ಬ್ಯಾಂಕಿನ ಚುನಾವಣೆಯಲ್ಲಿ ಗೆಲುವು:  ಸದಸ್ಯರಿಂದ ಸಿಹಿ ವಿತರಣೆ  

 ತಾಳಿಕೋಟಿ 22: ಪಟ್ಟಣದ ಪ್ರತಿಷ್ಠಿತ ದಿ. ತಾಳಿಕೋಟಿ ಸಹಕಾರಿ ಬ್ಯಾಂಕ್ ಇದರ ಆಡಳಿತ ಮಂಡಳಿ ನಿರ್ದೇಶಕರ ಚುನಾವಣೆಯಲ್ಲಿ ಗೆಲವು ಸಾಧಿಸಿ ಆಯ್ಕೆಯಾದ ಹಳೆಯ ಪೆನಲ್ ನ ಸದಸ್ಯರು ಪಟ್ಟಣದಲ್ಲಿ ಸಿಹಿ ವಿತರಿಸಿ ಕೃತಜ್ಞತೆ ಸಲ್ಲಿಸಿದರು. ಬುಧವಾರ ಪಟ್ಟಣದ ಎಪಿಎಂಸಿ ಯಾರ್ಡ್‌ ನಲ್ಲಿ ಓಲ್ಡ್‌ ಈಸ್ ಗೋಲ್ಡ್‌ ( ಹಳೆಯ  ಪೆನಲ್) ನ ಸದಸ್ಯರು ಹಾಗೂ ಅವರ ಬೆಂಬಲಿಗರು ಸೇರಿಕೊಂಡು ಎಲ್ಲ ಅಡತ್ ಅಂಗಡಿಗಳಿಗೆ ತಲುಪಿ ಆಯ್ಕೆ ಮಾಡಿದ್ದಕ್ಕಾಗಿ ಸಿಹಿ ವಿತರಿಸಿ ಕೃತಜ್ಞತೆಗಳನ್ನು ತಿಳಿಸಿದರು. ಈ ಸಮಯದಲ್ಲಿ ನೂತನವಾಗಿ ಆಯ್ಕೆಯಾದ ನಿರ್ದೇಶಕ ಮುರಿಗೆಪ್ಪ ಸರಸಟ್ಟಿ ಮಾತನಾಡಿ ತೀವ್ರ ಪೈಪೋಟಿಯಿಂದ ಕೂಡಿದ ಈ ಬಾರಿಯ ಬ್ಯಾಂಕಿನ ಚುನಾವಣೆಯಲ್ಲಿ   ಬ್ಯಾಂಕಿನ ಶೇರುದಾರ ಮತದಾರ ಬಾಂಧವರು ಮತ್ತೇ ನಮ್ಮ ಮೇಲೆ ವಿಶ್ವಾಸ ಇಟ್ಟು ಚುನಾವಣೆಯಲ್ಲಿ ಸ್ಪರ್ಧಿಸಿದ  ನಮ್ಮ  ಪೆನಲ್ ನ 13 ಜನ ಸದಸ್ಯರಲ್ಲಿ 12 ಜನ  ಸದಸ್ಯರನ್ನು ಆಯ್ಕೆ ಮಾಡಿ ಮತ್ತೇ ಸೇವೆ ಮಾಡುವ ಅವಕಾಶವನ್ನು ಮಾಡಿಕೊಟ್ಟಿದ್ದಾರೆ, 

ಅವರು ನಮ್ಮ ಮೇಲಿಟ್ಟ ವಿಶ್ವಾಸವನ್ನು ಕೆಡದಂತೆ ನೋಡಿಕೊಂಡು  ಬ್ಯಾಂಕಿನ ಅಭಿವೃದ್ಧಿಗಾಗಿ ಈ ಮೊದಲು ಶ್ರಮಿಸಿದಕ್ಕಿಂತಲೂ ಹೆಚ್ಚಿಗೆ ಶ್ರಮಿಸಿ ಬ್ಯಾಂಕಿನ ಇನ್ನಷ್ಟು ಅಭಿವೃದ್ಧಿಯನ್ನು ಮಾಡುತ್ತೇವೆ ಇದಕ್ಕೆ ನಿಮ್ಮೆಲ್ಲರ ಸಹಕಾರ ಇರಲಿ ಎಂದರು.ಈ ಸಮಯದಲ್ಲಿ ನೂತನ ನಿರ್ದೇಶಕರಾದ ಈಶ್ವರ​‍್ಪ ಬಿಳೇಭಾವಿ,ಬಾಬು ಹಜೇರಿ, ದ್ಯಾಮನಗೌಡ ಪಾಟೀಲ, ರಾಮಪ್ಪ ಕಟ್ಟಿಮನಿ, ಸಂಜೀವಪ್ಪ ಬರದೇನಾಳ,ಶಸಾಪ ಯುವ ಘಟಕ ಅಧ್ಯಕ್ಷ ಜಗದೀಶ ಬಿಳೆಭಾವಿ, ಸುರೇಶ್ ಪಾಟೀಲ,ಕುಶಾಲ್ ದತ್ತಾತ್ರೇಯ ಹೆಬಸೂರ,ರಾಜು ಕೊಡಗಾನೂರ,ಬಿ.ಎಸ್‌. ಪಂಚಗಲ್ಲ ಮತ್ತಿತರರು ಇದ್ದರು.