ಕುಂದರಗಿ 03 :  (ಕುಂದರಗಿ ಇಂಚಿಗೇರಿ ಮಠದ ಓಣಿಯಲ್ಲಿ ಶುಕ್ರವಾರ ದಿವಸ ಬಲಮುರಿ ಗಣಪತಿಗೆ ಬೆಳ್ಳಿ ಕವಚ ಅರ​‍್ಿಸಲಾಯಿತು.) ಬೀಳಗಿ ಕುಂದರಗಿ : ಗ್ರಾಮದ ಇಂಚಿಗೇರಿ ಮಠದ ಓಣಿಯಲ್ಲಿರುವ ಭರಮದೇವರ ದೇವಸ್ಥಾನದ ಸಮೀಪದ ಬಲಮುರಿ ಗಣಪತಿ ದೇವಸ್ಥಾನದಲ್ಲಿ ಶುಕ್ರವಾರ ಭಕ್ತಿಭಾವದಿಂದ ಬೆಳ್ಳಿ ಕವಚ ಸಮರೆ​‍್ಣ ಕಾರ್ಯಕ್ರಮ ನಡೆಯಿತು. ಹಾಲುಮತ ಗಜಾನನ ಜೀರ್ಣೋದ್ಧಾರ ಸಮಿತಿಯ ಆಶ್ರಯದಲ್ಲಿ ಈ ಧಾರ್ಮಿಕ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಕಾರ್ಯಕ್ರಮದ ಅಂಗವಾಗಿ ಬಲಮುರಿ ಗಣಪತಿ ಮೂರ್ತಿಗೆ ಅಭಿಷೇಕ, ವಿಶೇಷ ಹೂವಿನ ಅಲಂಕಾರ, ನೈವೇದ್ಯ ಹಾಗೂ ಮಹಾಮಂಗಳಾರತಿ ಸೇರಿದಂತೆ ವಿವಿಧ ಪೂಜಾ ವಿಧಿವಿಧಾನಗಳು ನೆರವೇರಿದವು. ದೇವಸ್ಥಾನದ ಆಚಾರ್ಯ ಶ್ರವಣ್ ಜೋಶಿ ಅವರು ಧಾರ್ಮಿಕ ಪೂಜಾ ಕೈಂಕರ್ಯಗಳನ್ನು ನಡೆಸಿಕೊಟ್ಟರು.

ಇದೇ ವೇಳೆ ಮಕ್ಕಳಿಗೆ ಅಕ್ಷರಾಭ್ಯಾಸ ಕಾರ್ಯಕ್ರಮವನ್ನು ಆಯೋಜಿಸಲಾಗಿದ್ದು, ಪಾಲಕರು ಹಾಗೂ ಭಕ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ದೇವರ ಆಶೀರ್ವಾದ ಪಡೆದರು. ಕಾರ್ಯಕ್ರಮದಲ್ಲಿ ಮಾತನಾಡಿದ ಗ್ರಾಮದ ಮುಖಂಡ ಭೀಮಪ್ಪ ಹಳ್ಳಿ, ಗ್ರಾಮಸ್ಥರ ಸಹಕಾರ ಮತ್ತು ಭಕ್ತರ ದೇಣಿಗೆಯಿಂದ ದೇವಸ್ಥಾನ ನಿರ್ಮಾಣಗೊಂಡಿದ್ದು, ನಂತರ ಬಲಮುರಿ ಗಣಪತಿ ಮೂರ್ತಿಗೆ ಭಕ್ತರ ನೆರವಿನಿಂದ ಬೆಳ್ಳಿ ಕವಚವನ್ನು ಸಮರ​‍್ಿಸಲಾಗಿದೆ ಎಂದು ತಿಳಿಸಿದರು.ಈ ಸಂದರ್ಭದಲ್ಲಿ ದುಂಡಪ್ಪ ಹಳ್ಳಿ, ರಾಚಯ್ಯ ಬಾರಾಗಣಿ, ದುಸಪ್ಪ ಲಕ್ಷಾಪತಿ, ಲಕ್ಕಪ್ಪ ಸಂತನಪ್ಪನವರ, ಮಲ್ಲಪ್ಪ ಜಡಿಯಮ್ಮನವರ. ಗಿರಿಮಲ್ಲಪ್ಪ ಕಿಡಿಯಪ್ಪನವರ, ಭೀಮಪ್ಪ ಜಡಿಯಮ್ಮನವರ, ವಿಠ್ಠಲ ಗಾಜಪ್ಪನವರ, ಶಿವಪ್ಪ ಮೇಟಿ, ಹನಮಂತ ಹಾದಿಮನಿ, ಯಲ್ಲಪ್ಪ ಡೊಳ್ಳಿನ ಸೇರಿದಂತೆ ಗ್ರಾಮದ ಮುಖಂಡರು ಹಾಗೂ ಭಕ್ತರು ಉಪಸ್ಥಿತರಿದ್ದರು.