ಯಮಕನಮರಡಿ, 03 : ಸ್ಥಳೀಯ ಸರಕಾರಿ ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿ-ವಿದ್ಯಾರ್ಥಿನರು ನಿನ್ನೆ ನಡೆದ 12 ನೇ ಸತೀಶ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅಭೂತಪೂರ್ವ ಯಶಸ್ಸುಗಳಿಸಿ ಬಹುಮಾನವನ್ನು ತಮ್ಮದಾಗಿಸಿಕೊಂಡಿದ್ದಾರೆ. 

ನಿನ್ನೆ ನಡೆದ ಕಾಲೇಜು ಹಂತದ ಭಾಷಣ ಸ್ಪರ್ಧೆಯಲ್ಲಿ ದ್ವಿತೀಯ ಪಿಯು ಸೈನ್ಸ ವಿಭಾಗದ ವಿದ್ಯಾರ್ಥಿನಿ ಸಂದ್ಯಾ ನಾವಿ ದ್ವಿತೀಯ ಸ್ಥಾನಗಳಿಸಿ ಹತ್ತು ಸಾವಿರ ನಗದು ಬಹುಮಾನ ಹಾಗೂ ಟ್ರೋಪಿ ತನ್ನದಾಗಿಸಿಕೊಂಡಳು. ಅದರಂತೆ ಸಮೂಹ ನೃತ್ಯ ಸ್ಪರ್ಧೆಯಲ್ಲಿ ಕಾಲೇಜಿನ ಸೌಂದರ್ಯ ಸಾರಾಪುರಿ ಹಾಗೂ ತಂಡದ ವಿದ್ಯಾರ್ಥಿನಿಯರು ಅದ್ಬುತ ಪ್ರದರ್ಶನ ತೋರಿ ಮೈನೆರವಳಿಸುವ ನೃತ್ಯ ಮಾಡಿದರು. ಇವರ ಅದ್ಬುತ ಪ್ರದರ್ಶನಕ್ಕೆ ಕಾಲೇಜು ವಿಭಾಗದ ಸಮೂಹ ನೃತ್ಯ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನಗಳಿಸಿ ರೂ.50000/- ನಗದು ಬಹುಮಾನ ಹಾಗೂ ಸುಂದರವಾದ ಟ್ರೋಪಿಯನ್ನು ಪಡೆದರು.  

ವಿಜೇತ ವಿದ್ಯಾರ್ಥಗಳಿಗೆ ಯುವ ನಾಯಕರು, ಡಿಸಿಸಿ ಬ್ಯಾಂಕ್ ನಿರ್ದೇಶಕರು ಹಾಗೂ ಕರ್ನಾಟಕ ಯುವ ಕಾಂಗ್ರೇಸ್ ಕಾರ್ಯದರ್ಶಿಗಳಾದ ರಾಹುಲ ಜಾರಕಿಹೊಳಿ ಬಹುಮಾನ ವಿತರಿಸಿದರು. ಈ ಸಂದರ್ಭದಲ್ಲಿ ಕಾಲೇಜು ಉಪನ್ಯಾಸಕರಾದ ಬಿ.ಬಿ.ಕೊಡ್ಲ ಎಸ್‌.ಆರ್ ತಬರಿ ಸದಸ್ಯರಾದ ಸಿದ್ದಪ್ಪ ಶಿಳ್ಳಿ ಶಿವಕುಮಾರ ಪೋತದಾರ ಹಾಜರಿದ್ದರು. ವಿದ್ಯಾರ್ಥಿಗಳ ಈ ಸಾಧನೆಗೆ ಕಾಲೇಜು ಅಭಿವೃದ್ದಿ ಸಮಿತಿ ಉಪಾಧ್ಯಕ್ಷ ರಾದ ವೀರಣ್ಣ ಬಿಸಿರೊಟ್ಟಿ ಹಾಗೂ ಸರ್ವ ಸದಸ್ಯರು ಹಾಗೂ ಕಾಲೇಜಿನ ಪ್ರಚಾರ್ಯರು ಮತ್ತು ಎಲ್ಲ ಸಿಬ್ಬಂದದಿ ವರ್ಗ ಶುಭ ಕೋರಿದ್ದಾರೆ