ಬೆಳಗಾವಿ : ಸೇರಿದಂತೆ ದೇಶಾದ್ಯಂತ ಶ್ರೀರಾಮ ನವಮಿ ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಯಿತು. ಹಿಂದೂ ಧರ್ಮದ ಪ್ರಮುಖ ಹಬ್ಬಗಳಲ್ಲಿ ಒಂದಾದ ಶ್ರೀರಾಮ ಜನ್ಮೋತ್ಸವದಂದು ನಗರದ ವಿವಿಧ ಮಂದಿರಗಳಲ್ಲಿ ವಿಶೇಷ ಪೂಜೆ ಪುನಸ್ಕಾರ ಭಜನೆ ರಾಮ ನಾಮ ಸ್ಮರಣೆ ಕೀರ್ತನೆ ಮಹಾಪ್ರಸಾದ ಮತ್ತಿತರ ಧಾರ್ಮಿಕ ಆಚರಣೆಗಳು ನೆರವೇರಿದವು. 

ನಗರದ ಕೇಳಕರ ಬಾಗನಲ್ಲಿರುವ ಸದ್ಗುರು ಕಾಣೇ ಮಹಾರಾಜರ ಶ್ರೀರಾಮ ಮಂದಿರದಲ್ಲಿ ಚೈತ್ರ ಶುದ್ಧ ಪಂಚಮಿಯಿಂದ ನವಮಿಯವರೆಗೆ ಕೀರ್ತನ, ಪೂಜೆ, ಗಾಯನ ಸೇವೆ, ರಾಮ ರಕ್ಷೆ ರಾಮ ಪಾಠ, ಭೀಮರೂಪಿ, ರಾಮ ನಾಮ ಸಂಕೀರ್ತನೆ ಪ್ರಸಾದ ವಿತರಣೆ ನೆರವೇರಿದವು. 

ಬೆಳಗಾವಿ ಸುತ್ತಮುತ್ತಲಿನ ಗ್ರಾಮಗಳು ಸೇರಿದಂತೆ ಮುಂಬೈ ಪುಣೆ ಠಾಣೆ ನಾಸಿಕ ದೊಂಬಿವಲಿ ಮೊದಲಾದ ಕಡೆಗಳಿಂದ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡರು. ಸಾಂಸ್ಕೃತಿಕ ಏಕತೆ ಮತ್ತು ಧಾರ್ಮಿಕ ನಂಬಿಕೆಗಳ ಪ್ರತೀಕವಾಗಿ, ಶ್ರೀರಾಮ ಚಂದ್ರನ ಧರ್ಮ ನ್ಯಾಯ ಸತ್ಯ ಪಾಲನೆ ಮೊದಲಾದ ಆದರ್ಶ ಪಾಲನೆಯ ನಿಟ್ಟಿನಲ್ಲಿ ಅರ್ಥಪೂರ್ಣ ರಾಮ ಜನ್ಮೋತ್ಸವ ನೆರವೇರಿತು.