ಸಿಂದಗಿ 26: ತಾಲೂಕಿನ ಹಿಕ್ಕನಗುತ್ತಿ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾಗಿ ಸರಸ್ವತಿ ತಳವಾರ ಆಯ್ಕೆಯಾಗಿದ್ದಾರೆ ಎಂದು ದೇವರ ಹಿಪ್ಪರಗಿ ತಾಪಂ ಇಓ, ಚುನಾವಣಾಧಿಕಾರಿ ಬಾರತಿ ಚಲುವಯ್ಯ ಘೋಷಣೆ ಮಾಡಿದ್ದಾರೆ. 

ಅಧ್ಯಕ್ಷ ಸ್ಥಾನಕ್ಕೆ ಅವಿಶ್ವಾಸ ಗೊತ್ತುವಳಿಯಾಗಿ ಖಾಲಿ ಇರುವ ಅಧ್ಯಕ್ಷ ಸ್ಥಾನಕ್ಕೆ ಮೇ 19 ರಂದು ಚುನಾವಣೆ ಜರುಗಿತ್ತು.  ಚುನಾವಣಾ ವಿಷಯವು ಉಚ್ಚ ನ್ಯಾಯಾಲಯ ಕಲಬುರ್ಗಿ ಯಲ್ಲಿ ಇರುವುದರಿಂದ ಘೋಷಣೆ ಮಾಡಲು ಆಗಿರಲಿಲ್ಲ. ನ್ಯಾಯಾಲಯದಲ್ಲಿ ವಿಚಾರಣೆ ನಡೆಸಿದ ನಂತರ ಉಚ್ಚ ನ್ಯಾಯಾಲಯ ಕಲಬುರ್ಗಿ ಇವರ ಆದೇಶದ ಮೇರೆಗೆ ಮೇ 20 ರಂದು ಹಿಕ್ಕನಗುತ್ತಿ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾಗಿ ಸರಸ್ವತಿ ತಳವಾರ ಆಯ್ಕೆಯಾಗಿದ್ದಾರೆ ಎಂದು ಚುನಾವಣಾಧಿಕಾರಿ ಘೋಷಣೆ ಮಾಡಿದರು. 

ಅಧಿಕಾರ ಸ್ವಿಕರಿಸಿದ ನೂತನ ಅಧ್ಯಕ್ಷೆ ಸರಸ್ವತಿ ತಳವಾರ ಮಾತನಾಡಿ, ಪಂಚಾಯತಿ ವ್ಯಾಪ್ತಿಯ ಎಲ್ಲ ಗ್ರಾಮಗಳ ವಾರ್ಡ್‌ಗಳಲ್ಲಿ ಸಂಚರಿಸಿ ಸಾರ್ವಜನಿಕರು ಮತ್ತು ಸದಸ್ಯರ ವಿಶ್ವಾಸಕ್ಕೆ ತಗೆದುಕೊಂಡು ಅಭಿವೃದ್ಧಿ ಕಾರ್ಯ ಮಾಡುತ್ತೇನೆ ಎಂದು ಹೇಳಿದರು. 

ಉಪಾಧ್ಯಕ್ಷ ಪ್ರಕಾಶ  ಅಡವಿ, ಸದಸ್ಯರಾದ  ವಿ.ವಾಯ್‌. ಬಿರಾದಾರ, ಚಂದ್ರಕಾಂತ ಸಣಮನಿ, ಶಿವಾನಂದ ಮರಬದ, ಕಸ್ತೂರಿಬಾಯಿ ಸಾತಲಗಾಂವ, ಗಿರಿಜಾಬಾಯಿ ಬಡಿಗೇರ, ಪರಮೇಶ್ವರ ದೇಸಾಯಿ, ಅರ್ಜುನ ದೊಡ್ಮನಿ, ಮಾನಂದ ಮಾದರ, ಹಾಗೂ ಮುಖಂಡರಾದ ರವಿಕಾಂತ ನಾಯ್ಕೋಡಿ, ಸಿದ್ದು ಸಾತಲಗಾಂವ, ನಾಗಣ್ಣ ಬಿರಾದರ, ಶಂಕರ ಬೊಮ್ಮನಹಳ್ಳಿ ಇತರರು ಇದ್ದರು.