ಟ್ರಿಪೋಲಿ, ಫೆ 13, ಲಿಬಿಯಾದಲ್ಲಿ ಸದ್ಯ 6,50,000 ಕ್ಕೂ ಹೆಚ್ಚು ಅಕ್ರಮ ವಲಸಿಗರಿದ್ದು, ಇವರಲ್ಲಿ ಅನೇಕರಿಗೆ ವೈದ್ಯಕೀಯ ಆರೈಕೆ ಮತ್ತು ಮೂಲ ಭೂತ ಅಗತ್ಯಗಳ ಕೊರತೆಯಿದೆ  ಎಂದು ಅಂತಾರಾಷ್ಟ್ರೀಯ ವಲಸೆ ಸಂಸ್ಥೆ (ಐಒಎಂ) ಬುಧವಾರ ಹೇಳಿದೆ. 

ಲಿಬಿಯಾದಲ್ಲಿ ಸದ್ಯ, 40 ದೇಶಗಳ 6,54,000 ವಲಸಿಗರು ನೆಲೆಸಿದ್ದಾರೆ ಎಂದು ಐಒಎಂ ತಿಳಿಸಿದೆ. ‘ಇದಲ್ಲದೆ, ಕುಡಿಯುವ ನೀರು, ನೈರ್ಮಲ್ಯ ಮತ್ತು ನೈರ್ಮಲ್ಯ ಸೇವೆಗಳು ವಲಸಿಗರಿಗೆ ಒದಗಿಸಬೇಕಾದ ತುರ್ತು ಅಗತ್ಯವಿದೆ.’ ಎಂದು ಅದು ಹೇಳಿದೆ.ಏಪ್ರಿಲ್ 2019 ರಿಂದ ಪೂರ್ವ ಮೂಲದ ಸೇನೆ ಮತ್ತು ವಿಶ್ವಸಂಸ್ಥೆ ಬೆಂಬಲಿತ ಸರ್ಕಾರದ ನಡುವೆ ಲಿಬಿಯಾ ರಾಜಧಾನಿ ಟ್ರಿಪೊಲಿ ಹಾಗೂ ಸುತ್ತಮುತ್ತ ಪ್ರದೇಶಗಳಲ್ಲಿ ನಡೆಯುತ್ತಿರುವ ಸಶಸ್ತ್ರ ಸಂಘರ್ಷವು ವಲಸಿಗರ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದೆ ಎಂದು ಅದು ಹೇಳಿದೆ.

 2011 ರ ದಂಗೆಯ ನಂತರ ಉತ್ತರ ಆಫ್ರಿಕಾದ ಲಿಬಿಯಾದಲ್ಲಿ ಅಸುರಕ್ಷಿತತೆ ಮತ್ತು ಅವ್ಯವಸ್ಥೆಯ ಕಾರಣದಿಂದಾಗಿ ಮೆಡಿಟರೇನಿಯನ್ ಸಮುದ್ರದ ಮೂಲಕ ಯುರೋಪ್ ತೀರಗಳ ಕಡೆಗೆ ದಾಟಲು  ಆಶಿಸುತ್ತಿರುವ ವಲಸಿಗರಿಗೆ ಲಿಬಿಯಾ ಆದ್ಯತೆಯ ನಿರ್ಗಮನ ಕೇಂದ್ರವಾಗಿದೆದೇಶದಲ್ಲಿ ಹದಗೆಡು ತ್ತಿರುವ ಭದ್ರತಾ ಸ್ಥಿತಿಯಿಂದಾಗಿ ವಲಸಿಗರು ತೆರಳುವುದಕ್ಕೆ ಲಿಬಿಯಾ ಸುರಕ್ಷಿತ ಬಂದರು ಅಲ್ಲ ಎಂದು ಐಒಎಂ ಪದೇ ಪದೇ ಒತ್ತಿ ಹೇಳಿದೆ.