ಇಂಡಿ, ಸೆ. 4: ಮನುಷ್ಯನ ಸರ್ವಾಂಗೀಣ ಬೆಳವಣಿಗೆಗೆ ಕ್ರೀಡೆ ಅತ್ಯಂತ ಅವಶ್ಯಕವಾಗಿದ್ದು, ಅವು ದೈಹಿಕ, ಮಾನಸಿಕ ಹಾಗೂ ಸಾಮಾಜಿಕವಾಗಿ ಹಲವು ಪ್ರಯೋಜನಗಳನ್ನು ನೀಡುತ್ತವೆ ಎಂದು ಇಂಡಿ ತಾಲೂಕು ದೈಹಿಕ ಶಿಕ್ಷಣಾಧಿಕಾರಿ ಪಿ.ಡಿ. ಕಾಲವಾಡಗಿ ಹೇಳಿದರು.  

ಇಂಡಿ ತಾಲೂಕಿನ ತಡವಲಗಾ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಬಸವೇಶ್ವರ ವಸತಿಯಲ್ಲಿ ಆಯೋಜಿಸಿದ್ದ ತಡವಲಗಾ ಕ್ಲಸ್ಟರ್ ಮಟ್ಟದ ಕ್ರೀಡಾಕೂಟವನ್ನು ಉದ್ಘಾಟಿಸಿ ಅವರು ಮಾತನಾಡಿದರು..  

ಆಟವಾಡುವುದರಿಂದ ದೇಹದಲ್ಲಿ ಎಂಡಾರ್ಫಿನ್ ಹಾರ್ಮೋನ್ ಬಿಡುಗಡೆಯಾಗಿ ಮನಸ್ಸು ಹಗುರವಾಗುತ್ತದೆ. ಕ್ರೀಡೆಯಲ್ಲಿ ಗೆಲುವು-ಸೋಲುಗಳನ್ನು ಸಮಾನವಾಗಿ ಸ್ವೀಕರಿಸುವ ಮನೋಭಾವ ಬೆಳೆಸಿಕೊಳ್ಳಬೇಕು. ಕ್ರೀಡೆಗಳು ಜೀವನದಲ್ಲಿ ಶಿಸ್ತು ಹಾಗೂ ನಿಯಮ ಪಾಲನೆಯನ್ನು ಕಲಿಸುತ್ತವೆ ಎಂದು ಹೇಳಿದರು.  

ಕಾರ್ಯಕ್ರಮದಲ್ಲಿ ಎಸ್ಡಿಎಂಸಿ ಅಧ್ಯಕ್ಷ ಬಸವರಾಜ ಪಂತೋಜಿ, ಮಳಸಿದ್ದಪ್ಪ ಖಸ್ಕಿ, ಭೀಮರಾಯ ಮಿರಗಿ, ಅಣ್ಣಪ್ಪ ಜಾಲವಾದ, ಮುಖ್ಯಗುರುಗಳಾದ ಎಸ್‌.ಎನ್‌. ಹರಳಯ್ಯ, ಆರ್‌.ಎಚ್‌. ರೋಡಗಿ, ತಾಂಬಾ ವಲಯ ಸಿಆರ​‍್ಿ ಶರಣು ಚಾಳಿಕಾರ, ಟಿ.ಎಸ್‌. ಜಂಬಗಿ, ಎಸ್‌.ಎಚ್‌. ಲಾಳಸಂಗಿ, ದೈಹಿಕ ಶಿಕ್ಷಕರಾದ ಶರಣು ಐರೋಡಗಿ, ಎಸ್‌.ಎಸ್‌. ಕಲ್ಲೊಳ್ಳಿ, ಎಚ್‌.ಎನ್‌. ನದಾಫ್ ಸೇರಿದಂತೆ ವಿವಿಧ ಶಾಲೆಗಳ ಶಿಕ್ಷಕರು, ದೈಹಿಕ ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಕಾರ್ಯಕ್ರಮವನ್ನು ಎನ್‌.ಜಿ. ರೊಳ್ಳಿ ನಿರೂಪಿಸಿದರು. ಶಂಕರ ಗಿಡಗಂಟಿ ವಂದಿಸಿದರು.