ಲೋಕದರ್ಶನ ವರದಿ 

ಹುಬ್ಬಳ್ಳಿ 07 : ಬಸವೇಶ್ವರನಗರದ  ನಿವಾಸಿ, ಕರ್ನಾಟಕ ವಾಣಿಜೋದ್ಯಮ ಸಂಸ್ಥೆಯ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದ, ಗಣ್ಯ ವ್ಯಾಪಾರಸ್ಥರಾದ, ಲಿಂಗಾಯತ, ಪಂಚಮಸಾಲಿ ಸಮಾಜದ ಮುಖಂಡರು, ಹಿರಿಯರಾದ, ಸದಾ ಹಣೆಯ ಮೇಲೆ ವಿಭೂತಿ,  ಆದ್ಯಾತ್ಮಿಕ ಜೀವಿಗಳಾದ ಪೂಜ್ಯರಾದ ಶ್ರೀ ಶಿವಶಂಕರ​‍್ಪ  ಬಸಲಿಂಗಪ್ಪ   ಮುಗಬಸ್ತ   ಅವರು 91ನೆಯ ವಯಸ್ಸಿನಲ್ಲಿ   ಲಿಂಗೈಕ್ಯರಾಗಿದ್ದಕ್ಕೆ ರಾಣಿಚನ್ನಮ್ಮ ಪರಿಸರ ಸೇವಾ ಸಮಿತಿಯ ಕಾರ್ಯದರ್ಶಿ, ಬಸವ ಪರಿಸರ ಸಂರಕ್ಷಣಾ ಸಮಿತಿಯ ಕಾರ್ಯದರ್ಶಿ, ಕರ್ನಾಟಕ ಜ್ಞಾನ ವಿಜ್ಞಾನ ಸಮಿತಿಯ ಜಿಲ್ಲಾ ಘಟಕದ ಉಪಾಧ್ಯಕ್ಷ, ಕರ್ನಾಟಕ ವಚನ ಸಾಹಿತ್ಯ ಪರಿಷತ್ನ ಜಿಲ್ಲಾ ಘಟಕದ ಕಾರ್ಯಾಧ್ಯಕ್ಷ, ಹೊರಕೇರಿ ಮಾಸ್ತರ ಶಿಕ್ಷಣ ಪ್ರತಿಷ್ಠಾನ ಟ್ರಸ್ಟಿ,  ಗ್ರಂಥಪಾಲಕ ಡಾ. ಸುರೇಶ ಡಿ. ಹೊರಕೇರಿ, ಅವರು  ತೀವ್ರ ಸಂತಾಪ ವ್ಯಕ್ತಪಡಿಸಿದ್ದಾರೆ.  

ಆ ಮಹಾನ್ ದಿವ್ಯಚೇತನಕ್ಕೆ ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ ಎಂದು ಪ್ರಾರ್ಥಿಸಿದ್ದಾರೆ ಹಾಗೂ ಕಂಬನಿ ಮಿಡಿದಿದ್ದಾರೆ. ಮೃತರ ನಿವಾಸಕ್ಕೆ ತೆರಳಿ  ಪಾರ್ಥಿವ ಶರೀರಕ್ಕೆ     ಮಾಲಾರೆ​‍್ಣ ಮಾಡಿ ,ಅಂತಿಮ ನಮನಗಳನ್ನು ಸಲ್ಲಿಸಿದರು. ಆತ್ಮೀಯರಾದ ಶಿವಯೋಗಿ, ಮುರುಗೇಶ್ ಅವರ ತಂದೆಯವರು ಬಹಳ ಸಮಾಜ ಮುಖಿ ಚಿಂತಕರಾಗಿದ್ದರು. ಧಾರ್ಮಿಕ, ಆಧ್ಯಾತ್ಮಿಕ, ಸಮಾಜದ ಕಾರ್ಯಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುತ್ತಿದ್ದರು.    

ಸದಾ ಕನ್ನಡ ಭಾಷೆಯ  ಮೇಲೆ ಅಪಾರ ಅಭಿಮಾನ ಹೊಂದಿದ್ದರು. ಕನ್ನಡ ಅಂಕಿಗಳನ್ನು ಬಳಸಬೇಕು ಎಂದು ಒತ್ತಾಯಿಸುತ್ತಿದ್ದರು. 2024ರಲ್ಲಿ ಅವರ ಮೊಮ್ಮಗ ಸಾಯೀಶ್ ಮುರಗೇಶ ಮೂಗಬಸ್ತ ಅವರು ನೀಟ್ ಪರೀಕ್ಷೆಯಲ್ಲಿ ರಾಜ್ಯಕ್ಕೆ 400ನೇ ರ್ಯಾಂಕ ಪಡೆದು ಪ್ರತಿಷ್ಟಿತ ಕರ್ನಾಟಕ ವೈದ್ಯಕೀಯ ಮಹಾವಿದ್ಯಾಲಯ ಹಾಗೂ ಸಂಶೋಧನಾ ಸಂಸ್ಥೆ (ಕೆಎಂಸಿಆರ್‌ಐ) ಯಲ್ಲಿ ವೈದ್ಯಕೀಯ ಶಿಕ್ಷಣ (ಎಂಬಿಬಿಎಸ್) ಪಡೆಯಲು ಪ್ರವೇಶ ಪಡೆದಿದ್ದ ಸಂದರ್ಭದಲ್ಲಿ  ಸಾಯೀಶ   ಅವರನ್ನು ಸನ್ಮಾನಿಸಿದ್ದಾಗ ಬಹಳ ಸಂತಸ ವ್ಯಕ್ತಪಡಿಸಿದ್ದರು ಎಂದು ಸ್ಮರಣೆ ಮಾಡಿದ್ದಾರೆ.  

ಅತ್ಯಂತ ಹಿರಿಯರಾದ ಶಿವಶಂಕರ​‍್ಪ ಅವರ  ಅಗಲಿಕೆಯಿಂದ ಕುಟುಂಬಕ್ಕೆ ಆದ ದುಃಖವನ್ನು ಸಹಿಸುವ ಶಕ್ತಿಯನ್ನು ಪರಮಾತ್ಮ ನೀಡಲಿ ಎಂದು ಪ್ರಾರ್ಥಿಸಿದ್ದಾರೆ. ಪ್ರೊ ಎಸ್ ಆರ್ ಆಶಿ, ಪ್ರೊ ವೀರೇಶ್ ಅಂಗಡಿ, ಜಿ. ಎಸ್ ಅಂಗಡಿ, ಶಿವಯೋಗಿ ಮುಗಬಸ್ತ್‌, ,ಮುರುಗೇಶ್     ಮೂಗಬಸ್ತ, ಕುಟುಂಬದವರು, ಬಂದುಗಳು, ಮುಂತಾದವರು ಇದ್ದರು.