ದೇವರಹಿಪ್ಪರಗಿ  23: ತಾಲ್ಲೂಕಿನ ಆಲಗೂರ ಗ್ರಾಮದ ಸರ್ಕಾರಿ ಮಾದರಿಯ ಹಿರಿಯ ಪ್ರಾಥಮಿಕ ಶಾಲೆಯ ಮಕ್ಕಳು ಕಲಕೇರಿ ವಲಯ ಮಟ್ಟದ ಕ್ರೀಡಾಕೂಟದಲ್ಲಿ ಉತ್ತಮ ಪ್ರದರ್ಶನ ನೀಡಿ ತಾಲ್ಲೂಕು ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿರುತ್ತಾರೆ.

ಬಾಲಕರು ಕಬಡ್ಡಿಯಲ್ಲಿ ಪ್ರಥಮ ಸ್ಥಾನವನ್ನು ಪಡೆದುಕೊಂಡು,ಖೋ ಖೋ,ಥ್ರೋಬಾಲ್,ರಿಲೇಯಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದಿರುತ್ತಾರೆ.ವೈಯಕ್ತಿಕ ವಿಭಾಗದಲ್ಲಿ ರಹಿಮತ್ ಅಲಿ ಕಲಕೇರಿ 100 ಮೀಟರ್ ಓಟ ಹಾಗೂ ಎತ್ತರ ಜಿಗಿತದಲ್ಲಿ ಪ್ರಥಮ ಸ್ಥಾನವನ್ನು ಪಡೆದು ಉದ್ದಜಿಗಿತದಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದಿರುತ್ತಾನೆ.ಕಾರ್ತಿಕ ಮಾಕೊಂಡ 400 ಮೀ ಓಟದಲ್ಲಿ ಪ್ರಥಮ,ಕಾರ್ತಿಕ ಇಮ್ಲಾಪುರ 600 ಮೀ ಓಟದಲ್ಲಿ ಪ್ರಥಮ,ತಿಪ್ಪಣ್ಣ ತಮ್ಮಣ್ಣಗೋಳ 600 ಮೀ ಓಟದಲ್ಲಿ ದ್ವಿತೀಯ,ಮಲ್ಲಿಕಾರ್ಜುನ ಅಮ್ಮಾಗೋಳ 200 ಮೀ ಓಟದಲ್ಲಿ ದ್ವಿತೀಯ ಸ್ಥಾನವನ್ನು ಪಡೆದು ತಾಲ್ಲೂಕು ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿರುತ್ತಾರೆ. 

ವಿದ್ಯಾರ್ಥಿಗಳ ಸಾಧನೆಗೆ ಶಾಲಾ ಮುಖ್ಯಗುರು ಜಿ.ಎಮ್‌.ತಳವಾರ,ದೈಹಿಕ ಶಿಕ್ಷಕ ವಿ.ಎನ್‌.ಮದ್ದರಕಿ,ಸಹಶಿಕ್ಷಕರಾದ ಅಬ್ಬಾಸಲಿ ಪಾಂಡು,ಎಚ್‌.ಬಿ.ಪೂಜಾರಿ, ಎಸ್‌.ಬಿ.ಹಗಟಗಿ, ಆರಿ​‍್ಜ.ಸುಸಲಾದಿ,ಎನ್‌.ಜಿ.ಬಿರಾದಾರ,ಎನ್‌.ಟಿ.ಅತ್ತಾರ,ಈರಣ್ಣ.ಹೂಗಾರ,ಪ್ರದೀಪ ಟಿ,ಬಿ. ಸುಧಾಕರ,ಐ.ಬಿ.ಮೋರಟಗಿ ಸೇರಿದಂತೆ ಗ್ರಾಮಸ್ಥರು,ಮಕ್ಕಳು,ಅಕ್ಷರ ದಾಸೋಹ ಸಿಬ್ಬಂದಿಯವರು ಸಂತಸವನ್ನು ವ್ಯಕ್ತಪಡಿಸಿರುತ್ತಾರೆ.