ರಾಯಬಾಗ 18 :  ತಾಲೂಕಿನ 21 ಕೇಂದ್ರಗಳಲ್ಲಿ ಬುಧವಾರ ಪ್ರಾರಂಭಗೊಂಡ ಎಸ್‌.ಎಸ್‌.ಎಲ್‌.ಸಿ ಪರೀಕ್ಷೆ-1 ಮೊದಲ ದಿನ ಯಾವದೇ ಅಹಿತಕರ ಘಟನೆ ನಡೆಯದೇ ಯಶಸ್ವಿಯಾಗಿ ನಡೆಯಿತು.ಬೆಳ್ಳಿಗ್ಗೆ ಪರೀಕ್ಷೆ ಕೇಂದ್ರಕ್ಕೆ ಪಾಲಕರೊಂದಿಗೆ ಹುಮ್ಮಸ್ಸುದಿಂದ ಆಗಮಿಸಿದ್ದ ವಿದ್ಯಾರ್ಥಿಗಳು, ಪ್ರಥಮ ಭಾಷೆ (ಕನ್ನಡ) ಪರೀಕ್ಷೆಯನ್ನು ಬರೆದು ಸಂತೋಷದಿಂದ ತಮ್ಮ ಸ್ನೇಹಿತರೊಂದಿಗೆ ಹೊರನಡೆದರು. ತಾಲೂಕಿನಲ್ಲಿ ಎಸ್‌.ಎಸ್‌.ಎಲ್‌.ಸಿ ಪರೀಕ್ಷೆಗೆ ನೊಂದಾಯಿಸಿದ್ದ ಒಟ್ಟು 7347 (ಗಂಡು-3809, ಹೆಣ್ಣು-3538) ವಿದ್ಯಾರ್ಥಿಗಳಲ್ಲಿ 70 (ಗಂಡು-45, ಹೆಣ್ಣು-25) ವಿದ್ಯಾರ್ಥಿಗಳು ಗೈರು ಹಾಜರಾಗಿದ್ದು, 7277 ವಿದ್ಯಾರ್ಥಿಗಳು ಪರೀಕ್ಷೆಯನ್ನು ಬರೆದರು ಎಂದು ಬಿಇಒ ಬಸವರಾಜಪ್ಪ ಆರ್, ತಿಳಿಸಿದರು.