ಮೈಸೂರು, ಅ.5:   ವಿಶ್ವವಿಖ್ಯಾತ 409 ನೇ ಮೈಸೂರು ದಸರಾದಲ್ಲಿ ಮೈಸೂರು ರಾಜಮನೆತನದ ಮುಖ್ಯಸ್ಥ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಮತ್ತು ಅವರ ಪತ್ನಿ ತ್ರಿಶಿಕಾ ಕುಮಾರಿ ಒಡೆಯರ್ ಶನಿವಾರ ಮೈಸೂರು ಅರಮನೆಯೊಳಗಿನ ಜ್ಞಾನ ದೇವತೆ ಸರಸ್ವತಿಗೆ ವಿಶೇಷ ಪೂಜೆ ಸಲ್ಲಿಸಿದರು. 

 ಖಾಸಗಿ ಪ್ರಾರ್ಥನಾ ಮಂದಿರದಲ್ಲಿ ಯದುವೀರ್ ಅವರು ಪುಸ್ತಕಗಳು, ವೀಣೆ, ಸಂಗೀತ ಗ್ರಂಥಗಳು, ರಾಮಾಯಣ, ಮಹಾಭಾರತ ಮುಂತಾದ ಮಹಾಕಾವ್ಯಗಳಿಗೆ ಪೂಜೆ ಸಲ್ಲಿಸಿದರೆ, ತ್ರಿಶಿಕಾ ಅವರು ಅರಮನೆಯೊಳಗಿನ ವಾಣಿ ವಿಲಾಸ ಪ್ರಾರ್ಥನಾ ಮಂದಿರದಲ್ಲಿ ಜ್ಞಾನ ದೇವತೆಗೆ ಪೂಜೆ ಸಲ್ಲಿಸಿದರು. 

ಇದಕ್ಕೂ ಮೊದಲು ಕನ್ನಡಿ ತೊಟ್ಟಿಯಲ್ಲಿ ಗಣಪತಿ ಪೂಜೆ, ಸರಸ್ವತಿ ಅಷ್ಟಾರ್ಚನೆ ಮತ್ತು ಚಾಮುಂಡೇಶ್ವರಿ ಪೂಜೆಗಳು ನಡೆದವು. 

ರಾಜಮನೆತನದ ಸದಸ್ಯರ ಸಮ್ಮುಖದಲ್ಲಿ ನಡೆದ ಎಲ್ಲಾ ಆಚರಣೆಗಳ ಮೇಲ್ವಿಚಾರಣೆ, ಧರ್ಮಾಧಿಕಾರಿ ಜನಾರ್ದನ್ ಅಯ್ಯಂಗಾರ್, ಪುರೋಹಿತರಾದ ಶ್ಯಾಮ್ ಜೋಯಿಸ್, ಎಸ್.ನರಸಿಂಹನ್ ಅವರ ನೇತೃತ್ವದಲ್ಲಿ ನಡೆದವು.