಬೆಳೆಸಬೇಕು ಎಂದು .ಇ .ಬೋರ್ಡಿನ ಕಾಲೇಜು ಆಡಳಿತ ಮಂಡಳಿ ಕಾರ್ಯಾಧ್ಯಕ್ಷ  ಡಾ. ಸುನೀಲ ಪುರೋಹಿತ್ ಹೇಳಿದರು.ಇಲ್ಲಿಯ ಕೆ.ಇ .ಬೋರ್ಡಿನ ಪ್ರಥಮ ದರ್ಜೆ ಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯ, ರೋಡ್ ಟ್ರ್ಯಕ್ ಕ್ಲಬ್  ಕಾಲೇಜು ಐ.ಕ್ಯೂ.ಎ.ಸಿ ಸಹಯೋಗದೊಂದಿಗೆ ಪರಿಸರ ಸಂರಕ್ಷಣೆಯಲ್ಲಿ ಪದ್ಮಶ್ರೀ ಪುರಸ್ಕೃತ ದಿ. ಸಾಲುಮರದ ತಿಮ್ಮಕ್ಕ ಪಾತ್ರ ಎಂಬ ಪ್ರಬಂಧ ಸ್ಪರ್ಧೆಯಲ್ಲಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಪ್ರಶಸ್ತಿ ವಿತರಣಾ ಸಮಾರಂಭದಲ್ಲಿ ಮಾತನಾಡಿದರು ಪಿ.ಕೆ.ನಂದ್ಯಾಳ್ಕರ್ ಮಾತನಾಡಿ, ವಿದ್ಯಾರ್ಥಿಗಳು ಸಸಿಗಳನ್ನು ನೆಡುವ ಮೂಲಕ ಪ್ರಕೃತಿ ವಿಕೋಪ ತಡೆಯುವಲ್ಲಿ ಮುಂದಾಗಬೇಕು ಎಂದರು.ಪೂರ್ವ ವಿಭಾಗದ ಸ್ಪರ್ಧೆಯಲ್ಲಿ ವೈ.ಬಿ. ಅಣ್ಣಿಗೇರಿ ಮಹಾವಿದ್ಯಾಲಯ ವಿದ್ಯಾರ್ಥಿ ಕು. ಕೃತಿಕಾ ಹಿರೇಗೌಡ ಪ್ರಥಮ ಸ್ಥಾನ, ಸತ್ಯಸಾಯಿ ಮಹಾವಿದ್ಯಾಲಯ? ವಿದ್ಯಾರ್ಥಿ ಸಾತವ್ವ ಬಿ ಕಾಸುರ ದ್ವಿತೀಯ ಸ್ಥಾನ,  , ಜೆ.ಎಸ್‌.ಎಸ್ ಮಹಾವಿದ್ಯಾಲಯ ವಿದ್ಯಾರ್ಥಿ ಕು.ಅನುಶ್ರೀ ಸನದಿ ತೃತೀಯ ಸ್ಥಾನ ಪಡೆದರು.ಪ್ರೌಢಶಾಲಾ ವಿಭಾಗದಲ್ಲಿ ಕು.ಏಕತಾ ದೊಡ್ಡಮನಿ ಪ್ರಥಮ ಸ್ಥಾನ,  ಕು.ಆಶಿಶ್ ಸಾಗರ್ ದ್ವಿತೀಯ ಸ್ಥಾನ  ಕು.ಸುಮಾ ಕಂಬಳಿ ತೃತೀಯ ಸ್ಥಾನ ಪಡೆದರು.