ಮಾಸ್ಕೋ, ಜುಲೈ 19: ರಷ್ಯಾದ ವಾಯು ರಕ್ಷಣಾ ಪಡೆಗಳು ರಾತ್ರಿ ವೇಳೆ ನಡೆದ ದಾಳಿಯಲ್ಲಿ ಉಕ್ರೇನ್‌ನ 140 ಸ್ಥಿರ-ರೆಕ್ಕೆ (ಫಿಕ್ಸ್ಡ್-ವಿಂಗ್) ಡ್ರೋನ್‌ಗಳನ್ನು ತಡೆದು ಹೊಡೆದುರುಳಿಸಿವೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯ ಭಾನುವಾರ ತಿಳಿಸಿದೆ.

ಜುಲೈ 18ರ ರಾತ್ರಿ 8.00 ಗಂಟೆಯಿಂದ ಜುಲೈ 19ರ ಬೆಳಿಗ್ಗೆ 8.00 ಗಂಟೆಯವರೆಗೆ (ಮಾಸ್ಕೋ ಸಮಯ) ಈ ಡ್ರೋನ್‌ಗಳನ್ನು ವಾಯು ರಕ್ಷಣಾ ವ್ಯವಸ್ಥೆಗಳು ಪತ್ತೆಹಚ್ಚಿ ನಾಶಪಡಿಸಿವೆ ಎಂದು ಸಚಿವಾಲಯ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.

ಬೆಲ್ಗೊರೋಡ್, ಬ್ರಿಯಾನ್ಸ್ಕ್, ವೊರೊನೇಝ್, ಕಲುಗಾ, ಕುರ್ಸ್ಕ್ ಮತ್ತು ರೋಸ್ಟೋವ್ ಪ್ರದೇಶಗಳು, ಮಾಸ್ಕೋ ಪ್ರದೇಶ, ಕ್ರಾಸ್ನೋದಾರ್ ಕ್ರಾಯ್, ಕ್ರಿಮಿಯಾ ಹಾಗೂ ಅಜೋವ್ ಸಮುದ್ರ ಮತ್ತು ಕಪ್ಪು ಸಮುದ್ರದ ಮೇಲ್ಭಾಗದಲ್ಲಿ ಈ ಡ್ರೋನ್‌ಗಳನ್ನು ಹೊಡೆದುರುಳಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.

ಈ ದಾಳಿಯಿಂದ ಸಂಭವಿಸಿದ ಹಾನಿ ಅಥವಾ ಸಾವುನೋವುಗಳ ಕುರಿತು ರಷ್ಯಾದ ರಕ್ಷಣಾ ಸಚಿವಾಲಯ ಯಾವುದೇ ಮಾಹಿತಿ ನೀಡಿಲ್ಲ. ರಷ್ಯಾದ ಈ ಹೇಳಿಕೆಗೆ ಉಕ್ರೇನ್ ಅಧಿಕಾರಿಗಳು ತಕ್ಷಣ ಪ್ರತಿಕ್ರಿಯಿಸಿಲ್ಲ.