ಹೂವಿನಹಡಗಲಿ  31:  ವಿದ್ಯಾರ್ಥಿಗಳು ಸಮಯಪ್ರಜ್ಞೆ, ಶಿಸ್ತು ರೂಢಿಸಿಕೊಂಡಾಗ ಉನ್ನತ ಸಾಧನೆ ಮಾಡಲು ಸಾಧ್ಯ ಎಂದು ಬೆಂಗಳೂರಿನ ಪೊಲೀಸ್ ಇಲಾಖೆ ಪೊಲೀಸ್ ಕಾನ್ಸಟೆಬಲ್  ಕುಬೇರನಾಯ್ಕ ತಿಳಿಸಿದರು.ಇಲ್ಲಿಗೆ ಸಮೀಪದ ಹಂಪಸಾಗರ ಗ್ರಾಮದ ಸೇವಾಲಾಲ್ ವಿದ್ಯಾಸಂಸ್ಥೆಯ ಶಾಲಾ ಮಕ್ಕಳಿಗಾಗಿ ನಡೆದ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಿ ಮಾತನಾಡಿದರು. ಶಿಕ್ಷಣದ ಜತೆಗೆ ಮಕ್ಕಳಿಗೆ ಪಠ್ಯೇತರ ಚಟುವಟಿಕೆಗಳಲ್ಲಿಯೂ ಹೆಚ್ಚು ಆದ್ಯತೆ ನೀಡಬೇಕು. ಈ ನಿಟ್ಟಿನಲ್ಲಿ ಪ್ರತಿ ವರ್ಷವೂ ಆಯೋಜಿಸುವ ಸ್ಪರ್ಧೆಗಳಿಗೆ ಬಹುಮಾನ ನೀಡಲಾಗುವುದು ಎಂದರು. ಸಂಸ್ಥೆಯ ಕಾರ್ಯದರ್ಶಿ ಮೀನಾಕ್ಷಿ ನಾಣಿಕಿನಾಯ್ಕ ಮಾತನಾಡಿದರು. ರಸಪ್ರಶ್ನೆ, ಪ್ರಬಂಧ, ವಾಲಿಬಾಲ್ ಸೇರಿ ನಾನಾ ಪಠ್ಯೇತರ ಚಟುವಟಿಕೆಯಲ್ಲಿ ವಿಜೇತರಿಗೆ ಕುಬೇರನಾಯ್ಕ ಬಹುಮಾನ ವಿತರಿಸಿದರು. ಇದೇವೇಳೆ ಶಿಕ್ಷಕಿಯರಾದ ಜಿ.ಎಚ್‌.ಕಟ್ಟೆಮ್ಮ, ಡಿ.ಗಾಯತ್ರಿ, ಎಚ್‌.ರವಿಕುಮಾರನಾಯ್ಕ, ಟಿ.ಸುಮಾ ಇವರನ್ನು ಸನ್ಮಾನಿಸಲಾಯಿತು. ಮುಖ್ಯಶಿಕ್ಷಕರಾದ ಯು.ಪಿ.ವೀರನಗೌಡ, ವೀರಯ್ಯಮೂರ್ತಿ, ಥಾವರನಾಯ್ಕ, ಮುರ್ತಿನಾಯ್ಕ, ಉಮೇಶ್ ನಾಯ್ಕ, ಸಂಪತ್ಕುಮಾರ್ ಇತರರಿದ್ದರು. ಶಿಕ್ಷಕರಾದ ಗಣೇಶ, ಎಚ್‌.ಶಿವಪುತ್ರ​‍್ಪ ನಿರ್ವಹಿಸಿದರು.