ಲೋಕದರ್ಶನ ವರದಿ 

ಮಹಾಲಿಂಗಪುರ 10 :  2027 ನೇ ಸಾಲಿನ ಜನಗಣತಿ ಪ್ರಯುಕ್ತವಾಗಿ ಸಾರ್ವಜನಿಕರು ತಮ್ಮ ತಮ್ಮ ಮೊಬೈಲ್ ಗಳಿಂದಲೇ ಲಿಂಕ್ ಬಳಸಿ ಸ್ವಯಂ ಜನಗಣತಿ ಮಾಡಿಕ್ಕೊಳ್ಳಬೇಕೆಂಬ ಜಾಗೃತಾ ಜಾಥಾ ಕಾರ್ಯಕ್ರಮ ಪುರಸಭೆಯ ಮುಖ್ಯಾಧಿಕಾರಿ ನಾಮದೇವ ಲಮಾಣಿ ನೇತೃತ್ವದಲ್ಲಿ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಬೈಕ್ ರ್ಯಾಲಿ ಮಾಡುವ ಮೂಲಕ ನಡೆಯಿತು.  ಈ ರ್ಯಾಲಿಯಲ್ಲಿ 60 ಕ್ಕೂ ಹೆಚ್ಚು ಪುರಸಭೆಯ ಅಧಿಕಾರಿಗಳು, ನೌಕರರು, ಸಿಬ್ಬಂದಿಗಳು ಮತ್ತು ಪೌರ ನೌಕರರು ಇದ್ದು, ಲಿಂಕ್ ಬಳಸಿ ಕೇವಲ ಹತ್ತು ನಿಮಿಷಗಳಲ್ಲಿಯೇ ಜನಗಣತಿ ಮಾಡಿಕೊಳ್ಳಬಹುದಾಗಿದೆ ಎಂಬ ಫಲಕಗಳನ್ನು ಸಾರ್ವಜನಿಕರತ್ತ ಪ್ರದರ್ಶಿಸಿ,ಕೊನೆಯದಾಗಿ ಚೆನ್ನಮ್ಮ ವೃತ್ತದಲ್ಲಿ ಮಾನವ ಸರಪಳಿ ನಿರ್ಮಿಸಿ ಜನಗಣತಿಯ ಜಾಗೃತಿಯನ್ನು ಮೂಡಿಸಿದರು.