ಲೋಕದರ್ಶನ ವರದಿ

ಗದಗ23:  ಸೋಂಕಿನಿಂದ ಬರುವ ಎಚ್1 ಎನ್1 ರೋಗಕ್ಕೆ ಔಷಧಿಯಿದ್ದು ಅನಾವಶ್ಯಕವಾಗಿ ಆತಂತಕಕ್ಕೆ ಒಳಗಾಗದಿರಲು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಎಸ್.ಎಮ್. ಹೊನಕೇರಿ ಅವರು ತಿಳಿಸಿದರು.

      ಗದಗ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾದಿಕಾರಿಗಳ ಕಚೇರಿಯಲ್ಲಿಂದು ಪತ್ರಿಕಾಗೋಷ್ಟಿಯಲ್ಲಿ ಅವರು ಮಾತನಾಡಿದರು. ಎಚ್ 1 ಎನ್ 1 ಸೋಂಕಿನಿಂದ ಹರಡುವ ರೋಗವಾಗಿದೆ.  ಇನ್ಫ್ಲುಎಂಜಾ ಅಥವಾ ಫ್ಲೂದಂತೆ ಜ್ವರ, ಕೆಮ್ಮು, ಮೂಗಿನ ಸೋರುವಿಕೆ, ತಲೆನೋವು, ಚಳಿ,  ಸುಸ್ತು ಇದ್ದಲ್ಲಿ ತಕ್ಷಣ ವೈದ್ಯರನ್ನು ಸಂಪಕರ್ಿಸಬೇಕು.  ಈ ರೋಗದಲ್ಲಿ 3 ಹಂತಗಳನ್ನು ಗುರುತಿಸಲಾಗಿದೆ.  ಮೊದಲ ಹಂತದಲ್ಲಿ ಸಾಮಾನ್ಯ ಜ್ವರ ಹಾಗೂ ಗಂಟಲು ನೋವು, 2ನೇ ಹಂತದಲ್ಲಿ ಜ್ವರದ ತಾಪ ಹೆಚ್ಚಿದ್ದು ಗಂಟಲು ಬೇನೆ ಹೆಚ್ಚಾಗುತ್ತದೆ.  3 ನೇ ಹಂತದಲ್ಲಿ ಇದು ಇನ್ನೂ ಹೆಚ್ಚಾಗಿ ಮೈ ನೀಲಿ ಆಗುವ ಲಕ್ಷಣಗಳು ಕಂಡುಬರುತ್ತವೆ.  ಈ  ರೋಗಿಗಳು ಕೆಮ್ಮಿದಾಗ , ಸೀನಿದಾಗ , ವೈಯಕ್ತಿಕ ಸ್ವಚ್ಛತೆ ಇಲ್ಲದೇ ಮೂಗು ಬಾಯಿ ಮುಚ್ಚಿದಾಗ ರೋಗದ ವೈರಸ್ಗಳು ಪ್ರಸಾರವಾಗುತ್ತವೆ.  ಈ ರೋಗದ ತಡೆಗೆ ಮುಂಜಾಗ್ರತಾ ಕ್ರಮಾಗಿ ಕೆಮ್ಮು ಸೀನು ಇದ್ದಾಗ ಕೈವಸ್ತ್ರದಿಂದ ಮುಚ್ಚಿಕೊಳ್ಳಬೇಕು.  ಕೈ ಬಾಯಿಗಳನ್ನು ನಿಯಮಿತವಾಗಿ ಸ್ವಚ್ಛ ಮಾಡಿಕೊಳ್ಳಬೇಕು.  ಸೋಂಕಿರುವ ವ್ಯಕ್ತಿಗಳ ಹತ್ತಿರ ಹೋಗಬಾರದು.  ಅನಿವಾರ್ಯವಾಗಿದ್ದಲ್ಲಿ ಮೂಗು ಬಾಯಿಗೆ ಮಾಸ್ಕ ಧರಿಸಬೇಕು    ಮಕ್ಕಳಲ್ಲಿ ತೀವ್ರ ಉಸಿರಾಟ, ನೀಲಿ ಮೈ ,  ದ್ರವ ಪದರ್ಥ ಸೇವನೆಗೆ ತೊಂದರೆ, ತೀವ್ರ ಜ್ವರ ಕೆಮ್ಮು , ಮೈಮೇಲೆ ಗಂಧೆಗಳು ಹಾಗೂ ದೊಡ್ಡವರಲ್ಲಿ ಉಸಿರಾಟದಲ್ಲಿ ತೊಂದರೆ , ಎದೆ ಹಾಗೂ ಹೊಟ್ಟೆ ನೋವು  ತಲೆ ಸುತ್ತು ವಿಕೆ, ವಾಂತಿ, ಕೆಲಸದಲ್ಲಿ ಗೊಂದಲ ಇತ್ಯಾದಿಗಳು ಸೋಂಕಿತರ ಅಪಾಯದ ಚಿಹ್ನೆಗಳಾಗಿವೆ.  ಜಿಲ್ಲೆಯಲ್ಲಿ  ಈವರೆಗೆ ವರದಿಯಾದ 83 ಪ್ರಕರಣಗಳ ಪೈಕಿ 23  ಎಚ್ 1 ಎನ್ 1 ರೋಗ ದೃಢಪಟ್ಟಿದ್ದು ಅದರಲ್ಲಿ ಒಂದು 5 ವರ್ಷದ ಮಗು ನ್ಯುಮೋನಿಯಾ ನಂತರ ಎಚ್ 1  ಎನ್ 1 ದಿಂದಾಗಿ ಮೃತಪಟ್ಟ ಪ್ರಕರಣ ವರದಿಯಾಗಿದೆ ಎಂದು ಡಾ. ಹೊನಕೇರಿ ತಿಳಿಸಿದರು.

        ಡಾ. ಸತೀಶ ಬಸರಿಗಿಡದ ಮಾತನಾಡಿ  ಗ್ರಾಮ ಹಾಗೂ  ನಗರಗಳಲ್ಲಿ ಆರೋಗ್ಯ ಕಾರ್ಯಕರ್ತರ , ಆಶಾ ಹಾಗೂ ವೈದ್ಯಾಧಿಕಾರಿಗಳು ಈ ರೋಗದ ಕುರಿತು ಮುಂಜಾಗ್ರತಾ ಕ್ರಮಗಳನ್ನು ತಿಳಿಸುವ ಜಾಗೃತಿ ಕಾರ್ಯಕ್ರಮಗಳನ್ನು  ಹಮ್ಮಿಕೊಂಡಿದ್ದು ಜಿಲ್ಲಾ ತಾಲೂಕಾ ಆಸ್ಪತ್ರೆಗಳಲ್ಲಿ ಪ್ರತ್ಯೇಕ ಹಾಸಿಗೆಗಳ ವಾಡರ್ುಗಳನ್ನು ತೆರೆಯಲಾಗಿದೆ ಎಂದು ನುಡಿದರು.