ಚಿಕ್ಕೋಡಿ 29: ಗ್ರಾಮೀಣ ಪ್ರದೇಶಗಳಲ್ಲಿ ಶಾಶ್ವತ ಕುಡಿಯುವ ನೀರಿನ ವ್ಯವಸ್ಥೆ ನಿರ್ಮಿಸುವುದು ನಮ್ಮ ಮೊದಲ ಆದ್ಯತೆ. ಕುಠಾಳಿ ಸೇರಿದಂತೆ ಸುತ್ತಮುತ್ತಲಿನ ಗ್ರಾಮಗಳಿಗೆ ಬೇಸಿಗೆಯಲ್ಲಿಯೂ ನೀರು ಕೊರತೆ ಆಗದಂತೆ ಈ ಯೋಜನೆಯು ದೊಡ್ಡ ಅನುಕೂಲವಾಗಲಿದೆ ಎಂದು ವಿಧಾನ ಪರಿಷತ್ ಸದಸ್ಯ ಪ್ರಕಾಶ ಹುಕ್ಕೇರಿ ಹೇಳಿದರು.

ಚಿಕ್ಕೋಡಿ ಹಿಸದಲಗಾ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯ ಕುಠಾಳಿ, ನವಲಿಹಾಳ, ಸಂಕನವಾಡಿ ಹಾಗೂ ತಪಕರವಾಡಿ ಗ್ರಾಮಗಳಿಗೆ ಕುಡಿಯುವ ನೀರಿನ ತೊಂದರೆ ನಿವಾರಣೆಗಾಗಿ ರೂ. 8.40 ಕೋಟಿ ವೆಚ್ಚದ ಯೋಜನೆಗೆ ಚಾಲನೆ ನೀಡಿ ಮಾತನಾಡಿದರು.ಈ ಹಿಂದೆ ಖಡಕಲಾಟ ಬಹು ಗ್ರಾಮಗಳ ಯೋಜನೆಯ ವ್ಯಾಪ್ತಿಯಲ್ಲಿ ಈ ನಾಲ್ಕು ಗ್ರಾಮಗಳು ಸೇರಿದ್ದರೂ, ಸಮರ​‍್ಕ ನೀರು ಪೂರೈಕೆ ಆಗದೇ ಸಾರ್ವಜನಿಕರು ತೊಂದರೆ ಅನುಭವಿಸುತ್ತಿದ್ದರು. ಈ ಸಮಸ್ಯೆಯನ್ನು ಶಾಶ್ವತವಾಗಿ ಬಗೆಹರಿಸಲು ನಾನು ಮತ್ತು ಶಾಸಕರಾದ ಗಣೇಶ ಹುಕ್ಕೇರಿ ಅವರ ಪ್ರಯತ್ನದ ಫಲವಾಗಿ ಸರ್ಕಾರದಿಂದ ಅನುದಾನ ಮಂಜೂರಾತಿ ದೊರೆತಿದೆ ಎಂದರು.ಈ ಯೋಜನೆಯಡಿ ಬೇಡಕಿಹಾಳ ಗ್ರಾಮದ ಹತ್ತಿರದ ದೂಧಗಂಗಾ ನದಿ ಮೂಲದಿಂದ ಸುಮಾರು 14.5 ಕಿ.ಮೀ ದೂರದವರೆಗೆ 150 ಎಮ್‌.ಎಮ್ ವ್ಯಾಸದ ಡಿ.ಐ. ಪೈಪ್ ಅಳವಡಿಕೆ, 5 ಎಚ್‌.ಪಿ ವ್ಯಾಸದ 2 ಪ್ರೇಶರ್ ಫಿಲ್ಟರ್, 28 ಎಚ್‌.ಪಿ. 2 ಹಾಗೂ 45 ಎಚ್‌.ಪಿ. 2 ಮೋಟಾರ್ ಪಂಪ್‌ಸೆಟ್‌ಗಳನ್ನು ಜಾಕ್‌ವೆಲ್ ಮತ್ತು ಕ್ಲೋರ್‌ಟ್ರೀಟ್‌ಮೆಂಟ್ ಪ್ಲಾಂಟ್‌ನಲ್ಲಿ ಅಳವಡಿಸುವ ಕಾಮಗಾರಿಗಳು ಕೈಗೆತ್ತಿಕೊಳ್ಳಲಾಗಿದೆ. ಯೋಜನೆ ಪೂರ್ಣಗೊಂಡ ಬಳಿಕ ಕುಠಾಳಿ, ನವಲಿಹಾಳ, ಸಂಕನವಾಡಿ ಹಾಗೂ ತಪಕರವಾಡಿ ಗ್ರಾಮಗಳಿಗೆ ಬೇಸಿಗೆಯಲ್ಲಿಯೂ ನಿರಂತರವಾಗಿ ಶುದ್ಧ ಕುಡಿಯುವ ನೀರು ಲಭ್ಯವಾಗಲಿದೆ ಎಂದರು.

ಕಾರ್ಯಕ್ರಮದಲ್ಲಿ ನವಲಿಹಾಳ ಗ್ರಾಮದ ಮುಖಂಡರಾದ ಜಯರಾಮರಾವ ಘೋರೆ​‍್ಡ ಸರಕಾರ, ರಾಕೇಶ್ ಚಿಂಚಣೆ, ಸತೀಶ ಪಾಟೀಲ, ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಸಚಿನ್ ಹುಕ್ಕೇರಿ, ಮನೋಹರ ವಾಘಮೋಡೆ, ಮಾರುತಿ ಕೌಲಾಪೂರೆ, ಕಲಗೌಡಾ ಪಾಟೀಲ, ರಾಜು ಢಂಗ, ಬಾಳಗೌಡಾ ಜಯಪ್ಪಗೋಳ, ಶಿವಗೌಡಾ ಪಾಟೀಲ, ತಾತ್ಯಾಸಾಬ ಪಾಟೀಲ, ಲಗಮಣ್ಣಾ ಖೋತ, ಅಪ್ಪಾಸಾಬ ಖಡ್ಡ, ಬಾಳಗೌಡಾ ಧೆಮನ್ನವರ, ತಮ್ಮಣ್ಣಾ ತೋಡಕರ, ದಿಲಾವರ ಪಠಾಣ, ಅಶೋಕರ ಘೋರೆ​‍್ಡ, ರಾಮಾ ವಾಘಮೋಡೆ, ರಸುಲ ಪಠಾಣ, ಉಮರ ಪಠಾಣ, ಅಶೋಕ ಕಾಮಗೌಡಾ, ವರ್ಧಮಾಣ ಹುವನ್ನವರ ಸೇರಿದಂತೆ ಅನೇಕ ಗಣ್ಯರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.