ತಾಳಿಕೋಟಿ 05: ಪಟ್ಟಣದ ಎಚ್ ಎಸ್ ಪಾಟೀಲ ಶಿಕ್ಷಣ ಸಂಸ್ಥೆಯ ಶ್ರೀ ಸಂಗಮೇಶ್ವರ ಪ್ರೌಢಶಾಲೆಯಲ್ಲಿ ಎಸ್ ಎಸ್ ಎಲ್ ಸಿ ವಿದ್ಯಾರ್ಥಿಗಳಿಗೆ ಗಣಿತ ವಿಷಯದ ಕುರಿತು ವಿಶೇಷ ಕಾರ್ಯಗಾರ ಹಮ್ಮಿಕೊಳ್ಳಲಾಯಿತು. 

ಅನವಾಲ ಸರಕಾರಿ ಪ್ರೌಢ ಶಾಲೆಯ ಗಣಿತ ಶಿಕ್ಷಕ ನಾಗರಾಜ ಆಡಗಲ್ಲ ಅವರು ಗಣಿತ ವಿಷಯದ ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸಿ ವಿದ್ಯಾರ್ಥಿಗಳಿಗೆ ಗಣಿತ ವಿಷಯ ಸರಳೀಕರಣ ಮಾಡಿ,ಹಂತ ಹಂತವಾಗಿ ಲೆಕ್ಕಗಳನ್ನು ಬಿಡಿಸುವ, ತಾಳೆಕರಿಸುವ. ಮತ್ತೆ ಬಿಡುಸುವ ಎಂಬ ಪರಿಕಲ್ಪನೆಯೊಂದಿಗೆ ಮಕ್ಕಳನ್ನು ಕಲಿಕೆಯಲ್ಲಿ ತಲ್ಲಿನರನ್ನಾಗಿ ಮಾಡುದಲ್ಲದೇ ಲೆಕ್ಕದಲ್ಲಿ ಈಜಬೇಕು, ತಾಳೆನೋಡೇತಾ ತೇಲಬೇಕು ಕೊಟ್ಟ ಸಮಯದಲ್ಲೇ ಉತ್ತರ ಪತ್ರಿಕೆ ಬಿಡಿಸಬೇಕು ಎಠು ವಿದ್ಯಾರ್ಥಿಗಳಿಗೆ ಮಾದರಿ ಪ್ರಶ್ನೆ ಪತ್ರಿಕೆ ಬಿಡುಸುವ ಮೂಲಕ ಉಪಯುಕ್ತ ಮಾಹಿತಿ ನೀಡಿದರು.  

ಇದೇ ಸಂದರ್ಭದಲ್ಲಿ ಅವರನ್ನು ಸಂಸ್ಥೆ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು. ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಅಶೋಕಕಟ್ಟಿ, ಶಿಕ್ಷಕರಾದ ಬಿ.ಆಯ್‌.ಹಿರೇಹೊಳಿ, ಎಸ್‌.ವಿ.ಜಾಮಗೊಂಡಿ, ಗಣಿತ ಶಿಕ್ಷಕ ಎಚ.ಬಿ.ಪಾಟೀಲ, ಹತ್ತನೇ ತರಗತಿ ವರ್ಗ ಶಿಕ್ಷಕ ಎಸ್‌.ಸಿ.ಗುಡಗುಂಟಿ, ಎಮ್‌.ಎಸ್‌.ರಾಯಗೊಂಡ, ಎಸ್‌.ಬಿ.ಸಾಸನೂರ ಉಪಸ್ಥಿತರಿದ್ದರು.