ಲೋಕದರ್ಶನ ವರದಿ 

ಬೆಳಗಾವಿ 25: ಖಾನಾಪುರ ತಾಲೂಕಿನ ಇಟಗಿ ಗ್ರಾಮದ ನಿವಾಸಿಯಾದ ಸೌಮ್ಯಶ್ರೀ ಪೂಜಾರ ಅವರು ಬೆಳಗಾವಿಯ ರಾಣಿ ಚೆನ್ನಮ್ಮ ವಿಶ್ವವಿದ್ಯಾಲಯದಿಂದ ಪ್ರತಿಷ್ಠಿತ ಡಾಕ್ಟರ್ ಆಫ್ ಫಿಲಾಸಫಿ (ಪಿಎಚ್‌.ಡಿ) ಪದವಿಗೆ ಭಾಜನರಾಗಿದ್ದಾರೆ.  

ಇವರು ವಿಶ್ವವಿದ್ಯಾಲಯದ ಭೂಗೋಳಶಾಸ್ತ್ರ ವಿಭಾಗದಲ್ಲಿ ಪ್ರಾಧ್ಯಾಪಕರಾದ ಡಾ. ಮಂಜುನಾಥ ಎನ್‌. ಕೆ. ಅವರ ಮಾರ್ಗದರ್ಶನದಲ್ಲಿ ಸಂಶೋಧನೆ ಕೈಗೊಂಡಿದ್ದರು. ಇವರು ಮಂಡಿಸಿದ ಸಂಶೋಧನಾ ಪ್ರಬಂಧದ ವಿಷಯ: “ಉಜಠಡಿಚಿಠಿಛಿಚಿಟ ಕಜಢಿಠಿಜಛಿಣತಜ ಠ ಋಣಜರಡಿಚಿಣಜಜ ಖಣಡಿಚಿಟ ಂಡಿಜಚಿ ಆಜತಜಟಠಟಜಟಿಣ ಟಿ ಃಜಟಚಿರಚಿತ ಆಣಡಿಛಿಣ” (ಬೆಳಗಾವಿ ಜಿಲ್ಲೆಯಲ್ಲಿ ಸಮಗ್ರ ಗ್ರಾಮೀಣ ಪ್ರದೇಶದ ಅಭಿವೃದ್ಧಿಯ ಭೌಗೋಳಿಕ ದೃಷ್ಟಿಕೋನ).  

ತಮ್ಮ ಮಹಾಪ್ರಬಂಧದಲ್ಲಿ ಬೆಳಗಾವಿ ಜಿಲ್ಲೆಯ ಗ್ರಾಮೀಣ ಭಾಗದ ಅಭಿವೃದ್ಧಿ, ಅಲ್ಲಿನ ಬದಲಾವಣೆಗಳು ಮತ್ತು ಭೌಗೋಳಿಕ ಹಿನ್ನೆಲೆಯಲ್ಲಿ ಗ್ರಾಮೀಣ ರೂಪಾಂತರದ ವಿವಿಧ ಆಯಾಮಗಳ ಕುರಿತು ಸುದೀರ್ಘವಾಗಿ ಬೆಳಕು ಚೆಲ್ಲಿದ್ದಾರೆ.  

ಕುಟುಂಬದ ಹಿನ್ನೆಲೆ :  

ಇವರು ಬಸವರಾಜ ಪೂಜಾರ ಮತ್ತು ಶ್ರೀಮತಿ ವಿಜಯಾ ಪೂಜಾರ ದಂಪತಿಗಳ ಸುಪುತ್ರಿಯಾಗಿದ್ದಾರೆ. ಗ್ರಾಮೀಣ ಭಾಗದ ಪ್ರತಿಭೆಯಾದ ಸೌಮ್ಯಶ್ರೀ ಅವರ ಈ ಶೈಕ್ಷಣಿಕ ಸಾಧನೆಯು ಅವರ ಕುಟುಂಬಕ್ಕೆ, ಆತ್ಮೀಯರಿಗೆ ಹಾಗೂ ಇಡೀ ಇಟಗಿ ಗ್ರಾಮಕ್ಕೆ ಕೀರ್ತಿ ತಂದಿದೆ. ಇವರ ಸಾಧನೆಗೆ ಗ್ರಾಮದ ಗಣ್ಯರು ಹಾಗೂ ಹಿತೈಷಿಗಳು ಹರ್ಷ ವ್ಯಕ್ತಪಡಿಸಿ ಅಭಿನಂದಿಸಿದ್ದಾರೆ.