ಯರಗಟ್ಟಿ 05: ಕ್ಲಿಷ್ಟಕರ ಸಂದರ್ಭದಲ್ಲಿ ತಮ್ಮೆಲ್ಲ ವೈಯಕ್ತಿಕ ಕೆಲಸ ಕಾರ್ಯಗಳನ್ನು ಬದಿಗಿಟ್ಟು ರೋಗಿಗಳ ಪ್ರಾಣ ಉಳಿಸುವಲ್ಲಿ ವೈದ್ಯರ ಹಾಗೂ ಸಮಾಜ ಸುಧಾರಣೆಯಲ್ಲಿ ಪತ್ರಕರ್ತರ ಸೇವೆ ಶ್ಲಾಘನೀಯ ಎಂದು ಕದಳಿ ವೇದಿಕೆ ಅಧ್ಯಕ್ಷೆ ಅನ್ನಪೂರ್ಣ ಲಂಬೂನವರ ಹೇಳಿದರು.  

ಸಮೀಪದ ಮುನವಳ್ಳಿ ಪಟ್ಟಣದ ಸೋಮಶೇಖರ ಮಠದ ಸಭಾಂಗಣದಲ್ಲಿ ರಾಣಿ ಚನ್ನಮ್ಮ ಸಹೇಲಿ ಗ್ರೂಪ್ ಹಾಗೂ ಸವದತ್ತಿ ತಾಲೂಕಾ ಕದಳಿ ವೇದಿಕೆ ವತಿಯಿಂದ ವೈದ್ಯರ ಹಾಗೂ ಪತ್ರಕರ್ತರ ದಿನಾಚರಣೆ ಪ್ರಯುಕ್ತ ಹಮ್ಮಿಕೊಂಡ ವೈದ್ಯರ ಹಾಗೂ ಪತ್ರಕರ್ತರ ಸನ್ಮಾನ ಸಮಾರಂಭದಲ್ಲಿ ಪಾಲ್ಗೊಂಡು ಮಾತನಾಡುತ್ತಿದ್ದರು.  

ರಾಣಿ ಚನ್ನಮ್ಮ ಸಹೇಲಿ ಅಧ್ಯಕ್ಷೆ ವಿದ್ಯಾ ಸುಭಾಸ ಬಾಳಿ ಅಧ್ಯಕ್ಷತೆ ವಹಿಸಿದ್ದರು. 

ಡಾ. ಪೂಜಾ ರವಿ ಹನಸಿ ಮಾತನಾಡಿ ಹೆಣ್ಣು ಭ್ರೂಣ ಹತ್ಯೆ ತಡೆಯಲು ಎಲ್ಲರಲ್ಲೂ ಜಾಗೃತಿ ಮೂಡಿಸಬೇಕಾಗಿದೆ. ಭ್ರೂಣ ಹತ್ಯೆ ನಿಲ್ಲದಿದ್ದರೆ ಮುಂಬರುವ ದಿನಗಳಲ್ಲಿ ಪುರುಷ ಹಾಗೂ ಮಹಿಳೆಯರ ಸರಾಸರಿಯಲ್ಲಿ ಬಹಳಷ್ಟು ವ್ಯತ್ಯಾಸ ಕಂಡು ವಿವಿಧ ಅಪರಾಧ ಕೃತ್ಯಗಳು ಜರುಗುತ್ತವೆ ಎಂದರು.  

ಡಾ.ಎಸ್‌.ಎಲ್‌.ದಂಡಗಿ, ಡಾ.ಪೂಜಾ ರವಿ ಹನಸಿ, ಪತ್ರಕರ್ತ ಪ್ರಶಾಂತ ತುಳಜಣ್ಣವರ, ತಾನಾಜಿ ಮುರಂಕರ, ವೀರಣ್ಣ ಕೊಳಕಿ ಅವರನ್ನು ಸನ್ಮಾನಿಸಲಾಯಿತು.  ಸುಮಾ ರೇಣಕೆ, ರಾಧಾ ಕುಲಕರ್ಣಿ, ಡಾ.ಮಧುಮತಿ ಕಲಾಲ, ಸುಜಾತಾ ರೇಣುಕಪ್ರಸಾದ ಜಂಬಗಿ, ಗೌರಿ ಜಾವೂರ, ವೀಣಾ ಪತ್ತಾರ, ರಾಜೇಶ್ವರಿ ಬಾಳಿ, ರಮೇಶ ರೇಣಕೆ, ಬಸನಗೌಡ ಹುಲಿಗೊಪ್ಪ, ನಿರ್ಮಲಾ ಗದ್ವಾಲ, ಪೂಜಾ ಕಮ್ಮಾರ, ಸುರೇಖಾ ಗೋಪಶೆಟ್ಟಿ, ಮುರುಘರಾಜೇಶ್ವರಿ ಹೊಸಮಠ, ಅನ್ನಪೂರ್ಣ ಹಿರೇಮಠ, ಶಿವಲೀಲಾ ಬಾಳಿ, ಉಮಾ ಕರೀಕಟ್ಟಿ ಸೇರಿದಂತೆ ಇತರರು ಇದ್ದರು.