ಲೋಕದರ್ಶನವರದಿ

ಹಾವೇರಿ10: ಮಾನವನ ಜೀವನ ಹಸನಾಗಬೇಕಾದರೆ ಭಗವಂತನನ್ನು ನಿತ್ಯ ಸ್ಮರಣೆ ಮಾಡಬೇಕು  ಅಂದಾಗಇಷ್ಟಾರ್ಥ ಪ್ರಾಪ್ತಿಯಾಗುತ್ತದೆ ಎಂದು ರಂಭಾಪುರಿ ಪೀಠದ ಡಾ. ವೀರಸೋಮೇಶ್ವರ ಶ್ರೀಗಳು ಹೇಳಿದರು.  

        ತಾಲೂಕಿನ ನೆಗಳೂರ ಗ್ರಾಮದ ಗುರುಶಾಂತೇಶ್ವರ ಸಂಸ್ಥಾನ  ಹಿರೇಮಠದಲ್ಲಿ ಮಂಗಳವಾರ ಜರುಗಿದ ಸಾವಿರದೆಂಟು ಶಿವಲಿಂಗ ಪೂಜಾ ಕಾರ್ಯಕ್ರಮದ ಸಾನ್ನಿಧ್ಯವಹಿಸಿ ಮಾತನಾಡಿದರು. ಪ್ರಸ್ತುತ ದಿನಗಳಲ್ಲಿ ಮಾನವ ಆಧುನಿಕತೆ ಹೆಸರಿನಲ್ಲಿ ಆಸ್ತಿಕತೆಯ ಭಾವನೆಯಿಂದ ದೂರವಾಗುತ್ತಿರುವುದು ಕೇದಕರ ಎಂದರು. ನೆಗಳೂರಿನ ಗುರುಶಾಂತೇಶ್ವರ ಶಿವಾಚಾರ್ಯರು ಕಿರಿದಾದ ವಯಸ್ಸಿನಲ್ಲಿ ಹಿರಿದಾದ ಸಾಧನೆ ಮಾಡಿ ಶ್ರೀಮಠದ ಅಭಿವೃದ್ದಿಗೆ ಶ್ರಮಿಸುತ್ತಿರುವುದು ಸಂತಸ ತಂದಿದೆ.ಎಂದರು.  

       ಸಮಾರಂಭದಲ್ಲಿ ಕಣ್ವಕಪ್ಪೆ ಗವಿಮಠದ ನಾಲ್ವಡಿ ಶಾಂತಲಿಂಗ ಶಿವಾಚಾರ್ಯ ಸ್ವಾಮೀಜಿ ಬಂಕಾಪುರ ಅರಳೆ ಹಿರೇಮಠದ ರೇವಣಸಿದ್ದೇಶ್ವರ ಶಿವಾಚಾರ್ಯ ಸ್ವಾಮೀಜಿ  ಅಮ್ಮಿನಭಾವಿ ಹಿರೇಮಠದ ಶಾಂತಲಿಂಗ ಶಿವಾಚಾರ್ಯ ಸ್ವಾಮೀಜಿ  ಬೆಳಗುಂಪಿ ಬೃಹನ್ಮಠದ ಪರ್ವತೇಶ್ವರ ಶಿವಾಚಾರ್ಯ ಸ್ವಾಮೀಜಿ  ಸುನಂದಮ್ಮ ತಿಳವಳ್ಳಿ ಸಿ.ವಿ ಬಾಬುಗೌಡ್ರ ಈರಣ್ಣ ದಕ್ಷಶೆಟ್ಟಿ ಗುರುರಾಜ ಕಲಕೋಟಿ  ಶಶಿಧರಶಾಸ್ತ್ರೀ ಹಿರೇಮಠ  ಇತರರು ಇದ್ದರು ಎಸ್.ಬಿ. ಹಿರೇಮಠ ಸ್ವಾಗತಿಸಿದರು. ಗುರುಪಾದಯ್ಯ ಸಾಲಿಮಠ ನಿರೂಪಿಸಿದರು. ಗುರುಶಾಂತಸ್ವಾಮಿ ಹಿರೇಮಠ ವಂದಿಸಿದರು.