ಸಿಡ್ನಿ, ಫೆ 19, ಆಸ್ಟ್ರೇಲಿಯಾ ರಾಜ್ಯವಾದ ವಿಕ್ಟೋರಿಯಾದಲ್ಲಿ ಬುಧವಾರ ಎರಡು ವಿಮಾನಗಳ ನಡುವೆ ಡಿಕ್ಕಿಯಾಗಿ ನಾಲ್ವರು ಸಾವನ್ನಪ್ಪಿದ್ದಾರೆ.    ವಿಮಾನಗಳು ಪತನಗೊಳ್ಳುವ ಮುನ್ನ ಆಗಸದಲ್ಲಿ ಡಿಕ್ಕಿ ಹೊಡೆದಿದ್ದು, ಎರಡೂ ವಿಮಾನಗಳಲ್ಲಿನ ತಲಾ ಇಬ್ಬರು ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ವಿಕ್ಟೋರಿಯಾದ ಗ್ರಾಮೀಣ ಭಾಗದ ಘಟನಾ ಸ್ಥಳಕ್ಕೆ ತುತರ್ು ಅಗ್ನಿಶಾಮಕ ಸೇವೆಗಳನ್ನು ನಿಯೋಜಿಸಲಾಗಿತ್ತು. 

ಸಾವನ್ನಪ್ಪಿದವರಲ್ಲಿ ಒಬ್ಬ ಸಿಬ್ಬಂದಿಯನ್ನು ಪಿಪರ್ ಸೆಮಿನೋಲ್ ಎಂದು ಗುರುತಿಸಲಾಗಿದ್ದು, ಮಂಗಳೂರಿನಲ್ಲಿ ಕ್ಯಾಂಪಸ್ ಹೊಂದಿರುವ ಮೂರಬ್ಬಿನ್ ಏವಿಯೇಷನ್ ಸವರ್ಿಸಸ್ ತರಬೇತಿ ಶಾಲೆಯವರಾಗಿದ್ದಾರೆ ಎಂದು ನಾಗರಿಕ ವಿಮಾನಯಾನ ಸುರಕ್ಷತಾ ಪ್ರಾಧಿಕಾರದ (ಸಿಎಎಸ್ಎ) ವಕ್ತಾರರು ಕ್ಸಿನ್ಹುವಾ ತಿಳಿಸಿದ್ದಾರೆ. ಮತ್ತೊಂದು ವಿಮಾನವು  ಬೀಚ್ ಟ್ರಾವೆಲ್ ಏರ್ ಗೆ ಸೇರಿದ್ದಾಗಿದೆ. ತಯ್ಯಬ್ ಒಡೆತನದ ಈ ಸಂಸ್ಥೆ ಘಟನಾ ಸ್ಥಳದಿಂದ ದಕ್ಷಿಣಕ್ಕೆ ಸುಮಾರು 150 ಕಿ.ಮೀ ದೂರದಲ್ಲಿದೆ. ವಿಮಾನಗಳು ಸುಮಾರು 4,000 ಅಡಿ ಎತ್ತರದಲ್ಲಿ ಪ್ರಯಾಣಿಸುತ್ತಿದ್ದಾಗ ಡಿಕ್ಕಿ ಸಂಭವಿಸಿದೆ ಎಂದು ವಕ್ತಾರರು ತಿಳಿಸಿದ್ದಾರೆ. ದುರಂತದಿಂದ ಎರಡೂ ವಿಮಾನಗಳು ನಜ್ಜುಗಜ್ಜಾಗಿವೆ. ಘಟನೆಯ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.