ಲೋಕದರ್ಶನ ವರದಿ 

ಗದಗ 13 : ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಮಹಾವಿದ್ಯಾಲಯ ಹಾಗೂ ಐ ಕ್ಯೂ ಎ. ಸಿ. ಸಂಯೋಜನೆಯಲ್ಲಿ, ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡುತ್ತಾ ಮಹಿಳೆಯರು ಆದರ್ಶ ಜೀವನದ ಪ್ರತಿಕ. ಪ್ರಾಚೀನ ಕಾಲದಲ್ಲಿ ಮಹಿಳೆಯರ ಪಾತ್ರ ಪ್ರಮುಖವಾದದ್ದು ಇಂದು ರಿಕ್ಷಾದಿಂದ ಅಂತರಿಕ್ಷದವರೆಗೆ ಮಹಿಳೆಯರು ಎಲ್ಲಾ ರಂಗದಲ್ಲಿಯೂ ತೊಡಗಿಕೊಂಡಿದ್ದಾರೆ. ತಾರತಮ್ಯ ತೊಲಗಿಸಿ ಮಹಿಳೆಯರು ಮುಖ್ಯ ವಾಹಿನಿಗೆ ಬರಬೇಕು, ಇಂದು ಮಹಿಳೆಯರು ಉನ್ನತ ಸ್ಥಾನದಲ್ಲಿ ಪುರುಷರಿಗೆ ಸರಿ ಸಮಾನವಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ.

ಆತ್ಮಶುದ್ಧಿ, ಪರಿಶುದ್ಧ, ಜೀವನದ ರೂವಾರಿಯಾಗಿ ಕೆಲಸ ನಿರ್ವಹಿಸುತ್ತಿದ್ದಾರೆ. ರಾಷ್ಟ್ರದ ಪ್ರಮುಖ ಸ್ಥಾನದಲ್ಲಿ ಮಹಿಳೆಯರು ದೇಶವನ್ನು ಮುನ್ನಡೆಸುತ್ತಾ, ಕಷ್ಟದ ಜೀವನವನ್ನು ನಡೆಸಿ ಸ್ಥಾನಮಾನಗಳನ್ನು ಗಳಿಸುವುದು, ಗಳಿಸುವದರೊಂದಿಗೆ ಜೀವನದ ಅಡೆತಡೆಗಳನ್ನು ಮೆಟ್ಟಿ ನಿಲ್ಲಬೇಕೆಂದು ಅವರು ಅವರು ತಿಳಿಸಿದರು. ಕಾರ್ಯಕ್ರಮದಲ್ಲಿ ಮಹಿಳಾ ಉದ್ಯಮದಲ್ಲಿ ತೊಡಗಿಸಿಕೊಂಡು ಮುಖ್ಯ ವಾಹಿನಿಗೆ ಬಂದ ರಾಜ್ಯ ಶ್ರೇಷ್ಠ ಉದ್ಯಮಿ  ಪಾರ್ವತಿ ಶಾಬಾದಿಮಠ ಅವರು ವಿದ್ಯಾರ್ಥಿನಿಯರಿಗೆ ಸ್ಪೂರ್ತಿದಾಯಕ ಮಾತುಗಳನ್ನಾಡಿದರು. ಸನ್ಮಾನ ಮಾಡಿಸಲಾಯಿತು ನಂತರ ಅವರನ್ನು ಕಾಲೇಜಿನ ವತಿಯಿಂದ  ಸನ್ಮಾನಿಸಲಾಯಿತು.  

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಪ್ರಾಂಶುಪಾಲರಾದ ಶ್ರೀ ಪ್ರಕಾಶ ಕರಿಗಾರ ಅವರು ಮಾತನಾಡಿ ಮಹಿಳೆಯರು ಸ್ವಂತ ಉದ್ಯೋಗದಲ್ಲಿ ತೊಡಗಿಕೊಂಡು ಉದ್ಯಮಶೀಲರಾಗಿ ಮುಖ್ಯ ವಾಹಿನಿಗೆ ಬರಬೇಕೆಂದು ತಿಳಿಸಿದರು. ಸರ್ಕಾರದ ಪ್ರತಿಯೊಂದು ಸೌಲಭ್ಯಗಳನ್ನು ಮಹಿಳೆಯರು ಸದುಪಯೋಗಪಡಿಸಿಕೊಳ್ಳಲು ಕರೆ ನೀಡಿದರು. ಪ್ರತಿಯೊಬ್ಬ ಯಶಸ್ವಿ ಪುರುಷನ ಹಿಂದೆ ಒಬ್ಬ ಮಹಿಳೆ ಇರುತ್ತಾಳೆಂದು ತಿಳಿಸಿದರು. ಕಾರ್ಯಕ್ರಮದಲ್ಲಿ  ಎಸ್‌. ಯು. ಸಜ್ಜನಶೆಟ್ಟರ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕುಮಾರಿ ನಯನ ನೀಲಗುಂದ, ಚೈತ್ರ ವಿ.ಕೆ. ಪವಿತ್ರ ದಾಸರ, ರೋಹಿಣಿ ವಗ್ಗನವರ ತಮ್ಮ ಅನಿಸಿಕೆಗಳನ್ನು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಐ ಕ್ಯೂ ಎ ಸಿ ಸಂಯೋಜಕರಾದ ಮೆಹಬೂಬ್ ಆರಿಫ್ ಸದರ್ ಸೋಪೆ ವಾಲೆ. ಹಿರಿಯ ಪ್ರಾಧ್ಯಾಪಕರಾದ ಎ. ಕೆ. ಜಮಾದಾರ್‌.  ತೇಜಸ್ವಿನಿ. ಎಂ. ಎಸ್‌.,  ಮಹಾಲಕ್ಷ್ಮಿ ಹುಟಗಿ,  ರಾಜೇಶ್ವರಿ ಬದನೆಕಾಯಿ, ಬಸವರಾಜ್ ದಾನಿ ಹಾಗೂ ಅತಿಥಿ ಉಪನ್ಯಾಸಕರು ಹಾಗೂ ಬೋಧಕೇತರ ಸಿಬ್ಬಂದಿ ವರ್ಗದವರು ಹಾಜರಿದ್ದರು. ಡಾ.  ಪರಿಮಳ ದೇಶಪಾಂಡೆ ಕಾರ್ಯಕ್ರಮ ವನ್ನು ನಿರೂಪಿಸಿದರು. ಶ್ರೀಮತಿ ವಾಣಿ ಪತ್ರಿ ಸ್ವಾಗತಿಸಿದರು. ಕುಮಾರಿ ಮೈತ್ರ ಚೌಕನವರ ವಂದಿಸಿದರು. ನಂತರ ಸಂಸ್ಕೃತಿಕ ಕಾರ್ಯಕ್ರಮಗಳುಕಾಲೇಜಿನ ವಿದ್ಯಾರ್ಥಿನಿಯರಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರುಗಿದವು.