ತಾಳಿಕೋಟಿ 28 : ಪಟ್ಟಣದ ಆರಾಧ್ಯ ದೈವ   ಖಾಸ್ಗತ ಮಹಾ ಶಿವಯೋಗಿಗಳ ಜಾತ್ರೋತ್ಸವದ ಕೊನೆಯ ದಿನವಾದ ಸೋಮವಾರದಂದು ಜಾತ್ರೆಗೆ ಆಗಮಿಸುವ ಭಕ್ತಾದಿಗಳಿಗೆ ಗಾಣಸಿರಿ   ಸಮಾಜದ ವತಿಯಿಂದ ವಿಶೇಷ ಪ್ರಸಾದ ವ್ಯವಸ್ಥೆಯನ್ನು ಮಾಡಲಾಗಿತ್ತು. ಪ್ರಸಾದ ಸೇವೆ ಆರಂಭಿಸುವ ಮುನ್ನ ಇತ್ತೀಚಿಗೆ ನಿಧನರಾದ ಸಮಾಜದ ಕ್ರಿಯಾಶೀಲ ಸದಸ್ಯ ಪರ​‍್ಪ ಸಜ್ಜನ್ ಇವರ ಆತ್ಮಕ್ಕೆ ಶಾಂತಿ ಕೋರಿ ಸಮಾಜ ಬಾಂಧವರು ಮೌನ ಆಚರಣೆ ನಡೆಸಿದರು.

ನಂತರ ಪ್ರಸಾದ ಸೇವೆಗೆ ಸಮಾಜದ ಅಧ್ಯಕ್ಷರು ಉಪಾಧ್ಯಕ್ಷರು ಜೊತೆಗೂಡಿ ಸಮಾಜ ಬಾಂಧವರು ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಸಮಾಜದ ಅಧ್ಯಕ್ಷ ಪ್ರಕಾಶ ಸಜ್ಜನ ಮಾತನಾಡಿ ಕಳೆದ ಐದು ವರ್ಷಗಳಿಂದ ಅಜ್ಜನ ಜಾತ್ರೆಗೆ ಬರುವ ಸಾವಿರಾರು ಭಕ್ತಾದಿಗಳಿಗೆ ಪ್ರತಿ ವರ್ಷ ವಿಶೇಷ ಪ್ರಸಾದ ಸೇವೆಯನ್ನು ಮಾಡುತ್ತಾ ಬಂದಿದ್ದೇವೆ ಈ ವರ್ಷ ವಿಶೇಷ ಗೋಧಿ ಹಾಲು ಹುಗ್ಗಿ ಹಾಗೂ ಪಲಾವ್ ಸಿದ್ಧಪಡಿಸಲಾಗಿದೆ ಭಕ್ತಾದಿಗಳು ಶಾಂತ ರೀತಿಯಿಂದ ಪ್ರಸಾದ ಸ್ವೀಕರಿಸಿ ಅಜ್ಜನ ಕೃಪೆಗೆ ಪಾತ್ರರಾಗಬೇಕು ಎಂದರು.

ಪ್ರಸಾದ ಸೇವೆಯಲ್ಲಿ ಸಮಾಜದ ಉಪಾಧ್ಯಕ್ಷ ತಿಪ್ಪಣ್ಣ ಸಜ್ಜನ್, ಪ್ರಮುಖರಾದ ಕಾಶಿನಾಥ್ ಸಜ್ಜನ ಬಿದರಕುಂದಿ, ಪ್ರಕಾಶ ಹಜೇರಿ, ರಾಜು ಸಜ್ಜನ, ಜಗದೀಶ ಬಿಳೇಭಾವಿ, ಬಂಡು ದಾಯಫುಲೆ, ಶರಣಪ್ಪ ಸಜ್ಜನ, ಸಂಗಪ್ಪ ಕಂದಗಲ್, ಮಲ್ಲಪ್ಪ ಅಸಂತಾಪೂರ, ಶಿಕ್ಷಕರಾದ ಈರಣ್ಣ ಸಜ್ಜನ, ಮುಖ್ಯ ಗುರುಗಳಾದ ಎಸ್ ಬಿ ಸಜ್ಜನ ಹಾಗೂ ವಿವಿಧ ಸಮಾಜಗಳ ಬಾಂಧವರು ಉಪಸ್ಥಿತರಿದ್ದರು.